( حب رغم الحواجز )
#Akbal_mahameed
&&&&&&&&&&&&&&
غسلت وصعدت لغرفتي احاجي نفسي لازم اشوف حياتي وامحي اسمه من قاموسي
ورة صلاة الجمعة اجه ابوي صبيت الغدة وكعدنة نتغدة امي فتحت موضوع النسوان الاجني كاللها عوفي ورة الغدة
ما حجت كملت اني وكمت خليت القوري مال الجاي على النار من كمل ابوي صبيتلة
اريد اصعد لغرفتي صاح وراي تعاي بابا رياحين
نزلت كعدت كبالة
- ها بابا
- صديق اخوج وسام خطبج من اخوج وكالي كتلة خلا بيكم وانطيتج لان الولد اني اعرفة واخوج يعرفة والنعم منه اخلاق وسمعة ويرفع لراس
ما حجيت بقيت مدنكة
- عندج اعتراض
همست بكيفك بابا التشوفة سوي
كمت رجعت لغرفتي
روئ يومين الوضع متوتر بالبيت اني انزل اسوي الغدة واصعد لغرفتي ما اكل جوة مهدي يجي من الشغل جايب وياة اكل وهو ينزل ياكل وية اهله
دانوم بنفسج ودخل مهدي
تمدد بالفراش
شفت بنفسج غفت كمت صار مهدي بضهري
حضني ودارني علي
- شو شوية
همس باذني مشتاقلج موت
- مهدي اريد انام
من سمع مني جرني للفراش
ابتعد واني كمت اريد اروح للحمام
- تعاي
- هاا
- ابقي بحضني
- اريد اسبح
جرني على صدرة
- ليش مجافيتني هيج
- داتشوف الوضع شلونة
- واني شنو ذنبي
- مجاي تسويلي حل الى متى ابقى اتعذب هيج اني جاي اتعب وطل بشر واله طاقتة
- الله كريم، بس انتي اكسري الزعل وية امي
- شسوي
- اليوم سعاد ترجع لعيالها والعصر انتي انزلي اعتذري من امي وكسري الزعل
- اعتذر!!! ليش اني شسويتلها
- ميخالف حبيبتي هي ضاجت لان غلطتي على سعاد
- وغلط سعاد ليش محد يحاسبها ليش بس اني
- حبيبتي
- لا حبيبتي ولا بطيخ سكتت وبقيت اهنا لخاطرك بس ما أعتذر واني ممسوية شي كلهم تجاوزوا عليه واني ما حجيت وية امك ولا قللت احترامها
عفتة وطلعت للحمام يريد اعتذر منها وهي تكوم وتكعد ادوس ابطني
سبحت ورجعت للغرفة جان نازل جوة
شهرزاد ودينة علاوي لدكتور باربيل كال عندة التهاب الكبد الفايروسي A وجرعتين علاج وحدة هسه وحدة بعد ستة أشهر طمنة وكال يتشافة مرضة مو صعب
رجعنة للشقة روكان راح يجيب اكل واني بدلت اليه ولعلاوي وكعدنة ننتضرة
دخل محمل علاليك كمت اخذتهن من ايدة وهو راح للحمام خليت الاكل بصينية واخذتة للغرفة
صاح شهرزاد
- هاا
- شو تعاي
وكفت يم الباب
- هاا شتريد
- طبي شبيج
سكتت
فتح الباب هو كبل درت وجهي
- ههههه ديري وجهج لابس
درت وجهي
- هاا
- تعاي افركي ضهري
- اممم
دخل واني دخلت كعد وانطاني اليفة لابس بس الشورت واني وجهي يريد يطك من الحرارة خجلت كلش
كوة فركت ضهرة كب مي على جسمة طفش عليه
- اشههه هاي شبيك
- هاا ما ادري
اريد اطلع ولزم ايدي
- شبيك روكان
- ااا شسمة
-ههه شنو الشسمة
- استغفر الله، اطلعي اكمل سبح واطلع
- يلة لا يبرد الاكل
طلعت كل جسمي يرجف حسيتة يريدني بس ما يعرف يبادر ومراتبك
اني ما اعرف شنو مشاعري اتجاها ملخبطة
بدلت ملابسي لان تنكعت ودخل هو
كعدنة نتعشة بهدوء
أنت تقرأ
حب رغم الحواجز
ChickLitجنت احجي وابجي اريدة يفهم اني ماصير لغيرة اسمعة يكول لعد شلون اني ماعوفج مستحيل اعوفج بيوم ولا اني اعوفك ثق بية لغيرك ما اصير شلون ماتصيرين والعالم باجر تجي تشوفج يعني انتهى كلشي يولي انطيني الضوة الاخضر وخليني اتصرف والله احركها على روسهم. لا تخرب...
