حب رغم الحواجز

البارت 27

( حب عبر الحواجز )
#Akabl_mahameed
&&&&&&&&&&&&&& +

شهرزاد بقيت يم اهلي واحمد بعد مااجه بس مروذة انطاني فلوس مال ملابس للعيد
روكان كام يتصل بين كل يومين ثلاثة جاوبتة بس مرة
كال اريد اعرف عمي وين شافج وخطبج
كتلة عرفت من رياحين امك هيه لحت علي وهيه تعرف اهلي واجتي وخطبتني
- يعني امي هيه اختارتج اله
- ايي ولحت حيل على أحمد حسب كلام رياحين
- اها .
- رايد شي
- لا سلامتج.
- باي
- الله وياج.
سديتة منه وحضرت رقمة اول يوم العيد اجه احمد علمود يرجعني رجعت وياة لان اني اصلا مافكرت بالطلاك رغم كلشي بس ابقى احبه ماعرف شنو من قلب قلبي رغم قلبي بقى يحبه
قبل لا نوصل وكف يم سوبر ماركت اخذ علاكة حلويات لعلاوي وعلب بقلاوة وكيك وعصاير للبيت
وصلنة تلكتني ام روكان وبناتها سلمت عليهم وعايدتهم وسلمت على ابو روكان صار بوجهي روكان استحيت مااسلم علي كدام ابو واحمد كتله كل عام وانته بخير يوم عرسك
دنك و رد وانتي بالف خير
رحت لغرفتي لحكتني احمد جاي ابدل وحضني
- وين عفت علاوي.
- يم رياحين عوفج منه مشتاقلج حييل
كام يبوس بوجهي ويجر بية للسرير
- زعلانة عليك.
- ليش.
- ضربتني واني ما غلطانة
- اعذريني ساعة عصبية
- هو انتو الزلم كلشي تسوون وتكولون ساعة عصبية
- سدي الموضوع شنو راح نبقى نحجي بي
باسني بشفتي...
نمت على ايدة غفيت شوية وكعدت سبحت وطلعت هو بقى نايم
كعدت يم ام روكان وبناتها روئ اجه رجلها اخذها مابقت هواي
سمعنة صوت تكسير بغرفة روكان كلهم صعدو فوك وابو روكان لازم الدرج ويصيح هاي شكو بقيت يم علاوي لان خاف 3

طلع احمد سابح والمنشفة على راسة
- تعاي طلعيلي ملابس
- وين  تطلع
- معزوم اني وابو روكان
- تتأخر يعني
- نبات لان طريق طويل مالحك ارجع
- دير بالك على نفسك
- طلعيلي دشداشة وجراوية
- هاا شعجب
- مو عرس وجوبي
- هاا تونس لعد
تقرب باسني بركبتي من ورة
-ديري بالج على علاوي
- بعيوني اخلي
بدل وطلع هو واخو طلعت لطيت ام روكان تعبانة وضغطها صاعد سويت الها نومي بصرة علمود ينزل
بس هيه تلوب وخايفة على روكان انسحبت لغرفتي
حسيت بالاحراج لام الصار بسببي عرفت روكان ضاج وطلع من البيت لان رجعت
نام علاوي بحضني حضنتة وغفيت 2

فزيت على صوت صياح عرفتة روكان فجاة دفع باب الغرفة ودخل صحت بي اطللع شعندك داخل
لزمني من زندي ويصبح اني بحالة صدمة من وضعة عيونة حمر وكوة يحجي لسانة ثكيل

دخلت امه جرتة كعد بالكاع وكام يبجي عرفتة سكران ومو بوعية بقى يحجي ويعيط اني بالحاله رعب
كامت تجر بي امه وهو واكف كبالي يصيح والله اذبحج انتي وياة يقصد احمد
كم ابجي واعيط عوفني ابوس ايدك عوووفني اعتتقني

- اعوفج شلون اعوفج وانتي تمشين وية دمي اني لوما انتي جان متت ماكدر بلياج رجع يبجي وركع يم رجلية
- اروحلج فدوة اطلبي الطلاك اغااار ياامه الاسلام اغار عليج من الهوى ومن يفوت عمي للغرفة يمج اموت الف موتة
كام يصرخ علاوي ركضت شلتة واسكت بي
كوة جرتة امه طلعتة
ركضت وراهم قفلت الباب
حضنت علاوي عبالك اريد اتحامة بي هو دفن وجهة بصدري ونام
نمت وفزيت الفجر احمد حضني واني نايمة جفلت حيل
- اسم الله شبيج
- جفلت جنت نايمة
- كومي اشربي مي وجهج صار اصفر.
كمت توضيت وصليت الفجر بقيت كاعدة ماكدرت ارجع انام عقلي يكرر الصار البارحة بليل ودموعي وحدها تنزل شراح يخلص الحياة هاي يارب طلعني من راسة اريد أعيش بسلام بدون ما أخاف
للساعة ب7 كعد احمد سويتلة ريوك وكعدت اتريك وياة من كملت سلكت بيض لعلاوي من كعد ريكتة واخذتة للحمام سبحتة جاي ابدلة ودخل احمد
- تروحين وية ام روكان
- وين
- حفلة التخرج مال مهدي
- لا مالي خلك
- لعد بدلي
- ليش
- اخذكم اونسكم
- صدك