( حب رغم الحواجز )
#Akbal_mahamed
&&&&&&&&&&&&&&
داسوي ممه لبنفسج ودخل مهدي اخذها من ايدي يلاعبها
- هاك شربها بين ما اصب الغدة
- يول تعبان اريد اطب اسبح
- مهدي عمتي راح تكوم تحجي خليها يمك
خليت الممة بيدة ونزلت اصب دخلت عمتي
- لعد مهدي شو ما نزل
- عفت بنفسج يمه هسه اصب واصعد اخذها منه
- غدي غدي هاي بنتج بس عاوية
- بعد هي طفلة
- هاي بس بنتج هيج عرمة على امها
حجتها وطلعت استغفر الله وتالي ويه هالمرة
صبيت وصعدت لغرقتي مهدي مخلي بنفسج بحضنة ويشربها ممه رحت اخذتها منه
- انزل تغدة صبيت
- انزلي انتي
- خلي انومها
نزل بقيت اني يمها الى ان نامت خليتها بسريرها ونزلت تغديت ولميت السفرة مهدي صعد فوك بقيت اشتغل كملت شغلي صعدت لكيتة سابح ونايم
تمددت بصفة ااخ تعبانة
غفيت شوية وفزيت على بجي بنفسج
كمت شلتها افتر بيها اريدها تسكت
- يمعوودة سكتيها
- شسويلها يا مهدي
كعدت ارضعها سكتت شوية شبعت واخذتها للحمام سبحتها طلعت مهدي كاعد خليتها بالكاع وطلعت ملابس ابدللها
- عوفها يمك بين ما اسبح
اخذها يلاعبها طلعتلي ملابس ودخلت للحمام سبحت وطلعت
- راح اطلع محتاجة شي
- ايي لحظة
كتبتلة ورقة مال حليب وحفاظات ومسواك للبيت
باوع بيها وحطها بجيبه
طلع شلت بنفسج ونزلت وراة وقت العشة عفت بنفسج يم عمتي وكمت اصب دخل مهدي انطاني الشغلات الوصيتة عليهن وراح يم أهله
خليت الاكل وشلت بنفسج كامت تبجي
اخذتها وصعدت فوك عمتي من تشوفها تبجي تبقى تذب حجي وتضوجني
افتر بيها بالغرفة اريدها تسكت ماكو
تلمست كصتها مصخنه
خليتها على السرير وطلعت شراب خافض حرارة
انطيتها ودخل مهدي
- شبيها تبجي اني جوة واسمعها
- مصخنة
- نوديها للطبيب
- لا عندي علاج
اجه شالها
- شبيج حبيبه ابوج
باسها ورجعها
تمدد بالفراش واني مخليتها بحضني شوية غفت خليتها يمي على السرير بقيت سهرانة وياها ومهدي نام
نص الليل تلمست كصتها زين حرارتها نازلة
وديتها بسريرها واجيت نمت
وهاكذة روتيني اليومي عمتي يوم بعد يوم تشد وياي لام طلعت لاربعين وما حبلت واني اصلا ماخذة احتياطي ما اريد طفل
هلكت وتعبت بين حجيها الي يسم والشغل مال البيت وبنفسج
كوة اكمل تنضيف طبخ وتكوم هي طلعلي شغل من جوة الكاع يجي مهدي تعبان يتغدة وينام ومرات ينام بدون غدة بنفسج صار عمرها خمس اشهر بس وكحة وكحة بشكل وما امن اعوفها وحدها دقيقة
عفتها يم عمي وصعدت طلعت ملابس لمهدي
دخل للغرفة
- بنفسج وين
- عفتها يم عمي
ضحك وغمزلي
تقرب يتحارش ويريد تقرب
- وخر يمعود
- شو من صارت بنفسج بنشفتها عليه
- والله مالي خلك لكلشي
- حتى اليه
- حبيبي والله تعبانة وهسه اذا ما نزلت تصعد عمتي تشهرني
اخذ ملابسة وراح للحمام
نزلت اصب غدة شفت بنفسج يم عمتي زين جاي تلاعبها
صبيت ونزل مهدي بنفسج من شافتة كامت تصفك بديها
شالها وكعد يتغدة
ورة الغدة كمت صبيت الهم جاي
واخذت بنتي وصعدت نومتها وكعدت اكوي ملابس مهدي
وهو اجه نام
ورة يومين بليل كملت شغلي وصعدت لغرفتي نمت فزيت بليل مهدي يتلمس وراسة بركبتي
يهمس حبيبتي مشتاقلج روئتي
- مهدي تعبانة والله
- واني مشتاقلج موت
حاولت اتهرب منه ما كدرت حاضني حيل
تقرب بس ضاج لان ما بادلتة
ابتعد انطاني ضهرة ونام
أنت تقرأ
حب رغم الحواجز
ChickLitجنت احجي وابجي اريدة يفهم اني ماصير لغيرة اسمعة يكول لعد شلون اني ماعوفج مستحيل اعوفج بيوم ولا اني اعوفك ثق بية لغيرك ما اصير شلون ماتصيرين والعالم باجر تجي تشوفج يعني انتهى كلشي يولي انطيني الضوة الاخضر وخليني اتصرف والله احركها على روسهم. لا تخرب...
