حب رغم الحواجز

البارت السادس

(حب رغم الحواجز)
#Akbal_Mahameed
&&&&&&&&&&&&&&

بيوم جنت بالدوام خلصت القضيه البيدي وردت اوديها لاستاذ كامل بغير مكتب كمت اوديها وحجة استاذ فلاح حجه
-وين ست رؤى+

ليش يسأل استغفرالله شعليه هو كتله واني امشي للباب
- استاذ رايحة لاستاذ كامل.

عفته ورحت لأن ضجت من تدخلاته الهواية صارت
رحت اوديه جان اكو ممر بيه مكاتب وغرفة القاضي شايله ملف القضيه وامشي رفعت راسي
وشفت آخر واحد جنت متوقعه اشوفه
صفنت عليه لازم طفل يمشي بيده وفرحان وياه واحد وبنيه ورجال جبير دار وجه ليكدام وشافني

باوعت لطريقي وكأنما مشفته ولا انتبهت
مشيت من يمه وهو صافن عليه واني جان نظري ليكدام فتت من يمه وتعديته
بس شي بداخلي تحرك حسيت جرحه رجع نفتح بگلبي..
كأنما البارحه غدر بيه والبارحة خابرتني مرتة وعرفت بي متزوج
قويت نفسي ورحت دكيت الباب
سمعت صوت استاذ كامل كال تفضل
دخلت سلمته الملف شافه وشكرني
وهذا كله واحس واحد خانكني ماعرف شلون جنت واكفه واحجي عادي ويه الاستاذ واني مخنوكه
كتله العفو استاذ ورحت من الباب الخلفي للمحكمه
خالين مسطبات مرات المحامين يكعدون لو يتجمعون كلهم

رحت كعدت ع مسطبه همزين محد بيها كعدت
واني أجر نفس حيل قوي اريد اهدئ نفسي شويه رجفة احسه بدمي وبعظامي بعده يأثر بيه
بعد كل هذا الي سواه.
احس اريد ابجي اعيط ادفن وجهي بالمخده وابجي ماريد احد يشوفني
هسه
رؤى انتي قوية قوية ماتبجين كدام واحد محد يستاهل تخلينه يشوف دموعج ومحد يستاهل تنزلين دموعج عليه اهدي اهدي
شوفتج إله جانت متوقعه ولازم يجي يوم وتشوفينه كافي كافي

جنت اصبر واهدي نفسي بهل كلمات
جان عقلي يكول لگلبي بس لا تحن وتختنك وترجف علمود وأحد ميستاهل بس گلبي رده فعلة اقوى من كلشي
ضليت شويه بس جان گلبي ممتحمل وصدري مختنك كلش
دنكت راسي ودموعي ستسلمن وكعن وشهكتي طلعت جنت حابستهن ماريد اطلعهن اني مو ضعيفه حتى ابجي وعلمود منو علمود رجال وميستاهل هم
بس متحملت متحملت الخنكه الي بصدري ورجفه گلبي من شفته وذكرت
بجيت ع نفسي مو عليه ع اختياري الغلط بيه على نفسي شنو من موقف خليتها بي على كرامتي الي داس عليها ومهمته هو اني سبب جنت
ممطيه مجال لواحد ليش هو انطيته وخليته يكسرني هيج

جريت نفس ومسحت دموعي وعيوني ماريد اشوفهن ينزلن ابد على كائن من يكون
رفعت راسي للسما وتنفست قوي
وجان اسمع صوت وراي

-ارتاحيتي

نداريت بسرعه واشوف القاضي فلاح كمت بسرعة
- نعم استاذ رايد شي
حجه وهو يباوع على وجهي
- بيج شي انتي
- لا استاذ عفته وردت اروح
- ماعرف ليش ممصدكج1

عفتة ومشيت مالي خلك ارد عليه صدك والي مصدك مشكلته مو مشكلتي معايزني بس هو
رجعت للمكتب هو شويه واجه ورايه شويه ودخل الولد الشفتة وية كابسوي الاسود قبل شوية هو بنية عرفتة اخو من الاسم حجوا ويه القاضي فلاح
عرفت جاي ويه اخوه يعقد محكمه
نزلت راسي اني ونشغلت اكتب
شويه وطلعوا واخذهم فلاح
خلص الدوام واني على اعصابي بس اريد ارجع للبين نضرات القتضي فلاح وترتني وشوفة امجد فتحت جرح قديم بكلبي وخلتة يرجع ينزف
اجة روكان اخذني وصلني للبيت وراح مادخل
فتحت الباب وطبيت ماكو احد البيت فارغ صحت ماما رياحين ماكو وينهم
طلعت موبايلي خابرت رياحين جاوبتني وصوتها بي شهكة
- شبيج رياحين وين انتو
- احنة بالمستشفى روئ
- شكو شصاير.
- علاوي وكع من الدرج.
- عزاا بعيني وهسه ولج شلونة.
- جبناء للمستشفى جاي يخيطون براسة.
- ياعمري يمتة تجون.
- شوية ونجي ان شاء الله.
- اني اجيت ومالكيت احد.
- ايي اني من اجيت من الدوام اريد اصعد وهو لحكني وكع.
- يلة عمري مابي شي ان شاء الله.
- ان شاء الله.
- يلة حبيبتي اني راح اصعد ابدل وانتضركم.
- تمام.
سديتة وخابرت روكان.
- الوو.
- هاا روئ.
-وين انتة.
- موجود بالمنطقة .
- تعال اهلي رايحين للمستشفى.
- خير ياستار
- علاوي واكع وماخذي للمستشفى تعال للبيت اخاف وحدي.
- خوش جاي.
سديتة وبدلت ومن نزلت لكيت روكان جاي وجايب وياة اكل جاهز.
- ايي عشت .
- رتبي وجيبي للصالة جوعان كلش.
رتبت الاكل واخذتة للصالة جايب لفات كص وصاج.
كعدنة ناكل دقايق واجوي عمو شايل علاوي وجهة احمر ومحتقن ورياحين عيونها مغوركة بالدموع
رحت جبتلهم مي عمو خلة علاوي بغرفتة وراح يسبح
كعدت رياحين تحجي شلون وكع ودموعها تجري عبالك امة وكلبها يوجعها علي.
- كولي يالله حبيبتي مابي شي.
- روئ ماشفتي شلون وكع كلبي طار مني والله.
- حبيبتي الله يحفظة الحمدلله عدت سلامات.
- بس عمو ضاج حييل وكام يصيح علية.
- حقة رياحين تدرين بي شكد يحب علاوي واعذري.