حب رغم الحواجز

البارت الخامس

( حب رغم الحواجز )
#Akbal_Mahameed
&&&&&&&&&&&&&&&1

كعدت على مسطبة فتحت العصير اريد اشرب منه ولعبت نفسي سديتة وخليتة بصفي بقيت كاعدة بمكاني انتضر روكان انتبهت على القاضي فلاح ماراح بقى واكف بمكانة وكل شوية يباوعلي+

ما اهتميت اله داقايق وشفت روكان دخل للمحكمة ماشافني راح على فلاح حجة وياة وذاك اشرلة علية كمت تمشيت ليمة.
- شبيج روئ بعدج تعبانة.
- لا احسن هسه.
- امشي حبيبتي اخذج للطبيب.
- مايحتاج بس وديني للبيت.
- حجة فلاح كالة روكان لازم توديها للطبيب لان قبل شوية تخربطت وحالتها جانت كلش تعبانة.
- امشي روئ.
هو تشكر من فلاح ومشة وياي وصعدت يمه ورجعت راسي على الكشن.
اخذني روكان للطبيب قاس ضغطي هبوط بالضغط والافلاونزا الموسمية اخذلي علاج ورجعنة للبيت.
لكيت امي تعبانة رياحين بالكلية وعمو احمد بالمدرسة وعلاوي متعبها لان وكح وحرك
صعدت بدلت ونزلت وسويت الغدة
اجة بابا من الجامع وكعدنة نتغدة

الايام تمشي واحنة نمشي وياها
حياتي عبارة عن شغلي الي صرت احبه كلش وعائلتي
بيوم جنت بالشغل ودخلت قضية قتل شاب متهم بقتل صديقة
كل الادلة كانت ضد الولد وتدينة بس فلاح من شاف القضية ماقتنع واجلها.
من طلعو سئلة المدعي العام ليش اجلتها جنت تكدر تحكم على الولد مدام هو القاتل1

- الولد مو هو القاتل
- شلون وكلشي ضدة.
- عماد اني اعرف الشخص من عيونة من يحجي القضية راح ارجعها للتحقيق ومااحكم بيها لان الحكم مو سهل اقل غلط يعدم حياتة للولد

مدنكة اكتب واسمع كلامة وية المدعي العام
ورة فترة رجعت القضية للحكمة واجوي شهود واثبتو برائة الولد حكم فلاح اله بالبرائة ام الولد هلاهلها ملت المحكمة وتمشي وتطش جكليت
صار وقت الاستراحة طلعت اشتري شي اكلة وشفتها تمشي وتوزع جكليت ابتسمت وعجبني تصرفة
وراها مشه دوام عادي وقضايا وتعب بس هو
شنو احجي بأي موضوع حته لو ويه البنيه تشتغل ويايه عذراء هو يرد قبلها لو يشاركنه الموضوع ومو يمه هو
تغاضيت عنه كلت يمكن هو طبعه هيج يشارك ويسولف
بيوم جنت بمكتب مالنه بس اني هم ماعرف وين راحوا اكتب ملف لقضيه هو طلبها مني..
دخل هو وبيده فايل يكلب بيه وكعد بمكتبه دنكت اني اكمل
رفعت راسي دخلت عذراء وبيدها هم ملفين كعدت بمكتبها وباوعت عليه.. حجت
- رؤى مشفتي شنو من قضيه اجتنه اليوم
- خير ان شاء الله شنو
- اجتنه اليوم قضيه والامه مكلوبه بره...رجال كاتل مرتة واختة
جفلت وكتلها يمه عزه..
- اي والله ناس صايره متخاف الله
- اي بله على شنو كاتلهم هسه يطلع فلوس مو
- اي والله يا رؤى ع فلوس شلون عرفتي
- مو هو رجال دني النفس متدني نفسه غير بس على فلوس ونسوان
سمعت صوت القاضي فلاح نسيت وجودة اصلا اني1

- مو كلهم سوه
انداريت عليه
- اها نكدر نكول ٩٩ ٪ مو
رفع رأسه وباوعلي يحجي بثقه..
- ليش هيج نسبه كلش عاليه للموزينين
- لأن هذا واقع حال والي دنشوفه
هو بقه صافن عليه حجت عذراء وباوعتلها..
- اي الي يقهرج كاتلهم بالسجين
علمود فلوس كاتل اخته ومرته شافته كتلها وياها من رادت تشرد
دنكت راسي وكلت
- استغفرالله الك ربي الله موجود عذراء وهو ديشوف كلشي..
بس لازم تعاقبونه وتخلونه يعفن بالسجن مو يجيب واسطه لو بفلوس ويطلع حته يصير عبره لغيرة.