( حب عبر الحواجز )
#Akabl_mahameed
&&&&&&&&&&&&& +
تمددن بفراشي خايفة مجاي احس بالامان حايرة دموعي وحدها تنزل الرهبه والخوفة بعدها بجسمي
دخل امي تمددت بصفي خليت راسي على صدرة وكمت ابجي واشهك بالبجي
- شبيج شهرزاد شبيج
- طلعني من هالبيت فدوة.
- شصاير احجيلي
- تعاركت وية ام روكان
- لعد ليش من سئلتج كتلي لا
- جنت تعبانة احمد فدوة طلعني من هالبيت بعد مااتحمل
-الله كريم نامي هسه
حضنته ونمت فزيت الفجر على صوت الاذان كمت توضيت وصليت كملت وكعد احمد
رجعت نمت ماكعدت للساعة ب 11 ثاني يوم
كمت سبحت ومشطت شعري دخل احمد كال اليوم خطوبة رياحين تروحين للصالون وياها
- ايي روح.
ماردت ابقى وحدي بالبيت ونعاد الضار البارحة
سويت الغدة وتغدينة روكان ماكو وام روكام كل ماتصير عيني بعينها تخزرني ورة الغدة
اجتي روئ ومها رياحين كالت تعاي وياي للصالون
كتلها اي
رحت بدلت وصلنة احمد للصالون اني مابالي شي واصلا مالي واهس لشي ابد بس ماردت ابقى وحدي
من اجه دوري طلبت منها تبرم بس شعري ومكياج خفيف كلش
كملت رياحين وما شاء الله طلعت تخبل
اجه اخذنة احمد رجعنة للبيت لازم يجون اهل جلال وتعقد شيخ يلة تروح للقاعة هذا حسب كلام ابو روكان
شوية واجوي صاحلها احمد وكفت ورة الباب وعقدت
هستوها دخلت للصالة ودخل روكان دنكت على علاوي سويت نفسي ملتهيه وياة اني من شفتة جسمي كله كام يختض باس راس رياحين وراح على امه دارت وجهه عنه وخلت ايدها على صدرة دفعتة
هز راسة وصعد للغرفتة
اجة احمد صاحله علمود يوصلهم للقاعة
رحت للغرفة لبست جبه فوك ملابسي ورتبت شالي
طلعنة اني ومها وعلاوي وية احمد وام روكان وروئ ورياحين وية روكان
وصلنة للقاعة وبدو الناس يجون كرايبهم وعيال مها ورئ واهل جلال
جانت حفلتها كلش حلوة كل الوقت روكان كاعد يم امه ولازم ايدها وهيه صادة عنه زعلانة 1
رياحين ثالث يوم العيد صارت حفلتي
ورة الضهر رحت للصالون وياي روئ وشهرزاد
اجتي البنية الي تسويلي المكياج
كتلها اريد مكياج هادى وبس تبرزين عيوني بالميكاج
والتسريحة رفعت شعري كله وكذلتي سوتها بفض ونزلت شوية من زلفي وبرمته
من كملنة اجة عمو اخذنة
بالطريق دزلي رسالة جلال حبيبي راح نطلع كملتي دزيتلة اني بالطريق كملت
وصلنة للبيت امي عيونها مغرغرة عبالك اليوم عرسي وراح تفاركني واني هم كوة لزمت دموعي
كعدت بالصالة وروئ جابتل مي شربت شوية واجو اهل جلال بس الزلم صاحلي عمو وكفت ورة الباب والشيخ يردد وية كل كلمة يكولها كلبي يدم بقوة عبالك يريد يطلع من صدري كمت ارجف ماعرف فرح توتر ماعرف شنو شعوري سمعتة كال نعم وانته وكيلي زرجع سئلني الشيخ جاوبتة سمعتة كال الف مبروك بالرفاه والبنين
رجعت للصالة ونزلت دمعة فرح من عيني خلاص صرت مرتة بالشرع والقانون وماكو أحد يكدر يفاركنة بعد
الف الحمدلله والشكر يا رب الف الحمدلله
دخل روكان من الصبح ماشفتة وامي ضايجة ماعرف شنو الصار وليش تخربطت شهرزاد احس شي مربوط بشي بس محد يحجي
اجه باس راسي
