Amorphous Bridge Of Love

Chapter 23

"Mhm. So ito yung site, huh? Hindi na yata umuuwi si Jace para dito, eh!"

Hindi ko alam kung bakit kasama ko si Luca ngayon pero gusto niya raw makita yung pinagkakaabalahan ni Jace. Kanina pa nga ako kinukulit, eh. Buti nalang at alam naman pala niya yung nangyari. Hindi na ako mahihirapan na ikwento sa kanya.

"Ha? Talaga?"

"Ay curious, oh." he gave me a playful smile. "Sayang kayo." umiling iling siya.

Tumahimik ako. Narinig ko na 'yan dati. Sa dami ba naman ng lalaki na lumapit sa akin. Tuwing dadaanan ko ang mga kaklase nila, sasabihin nila na sayang kami. Big deal ba magkajowa?

"Tayong nalang dalawa~ Tayo nalang magsama~" pag kanta niya.

"The fuck?" dinaanan kami ni Jace.

Tinapunan ni Luca si Jace ng masamang tingin dahil naoffend. 

"Napaka-salbahe ng architect, ha. Ako nalang sana tinawagan mo." humalukipkip siya.

"Akala ko basketball player ka na?"

"Well," he shrugged. "Dream versus Practicality." he smirked.

Naikot na namin ang buong site pero patigil tigil si Luca dahil marami siyang kakilala na engineer. Napahinto kami sa harap ni Theo na kanina pa tinitignan ang blueprint na para bang sinisigurado ang bawa't sulok.

"Theo!" nakipagkamayan siya kay Theo. "Ano? Still an athlete o hindi na rin?"

"How have you been, Luca? And no, engineer na lang." 

"May break naman kayo mamaya, right? Tara dinner!" 

At ito kami ngayon. Dahil nag-aya si Luca at hindi na namin siya pinigilan. Kasama pa namin si Jace at tahimik lang kaming tatlo maliban sa nag-aya. Kanina pa daldal ng daldal kahit na halos walang nakikinig.

"Hello? Am i talking to someone or?" kumaway siya sa amin.

"I'm going to leave early." ani Jace at hiniwa ang steak na nasa plato.

"Okay, "architect" Ang KJ! Sana pala Kai Jace nalang pangalan mo para sakto 'no?" 

This doesn't feel right. Akala ko ay wala lang. Pero ang awkward ng atmosphere. Halatang may nandoon pa. May galit, may tampo, may regret.. Lahat. Hindi mo maririnig pero mararamdaman mo. O ako lang 'yon?

Mukhang chill lang si Jace pero halatang hindi ako pinapansin. Nakita ko ang pag-igting ng panga ni Theo habang pinagmamasdan niya si Jace. Siniko ko si Theo sa tagiliran niya para tigilan na niya yung tingin niya. 

"So tahimik. Scary." Luca made a derp face.