𝐎𝐍𝐋𝐘 𝐘𝐎𝐔- 🏳️‍🌈𝐆𝐗𝐆✔️

EIGHT

Pagdating ng lunes, pormal na ipinakilala ni Nicole si Skylar sa kanyang tatlong kaibigan.

Nagulat na gulat ang mga ito nang makita silang magkasama bago magsimula ang klase.

“Akalain mo yun, magkaklase pala nung high school ang moms niyo!” sabi ni Loisa matapos marinig ang kwento kung paano biglang naging magkaibigan sina Nicole at Sky.

“Coincidence,” sang-ayon ni Patricia.

“Destiny,” dagdag ni Eliza na nakangiti.

“So ibig sabihin, lima na tayong besties ngayon?” tanong ni Loisa, puno ng excitement.

Nagkatinginan sina Nicole at Sky.

Ngumiti si Nicole. “Kung okay lang kay Sky,” sabi niya.

“Sure,” sagot ni Sky, nakangiti rin.

Tuwang-tuwa ang tatlong kaibigan ni Nicole.

“We need to hang out this weekend! Dapat nating makilala nang husto si Sky,” excited na sabi ni Eliza.

“We don’t keep secrets from each other,” ani Nikki sa bagong kaibigan.

Tumango naman si Sky. Alam niyang kailangan niyang pagbutihin ang pagtatago ng kanyang totoong pagkatao. Ayaw niyang dahil dito, mawala ang bagong pagkakaibigan nila ni Nicole.

---

Sa mga sumunod na araw, palaging kasama na ng grupo ni Nicole si Sky. Unti-unti rin silang napapalapit sa isa't isa, at masaya si Sky sa bagong karanasang ito.

Unti-unti niyang nakilala si Nicole. Masayahin ito, friendly, at palaging nakangiti. Minsan, kapag may ayaw, nakataas ang mga kilay nito at mukhang mataray. Pero kahit ganun, lalo lang niyang nagugustuhan si Nicole.

Sa bawat tawa nito, napapahinto si Sky at gustong-gusto niyang marinig ang tawanan nito. Her laughter was like music to her ears. At kapag excited ito, bigla itong yayakap, bagay na lihim na kinatutuwa niya. Sa isip niya, dapat lagi niya itong pinapa-excite para madalas din siyang yakapin.

Napapangiti siya habang tinitingnan ito na abala sa paggawa ng homework nila. Habang tumitingin si Nicole sa kanya, mas lalo lang kinikilig si Sky.

“What!?” tanong ni Nicole nang mapansin siyang nakatitig.

“You look adorable in that dress,” biglaan niyang sagot, kahit yun ang unang pumasok sa isip niya.

“You can have it if you want,” tugon ni Nicole.

“Can I have you instead?” gusto sana niyang sabihin, pero nagbitiw na lang siya ng ngiting mahina.

“No, thank you,” sagot niya nang mahina.

Tumawa si Nicole. “Why not?”

“Hindi ako nagsusuot ng dress o skirts, maliban na lang sa school uniform kasi no choice. Hindi ako komportable,” paliwanag ni Sky.

“So, ano usually mong suot?”

“Jeans, T-shirts, at rubber shoes,” sagot niya.

“Sabagay, may mga babae talaga na hindi mahilig sa dresses. My mom hates wearing dresses too. My dad hates wearing heels too, obviously,” sabi ni Nicole sabay tawa.

Pinisil niya ang pisngi ni Nicole. “Ikaw talaga,” sabi niyang pabiro.

“Ouch!” biro naman ni Nicole habang kunwaring nasasaktan ngunit nakangiti.

Hindi siya magsasawang kasama si Nicole.

“Parating na yung tatlo. We need to finish our homework,” sabi ni Nicole.

“Tapos na ako kanina pa,” sagot niya.

“Then you can help Yaya Milagros in the kitchen. We need snacks.”

“Sure, no problem.”

Tumayo siya at sinunod ang utos, kahit gusto pa niyang masolo si Nicole. Alam niyang baka masyado na siyang halata kung magpipilit siyang manatiling katabi nito.

---

Bumaba siya sa first floor ng bahay.

“Sky, are you done?” tanong ni Mrs. Ramirez pagkakita sa kanya.

“Yes po, Tita. Inutusan lang ako ni Nikki na tulungan si Yaya sa kusina,” sagot niya.

“Naku, itong si Nicole inabala ka pa. Kayang-kaya namang ihanda ni Yaya ang meryenda niyo.”

“Okey lang po, Tita. Para makabonding ko rin po si Yaya,” sagot ni Sky, sabay tawa.

Sa isip niya, “Si Yaya muna ang liligawan ko.”

Pagdating niya sa kusina, nakita niyang gumagawa ng juice si Yaya Milagros.

“Tulungan ko na po kayo, Yaya,” sabi niya.

“Asan si Nikki?”

“Nasa taas po. Nauna lang akong bumaba para makatulong.”

“Ang bait mo naman, pero hindi naman na kailangan eh.”

“Wala po kayong anak, Yaya?” tanong ni Sky.

“Meron, dalawa. Isang babae at isang binabae.”

“Talaga po? Okay lang po sa inyo?”

“Wala naman akong magagawa kung ganun ang anak ko. Kailangan ko siyang tanggapin kung sino talaga siya. Pero minsan, umaasa pa rin ako na sana magbago siya.”

Natahimik si Sky. Napansin ng babae ang reaksyon niya.

“Sky?”

“Yes, Yaya,” sabi niya, saka tumingin rito.

Marahang ngumiti ang babae at tinapik siya sa balikat. “Walang masama sa pagiging totoo,” anito.

Malungkot na ngumiti si Sky. “Natatakot po ako,” pag-amin niya. Natutuwa siya na naiintindihan ng ginang ang kanyang sitwasyon, pero alam niyang hindi lahat ng tao ganun ang pagtanggap.

“Kailangan mong mag-ipon ng lakas ng loob, Sky. Sa tamang panahon, kakayanin mo rin ipakita sa iba yung totoong ikaw. Wala namang magbabago sa pagkatao mo; ang magbabago lang ay ang tingin ng ibang tao sa’yo, kaya dapat handa ka.”

Marahang tumango si Sky. “Salamat, Yaya. Kahit paano, nabawasan ang bigat sa dibdib ko ngayon.”

Ngumiti si Yaya. “Ilabas mo na yang mga inumin sa garden. Darating na yung mga maiingay,” sabi nito sabay tawa.

---

Pagdating ng tatlong kaibigan ni Nicole, tahimik na nakikinig si Sky sa kwentuhan ng grupo.

Katabi niya si Nicole sa L-shaped na sofa, habang sina Eloisa, Loisa, at Patricia ay nakaupo sa harap.

“Sky,” biglang tawag ni Patricia.

Napatingin siya rito.

“Kanina ka pa tahimik. So tell us, may crush ka na ba?” tanong nito.

Napatingin siya kay Nicole, at naramdaman niyang biglang uminit ang pisngi niya.

Naghagikhikan ang apat.

“Aha! Huli ka, you're blushing,” tukso ni Nicole.

“You have a crush on someone!” dagdag ni Loisa.

“Come on, tell us his name,” sabi ni Eliza.

Napatakip siya ng mukha, sabay bulong sa isip, “Nicole Marie Ramirez…”

“It’s a secret,” sagot niya.

Nadismaya ang apat pero tinanggap ang sagot niya.

“Next time,” sabi niya, para hindi na mangulit.

Baka himatayin pa sila kung malalaman nilang si Nicole pala ang crush niya.