- الف مبروك ياروح اخوج
- الله يبارك بيك حبيبي يوم لالك ونفرح بيك
باسني براسي وراح على امي استغربت ماخلتة يبوسها دفعتة اول مرة امي تسويها هيه تحب روكان حييل
اجتي روئ لبستني البرنص لان جنت لابسة البدلة قبل لا نطلع دزلي رسالة جلال هسه ارتاحيت هسه يلة اكدر انام واني بالي مرتاح
- ان شاء الله دوم مرتاح حبيبي
- بوجودج اكيد مرتاح
- راح نوصل للقاعة
- ايي اني اخذت اهلي وجاي وراكم
وصلنة للقاعة وبدو الناس يجون كرايبنة وعيال روئ وعيال مها همه تاخروا شوية يلة اجوي
كال منضمة الحفلة بالسماعو يابنات راح يدخل العريس
جنت كاعدة على الكوشة دخل هو واه كدامة اطش ورد وجلكيت سوتلة فيكة حلوة وهو فدوة الطولة كاشخ لابس قاط نيلي طالع يخبل علي وصل كعد يمي
- نزل البرنص
- مغطية شعري
- لا تكفريني سدب زين ركبتج كلها طالعة
جريتة وهو اندار صفح شد البرنص بالقيطان
- من كتلج صوريلي البدلة ليش ماصورتيها
- مو صورتلك الفستان
- وينه لعد ليش ملبستي
- البسه بعدين
- استري علية واكعدي
- شنو يعني ماابدل
- لا ممنوع وين تبدلين اهنا بله مخلين كامرات
- هاي شبيك جلال
- اكعدي واسكتي كلت ممنوع
سكتت صعدت روئ جابت الذهب واجوي العاملات جابن الكيكة جانت عالية ثلاث طوابق تخبل ومكتوب عليه اسمائنة وتاريخ الخطوبة
لبسني الذهب وعينة على صدري لان بين من فتحت البرنص نفسه صار عالي وعيونة تباوع لصدري وتصعد تباوع بعيوني
- اشتعلو اهلج واحد واحد
برطمت شفتي
- لا تبجين يالحمزة واعدل شفتج ترا اسوي سوايه اخليها تنذكر بالتاريخ
- هاي شبيك جلال
ابتسم وهمس بية ريحانة
ابسمتلة
- يلة خلي نقطع الكيكة جانو مخلين مثل السيوف كبار عود نقطع الكيكة بينهم من شافهن جلال ضحك كال شنو راح نكص الكيكة لو معركة احد
صدك ضحكني لزمتة اني وياة وكصيناها
شال بالشوكة شوية وكلني واني وكلتة
كعدت بالكوشة وهو يمي
لزم ادي ويفر بالحلقة
- الله يقدرني واكدر اسعدج
- مدامك يمي اني سعيدة
- خايفة رياحين
- ليش حبيبي
- خايفة لا بيوم تتندمين لان ارتبطي بية
- ليش تحجي هيج
دايحجي واجتي روئ وياها المصورة
- يلة خلي ناخذلكم صورة
-وين ناخذ اهنا
- لا اكو بالقاعة غرفة خاصة للتصوير
- ايي زين
لزم ايدي ومشيت ورة روئ والمصورة
دخلنة لغرفة مال تصوير
كامت تعلمنة على الحركات وتاخذ
وحدة من الصور اني كعدت على الكرسي وهو دنك علية وحاوط وجهي بكفوف ادينة نضرتة صارت على صدري مو على وجهي واخذت الصورة المصورة كالتلة عيونك عيني ركز بوجه ضحك وفرك وجهة
كملت الصورة وهو وجهة صار احمر ويضخ عرك
ردنة نطلع نرجع للقاعة كال للمصورة ممكن لحظة اريد احجي وياها
كالتله اخذو راحتكم
أنت تقرأ
حب رغم الحواجز
أدب نسائيجنت احجي وابجي اريدة يفهم اني ماصير لغيرة اسمعة يكول لعد شلون اني ماعوفج مستحيل اعوفج بيوم ولا اني اعوفك ثق بية لغيرك ما اصير شلون ماتصيرين والعالم باجر تجي تشوفج يعني انتهى كلشي يولي انطيني الضوة الاخضر وخليني اتصرف والله احركها على روسهم. لا تخرب...
