حب رغم الحواجز

البارت 18

( حب رغم الحواجز )
#Akbal_mahameed
&&&&&&&&&&&&&&

شلت جنطتي دكيت الباب طلعتلي امي حضنتها وبجيت طلعت كل قهري..

- اسم الله الرحمن شبيج يمة 
- مابية شي بس مختنكة 
- فوتي يمة 
دخلت جوة كام ابوي باس راسي حضنتة بوستة
كعدت يمهم وعلاوي بحضني مستغرب.
- شبيج بابا متعاركة وية رجلج.
- هيج شغلة بيني وبينة.
- ارتاحي بنيتي 
كام طلع واجتي امي يمي.
- شكو شصاير وضعج مو طبيعي وعيونج رايحة من البجي.
- اريد نطلع من بيت اخو مايقبل.
- هو مو هم بيتة رجلج عندة حصة 
- اي وكتلة اخذ حصتك وخل نطلع ماقبل 
- ليش يعزل صاير شي.
، مشاكل اني وبنات اخو.
- يمة من اجتي خطبتج ام روكان كالت همه مو أخوة ولد ابنة واحمد كل عمرة مافكر يعزل المشاكل موجودة بكل بيت اصبري بنيتي1

-ماكدر مااصبر لو يعزلي لو يطلكني.
- انجبي ولج طلاك شنو.
- مارجع وياة بذاك البيت.
- ارتاحي هسه انتي تعبانة
كمت لغرفتنة اني ومنى جانت نايمة بدلت ملابسي وبدلت لعلاوي على صوتنة كعدت 
- هلا والله شلونج ولج
- زوينة الحمدلله انتي شلونج.
- بخير شبيج.
- مابية شي.
- شسويتي علمود شغلة ابن حماج 
-اهلة عرفو.
- عزا يعني رجلج عرف.
- لا بس امة وخواتة لان اختة شافتنة سوة 
ضيكت عينها وكالت اشافت ولج.
- شافتة هو قريب علية.
- زانتي شلون تقبلين يتقرب هيج منج شهرزاد هذا ابن حماج يعني اذا فكرتي مجرد تفكير بي حرام عليج.
- كل عقلج منى هيج تضنين بية.
درت وجهي عنها هاي اختي وهيج تكول.
اجتي تبوس بخدي 
- مو قصدي والله بس ردت انبهج.
- اني مو طفلة واعرف الحرام من الحلال بس بتقية بحيرة لا اكدر اكول لزوجي ولا اكدر ابقى ساكتة
- احجي لاحمد 
- انتي خبلة يذبحة واخسر رجلج من وراة 
- امة شكالت من عرف.
- بجت ولطمت ويبقى ابنها مااتنطي بي بس طلعوني اني الساق**1

بقيت ابيت اهلي وعلاوي مستغرب ويبجي على ابو يسكت شوية ويرجع يبجي وهو متعلم على لحلويات والعصاير واني اجيت بطرك ملابسي مااخذت منة كلشي 
خابرني ثاني يوم يريد يجي ياخذني وسمع صوتة يبجي.
- شبي علاوي ليش يبجي.
- مستغرب اهلي مايعرفهم 
- راح اجي اخذكم 
- ماارجع.
- لا تخبليني جاي 
- لحالك تجي مارجع.
- شتريدين لخاطر الله.
- نطلع من بيت اخوك.
- ارجعي واني احجي وية الكل شحدة اليوصل يمج 
- ماتفهمني احمد.
-  جايج ونتفاهم 
سدة  وربع ساعة واجة سلم على اهلي ودخل للاستقبال رحت سلمت علي واخذتلة علاوي
شمر نفسة علي مشتاقلة وحتى اني مشتاقتلة
شوية وكال يلة شهرزاد نرجع للبيت 
رفعتلة حاجبي وكتلة مارجع.
- شنو هالحجي امشي ومايكون خاطرج الا طيب.
- مارجع وياك لذاك البيت الا نعزل.
كال ابوي بابا شهالحجي ذاك بيت عيالج وهو بيتج.
- بابا دائما مشاكل اني والبنات واطباعي تختلف عن اطباعهم 
- فد يوم واحد تجاوز عليج وسكتت اجيتي شكيتي وماخذتلج حقج.
سكتت.
- كومي بابا وية رجلج وكل مشكلة ولها حل.
- عمي هاي كدامك اذا فديوم واحد تجاوز عليها اني اخذلها حقها وشحدة الي يدوسلها على طرف بس طلعة اني ماطلع من بيت ابوي هاي الفكرة مستحيل3