حب رغم الحواجز

البارت 12

( حب رغم الحواجز )
#Akbal_mahameed
&&&&&&&&&&&&&&1

- عوفي خلي يولي شبي مستعجل.
- يكول خاف يجي احد يخطبج واهلج يوافقون.
- ايي خلي يصبر كم يوم لبين مايصير بابا زين.
انداريت اريد افتح الثلاجة شفت شهرزاد واكفة بالباب يعني سمعت كلامنة
ابتسمت بدون ما تحجي وراحت اخذت مي من الثلاج رادت تطلع 
- شهرزاد السمعتي ياريت محد يعرف بي 
- تدللي ما احجي والله يجمعكم ان شاء الله
- امين.
راحت واني صعدت لغرفتي خابرتة ماجاوب دزيتلة رسالة.
-براحتك لا تجاوب الضاهر لكيتها حجة علمود تعوفني جان المفروض تقدر وضعي
دزيتها شوية وخابر 
- الوو.
- شهالحجي هذا.
- حجيي صحيح انتة ماتحبني.
- وشلون عرفتي مااحبج بلة.
حجاها بستهزاء واني انفجرت ابجي.

- ماتحبني لو تجبني تقدر وضعي وتبقى وياي مو تزعل وتعوفني حايرة بينك وبين ابوي ابوي بالمستشفى وعندة عملية وانتة تزعل تكولي تتهربين خلي نفسك بمكاني ابوك عندة عملية واكولك تعال اخطبني.
همس اسف رياحين اسف 
- تتاسف لان تعرف بنفسك غلطان

- رياحين اعصابي تلفانة خايف على لحظة يجي احد يخطبج وأهلج ينطوج.
- واني شنو ذنبي، خليتني بحرب نفسية.
- هسه ياحبيبي يمتة اجي ريحي كلبي 
- اصبر سبوع تعال.
- ماشي حبيبي واعذريني يروحي.
- جلال هم تعوفني.
- اكيد يجي يوم واعوفج.

- ايي أدري بيك تعوفني.
- بس من اموت اعوفج ساعتها لا بيدي ولا بيدج.
- لا تحجي هيج فدوة.
- لا تجيبين طاري الفراك على السانج ماعوفج لاخر نفس.
- الله يحفظك اليه يارب.
- ويحفظج حبيبه كلبي 
سمعت صوت حركة فوك همستلة راح اسدة حبيبي.
- اخذي راحتج كلبي.
سديتة منة وتمددت بفراشي.
ثاني يوم كعدت الصبح بدلت ورحت لدوامي صار كم يوم ممداومة بسبب مرض ابوي 
من طلعت شفتة براس الشارع 
دزيتلة رسالة اشو دوم اشوفك اهنا ليش بيتكم وين.
- قريب يم المنتزه الي على الشارع.
- اهاا.
- لعد بالعيد اشوفك لان دائما اجي للمنتزه اني وروئ واجيب جهال مها.
- ان شاء الله قبل العيد انتي مرتي
دخلت للجامعة ومن محاضرة لمحاضرة الى ان خلص الدوام قبل لا اطلع كعدت اني واية بالكافترية 
- عندج صورة لجلال افندي اريد اشوفة.
- لا بس باعي مابقى شي للعيد تعاي عليه للبيت ونروح للمنتزه وهناك تشوفي 
- ليش.
- اني اريد اشوفة بالعيد اشتريتلة سبحة واريد انطيها وهو بيتهم قريب على المنتزه.
- اهاا اوكي.
سمعت صوت فراس من وراي.
- لحكتي حبيتي واحد ثاني.
- انتة شعليك مو عيب عليك تتصنت على بنات.
- ومو عيب عليج يومية حابة واحد.
- شوف لك معليك بية واذا تقربت مني مرة ثانية اشتكي عليك.1

- منو لك ولج اشو ما تحترمين.
- عفت الاحترام الك ياابو الاحترام.
- بسيطة رياحين اندمج والله.
- اعلى مابخيلك اركبة ولا تقصر عود.
خزرني وراح 
- اوووف ولج اووف يبقى العمر كلة وراي فراس.
- خلي يولي كلشي مايسوي.1