( حب رغم الحواجز )
#Akbal_mahameed
&&&&&&&&&&&
رياحين يوم العرس اليوم الكل مجتمع ابيتنة الكل فرحان اني خايفة بس ارجف واباوع بالوجوه
روئ تباوعلي وعيونها مدمعة كل ما تجي يمي تكولي الله يسعدج ويعوضج
إجه اخذنة من الصالون روكان
جنت لابسة بدلة الحنه لون ماروني
تلكتني تمي هلهت وخلاتي يشمرن جكليت
كعدت بالصالة ومها جابتلي مي
شوية وجابت روئ الحنه حنتني امي
ساعتين وكمت بدلت لبست بدلة مال العرس كلبي يدك مثل الطبل وسام خابر روكان كالة راح نجي
ادية ترجف يمي روئ تهدي بيه
- شبيج ولج وجهج صار اصفر
- خايفة روئ عفية لا تعوفيني
- عزا صدك تحجين
- ايي والله خايفة فدوة شلون بية
- ولج قابل جاهل انتي شبيج قابل راح ياخذ روحج
- اكلج اخاف اخاف
- انجبي بلة خوف رجلج خوش رجال ديري بالج على نفسج وعلي
اشرت لمها
- هاا عيني
- اريد حبايه فاليوم
- شسوين بيها يمعزاية
- انطيني ومعليج
- دولي رعنة،مها ديري بالج تنطيها
- لا اصلا ماكو
- الدموع انحصرت بعيني بعد شوية وابجي سمعت صوت الهورنات ونزلت دموعي
دخل هو واهله وامه تهوس كدامة اجه باسني براسي وكعد بصفي
همس باذني
- شبيج
- مابيه شي
- لعد ليش تبجين
مارديت
مد ايدة مسح دموعي باابهامة
- هالدموع ما اريد اشوفها انتي مو بعيدة على اهلج يمته ما تريديهم اجيبج
بقيت ساكتة
كام وكال لامه يلة
اجتي مها كبعتني بالبرنص وهو يكوللها لفيها زين
لزم ايدي وطلعنة اباب الصاله جان واكف روكان تسالم هو وياة وطبط على جتفة
- خليها بعيونك ترا اذا بيوم اجتني مغثوثة انسة خوتنة
- افاا تشلع عيوني لو اجتك بيوم
- والنعم منك
اجة باسني براس من فوك البرنص
- ديري بالج على نفسج بعد اخوج وديري بالج على خويي ( اني خليتج بيد رجال يصونج )
هزيت راسي ماكدرت احجي لان العبرة خانكتني
طلعت من بيت اهلي ودعت بيتهم العشت بي اجمل سنيني دخلت لحياة مااعرف شنو المضموملي بيها
وية شخص من اختيار اخوي الي عارض اختياري الجلال وجان كل كلامة صح مطمئنة نوعا ما لان كالي خليتج بيد رجال يصونج
وصلت الزفة اباب بيتهم امه جانت كاعدة بالصدر ويانة
نزلوا ونزل هو فتحلي الباب
دخلوني للصاله وياي مها وشهرزاد اجوي
كعدت على الكرسي واجني نزلن البرنص ورتبني
ام وسام كالت خلي ندخلها للغرفة نص ساعة ويزفونة
كمت وياهن بس حيلي كلة يرجف دخلوني للغرفة ومها طلعتلي سيت مال نوم خلتة على السرير
- كومي انزعي البدلة والبسي
- وين انزعها
ام وسام كالت هذا الحمام اخذي راحتج يمه
عافتني اني ومها وشهرزاد بالغرفة وطلعت
اخذتة ودخلت للحمام نزعت البدلة ولبستة زين مستور شوية شوية لان فوكة لبست روب
طلعت رتبت مكياجي شهرزاد ورشتلي عطر مها واكفة فوك راسي وتوصي بيه ديري بالج على رجلج ولا تعاندينة
بس اهز براسي
دخلت امه كالت راح يزفوه
ودعني طلعن بقيت كاعدة على السرير افرك بدية
اسمع هوسات امه تهوسلة وصوت شباب
أنت تقرأ
حب رغم الحواجز
ChickLitجنت احجي وابجي اريدة يفهم اني ماصير لغيرة اسمعة يكول لعد شلون اني ماعوفج مستحيل اعوفج بيوم ولا اني اعوفك ثق بية لغيرك ما اصير شلون ماتصيرين والعالم باجر تجي تشوفج يعني انتهى كلشي يولي انطيني الضوة الاخضر وخليني اتصرف والله احركها على روسهم. لا تخرب...
