حب رغم الحواجز

البارت 17

( حب رغم الحواجز )
#Akbal_mahameed
&&&&&&&&&&&&&&1

نومت علاوي ورحت للحمام سبحت وبدلت ملابسي 
طلعت من الحمام لكيت احمد متمدد بالفراش
مشطت شعري واجيت يمة.
- شلونك اليوم.
- الحمدلله زين، علاوي شلون صار.
- زين.
غفيت بحضنة وهو لاف ايدة على خصري 
وين فزيت حسيت بي يتقربلي 
من كمل ابتعد نام 
سمعت موبايلي رن جريتة من الميز رسالة من رقم غريب 
فتحتها كاتب ( اني بالمطبخ تعالي )
عرفتها من روكان منين جاب هذا رقمي ياربي
ماجاوبت رجعت الموبايل لمكانة ردت انام بس رجع دز رسالة شفتها داز ( طلعين لو اجي ادك الباب )
خفت كلش هذا شبي 
باوعت على احمد الي رايح بسابع نومة وكمت على اطراف اصابعي فتحت الباب على كيف وطلعت توجهت للمطبخ لكيتة كاعد على الكرسي ومدنك راسة من سمع خطواتي رفع راسة باوعلي بعيون ذبلانة وهمس ارحميني5

- انتة ارحمني واطلع من حياتي
-واني شلون بحياتي الي تدمرت بسببج

- شسويتلك بشنو اذيتك اني انتة جاي تدمر نفسك بنفسك ابتعد عني
- ماكدر ماكدر انتي تمشين وية دمي.
- هذا شي يخصك اني مرة متزوجة واحب زوجي عوفني بحالي.
كام وتقدم كم خطوة وكف كدامي وهمس تحبي.
- ايي احبة زوجي وابو بيتي ليش مااحبة.
لزمني من حنجي بحركة سريعة ودفعني على الحايط 
خليت ايدي على ايدة اريدة يبتعد.
- وخر عني لا يجي احد يشوفنة.
- محد يهمني انتي وبس تهميني الباقي كلهم جوة قندرتي.
- بس اني يهمني وخر عني.
حط وجهة بركبتي وهمس
- انطيني حصتي انطيني حصة حبي وعذابي وابتعد عنج اطلعي من نفسي وراح اطلع من حياتج.
- يعني شنو مافهمت 
- فهمتي بس تغشمين نفسج قرب جسمة حيل اريد ادفعة وسمعت خطوات ابتعد عني واندار
رياحين واكفة بالباب مال المطبخ يبست بدمي 
خلاص هاي نهايتي راح تفضحني وراح ينهجم بيتي
هو خجل منها وطلع 
همست والله مالي ذنب 
- ولج انتي مرت عمة مرت عمة تفهمين يعني محرمة علي هو ابن حماج5

بقيت ساكتة وابجي اختنكت ماكدر احجي ولا ادافع عن نفسي 
هيه عافتني وراحت.
رحت لغرفتي ودخلت للحمام كعدت ابجي على حضي المصخم شلون بية يارب خلصني شلون لو كالت لاهلها عن الي شافتة راح يتهموني ويبرئون ابنهم اكيد راح يكولون هيه تغري وهو مالة ذنب
فتحت الدوش وكعدت جواة اني وملابسي 
بقيت وافكر وافكر خايفة كلش 
الى ان دك الباب احمد.
- وينج شهرزاد.
- ها احمد.
- شسوين.
- دااسبح.
كملت بسرعة لبست البرنص وطلعت.
هو دخل يسبح بدلت ملابسي ونمت بسرعة.
كعدني الصبح احمد يريد يرو الدوامة 
كمت سويتلة ريوك تريك وطلع.
رجعت لغرفتي مالي واهس لكلشي
من كعد علاوي طلعت سويتلة ريوك 
جانت روئ تسوي ريوك الهم ورياحين يمها من شافتني خزرتني.

رياحين بعد ماشفت شهرزاد وروكان ردتها تبرر لو تحجي بس ماحجت استحقرتها هيه واخوي
جنت شاكة لا مو شاكة متاكدة روكان عينة عليها بس
ابد ماتوقعت هيج تقرب منها وهيه راضية
صعدت لغرفتي ماكدرت انام ابد صار عندي ارق اي منا شغلتي محيرتني وانوب الشفتة وكف عقلي
ثاني يوم جانت روئ تسوي ريوك ةاني يمها ودخلت هيه خزرتها ودرت وجهي مااشتهي اباوع بوجهة