🌺 Camellia 🌺
အနောက်နိုင်ငံတွေမှာ ချစ်တယ်ဆိုတဲ့ စကားအတွက် နှင်းဆီနီနီကိုသုံးတယ်။
ဒါဆိုအရှေ့တိုင်းကကော ....။
အရှေ့တိုင်းကတော့ Camellia နီရဲရဲကိုသုံးပြီး ချစ်မြတ်နိုးကြောင်း ဖွင့်ပြောတတ်ပါတယ်တဲ့။
Camellia ရဲ့ နောက်နာမည်တစ်မျိုးက ဂျပန်နှင်းဆီ။
နှင်းဆီနဲ့ ပန်းပုံလဲခပ်ဆင်ဆင် ၊ အဓိပ္ပါယ်လဲခပ်ဆင်ဆင်ရှိတဲ့ Camellia ပန်းတွေပေါ့။
မြန်မာမှာဆိုရင်တော့ တချို့ကဖယောင်းပန်းလို့ခေါ်ကြတယ်။
Camellia ကနာမည်ကသာ လက်တင်ကနေဆင်းသက်လာတာ ၊ မျိုးရင်းကတော့ တရုတ်နဲ့ဂျပန်ကနေလာပါတယ်တဲ့။
Camellia ရဲ့အဓိပ္ပါယ်က လက်တင်ဘာသာအရဆို " ဘုန်းတော်ကြီး၏ ကူညီသူ" လို့အဓိပ္ပါယ်ရပြီး Georg Joseph Kamel လို့ခေါ်တဲ့ ခရစ်ယာန်သာသနာပြုဂိုဏ်းဝင် ဆေးဝါးဆိုင်ရာ ရုက္ခဗေဒပညာရှင်တစ်ယောက်ကို ဂုဏ်ပြုတဲ့အနေတဲ့ ဆယ့်ခုနစ်ရာစုနှောင်းပိုင်းလောက်က နာမည်ပေးခဲ့တာပါ။
စပြီးပေါက်ရောက်ရာနေရာက တရုတ်ပြည်အနောက်တောင်ပိုင်း ယဉ်ကျေးမှုထွန်းကားရာဒေသလို့ဆိုကြပြီး နွေဦးမှာ ကွင်းအပြည့်ပွင့်တတ်တဲ့ အရိုင်းပန်းအနွယ်လေးတွေပါ။
ကဗျာစာပေထွန်းကားတဲ့ တရုတ်တွေကတော့ Camellia ကိုတော်တော်လေး ကြည်နူးဖို့ကောင်းတဲ့ပန်းအဖြစ် ဖန်တီးထားပါတယ်။ တရုတ်ပြည်မှာ Camellia ရဲ့အဓိပ္ပါယ်က ချစ်သူနှစ်ဦးကြား ပေါင်းစည်းခြင်းပါ။
သူတို့အဆိုအရဆို Camellia ပန်းရဲ့ ပွင့်ချပ်တွေက မိန်းကလေးတွေကို ကိုယ်စားပြုပြီး ပွင့်ညှာ (calyx) တွေကတော့ ယောကျာ်းလေးရဲ့သကေင်္တပါတဲ့။
Camellia ပန်းရဲ့ထူးခြားချက်တစ်ခုကိုပြောရရင် တခြားပန်းတွေက တခြားပန်းတွေက ပွင့်ချပ်တွေကြွေကျသွားရင် ပွင့်ညှာကကျန်ခဲ့ပေမယ့် Camellia ကတော့ သေအတူရှင်မကွာဆိုပြီး တိုင်တည်ထားတဲ့ ချစ်သူမောင်နှံတွေလိုပဲ အချိန်တစ်ခုတည်းမှာ ကြွေကျပါတယ်တဲ့။ ဒါလေးကပဲ Camellia ပန်းကို အရှေ့တိုင်းရဲ့ နှင်းဆီပန်းဖြစ်အောင်လုပ်ပေးလိုက်တာပါ။
YOU ARE READING
Flowers
Non-Fictionပန်းတို့၏ အဓိပ္ပါယ်များ...... နှစ်သက်မိသောပန်းလှလှလေးများ.... ပန်းလေးတွေနောက်ကွယ်ကလှပသောဒဏ္ဍာရီများ... သင်ဟာပန်းတွေကိုနှစ်သက်သူ၊ ပန်းတွေရဲ့အဓိပ္ပါယ်တွေကိုစိတ်ဝင်စားသူဆိုရင်ဒီစာအုပ်လေးကိုသင်သဘောကျမယ်လို့မျှော်လင့်ပါတယ်.....
