حب رغم الحواجز

البارت 34

( حب رغم الحواجز )
#Akbal_mahameed
&&&&&&&&&&&&&&& 4

رياحين مر شهر تقريبا وجلال ماكو مابين ناار توج بصدري بعد ما اتحمل هسه يحاجيها ويراسلها
يمكن يروح يمها هيه ذابه نفسها علي وهو مو خير هم متونس للوضع
لزمت موبايلي طلعت رقمة واتصلت بقى يدك ويدك ما جاوب اتصلت ثلاث مرات ما جاوب
نزلت الواتساب وفعلتة جان متصل بالانترنيت
يعني متقصد ما جاوبني
دزيت رسالة الضاهر اكو الي سد مكان رياحين بالعافية عليك
جاوبني لا تاكلين تبن وشعندج جايه هسه مو بعد وكت
- مو اشوفك انته خابرت وسئلت
- ليش اخابر وليش اسئل اذا انتي مو هامج
- اني ما هامني انته الي التهيت وية غيري ونسيتني
- وهسه شرايدة من الاخير
- شسويت وية تغريد
- عفتها
- شنو يثبت
- تريدين اثبات ليش ماتثقين بكلامي
ماجاوبتة
دزلي سكرين للمحادثة بينهم كايللها تغريد اني وياج بعد ما نرهم سوة
هيه تكولة ليش مانرهم اني احبك والله
- واني احب مرتي وزواجي مابقالة شي
- عادي راضية المهم القى وياك
- كتلج ما نرهم يابنت الحلال
- تحبها
- حييل
- روح الله يسعدك ويشيل حبك من كلبي بس لو صار بيه شي بذمتك ترا
- واني شعليه
- خليتني احبك وعلقتني بيك وعفتني ومن كشفت ما خاينتك تكولي ما احبج  احب مرتي لعد وين حبك قبل وين كلامك
- قبل راح بوكتة الله يسعدج ويدزلج ابن الحلال الي يسعدج
ما مجاوبتة هيه بعد
دك جاوبتة
- الوو
- صدكتي هسه
- ايي، بس بقت شغلة
- شنو
- كسر خطك
- اشو تتامرين بنت الاوادم
- هذا العندي
- ماشي راح اجيب خطين واحد الي واحد الج
- اني ليش
- رقمج يعرفونة الطلاب بدلي ما اريد احد يعرفة غير اهلج
- تمام
- العصر اجيج واجيب الخط
- هلا بيك
- يلة راح اطلع هسه عندي شغل
- الله وياك
سديتة منه وتنفست براحة رغم بعدني حاقدة علي بس احبه وارتاحيت من عرفت عافها
كمت رحت للحمام سبحت طلعت شسورت شعري وسويتة ضفيرة راخية نزلت جوة جانت شهرزاد كاعدة بالصالة ويمها امي ومها اختي
كتلهم جلال يجي العصر
كالت امي هلا بي
مها: اكلج مو على اساس عرسج ورة العيد
رياحين: اي وتاجل
مها: ليش اشو احنه ما ندري
رياحي: هو كال من اكمل اثاث البيت انحدد موعد للعرس
مها: خير ان شاء الله
عفتها ورحت للمطبخ اجتي وراي شهرزاد
مبينة ضايجة
- شبيج شهرزاد
- روكان راح يرجع
- صدك
- اي امج جانت تحجي وياة كاللها على عيد ضحية اجي
- وانتي ليش ضايجة
- خايفة منه لا يرجع يفتري وراي
- انتو مو راح تطلعون منا
- اوو ورانه حصبة وجدري
- ليش
- ابوج انطة فلوس الحصة مال احمد وراح اشترة قطعة مو بيت وعود يريد يبنيها على كيفة
-هاا
هزت راسها بقهر كتلها ان شاء الله يكون عقلان شوية روكان ولا تخافين كلنة وياج
للعصر اجه جلال صاحلي عمو صعدت بدلت ونزلت رمض دخلت للاستقبال شافني وابتسم اني الابتسامة شكت حلكي كلت السلام عليكم وكعدت بصف عمو جان يحجي وياة بخصوص الوضع ومنطقتهم لان تحررت كالة احنه ما نرجع للانبار لان والدي اشترة بيت هنا واستقرينة الحمد لله
كالة عمو خير ان شاء الله اخذ راحتك
كام طلع وهو اندار علي باوعلي من فوك ليجوة وغمز
- شهالحلاوة
- زعلانة عليك
- ليش زعلانة بلة
- صار شهر ونص ما كلفت نفسك تبادر وتسئل
- انتي ليش ما خابرتي ليش ما سئلتي
- اني من حقي ازعل انته مالك عذر
- سدي السالفة وهاج هذا الخط خلي بمكان خطج القديم وهذاك كسري
- تمام
طلع من جيبة خط كمت اريد اخذة منه جرني من ايدي كعدني يمه
- مشتاقلج ولج
لف ايدة على خصري ولزم ايدي شبك اصابعي باصابعة
- احبج يا روح روحي
- واني مالي روح بدونك
- تغريد راحت ولت ما اريدج تشكين بية بيوم
- وانتة ليش تشك بيه دائما
- اني ما اشك بيج اني اشك بنفسي وباامي بس ما اشك بيج لان ادري بيج شريفة وعفيفة
- لعد ليش مرات تضوجني بتصرفاتك
- مو شك بس اغار واحترك نار تشتعل بية  مو بيدي وبدون وعي من احجي عليج
- اممم
دنك باسني بشفتي بهدوء ابتعدت خليت راسي على صدرة
- اكلك انته ليش هيج ضعيف
- من القهر
- لا صدك ليش
-اني من يومي ضعيف شنو ما عاجبج
- لا عاجبني ونص شلون ما تعجبني
- فدوة اروحلج 2