𝐎𝐍𝐋𝐘 𝐘𝐎𝐔- 🏳️‍🌈𝐆𝐗𝐆✔️

TWENTY-FOUR

TUWANG-TUWA si Sky sa pagdating ni Sarah. Namiss niya ang kaibigan.

"Namiss kita," anang babae nang kumalas sa pagkakayakap sa kaniya.

"Miss rin kita, Sar."

Lumapit sa kanila si Kyden, ang pinsan ni Gray. "Bro," aniya at yumakap rito. Para na niya itong kapatid.

"Kuya Sky, muzta," anito.

"Mabuti naman. Ikaw? Ilang buwan kang hindi nakadalaw."

"Matagal tagal na rin. Bigla nagyaya si Ate Sarah na magbakasyon rito. Namiss ka raw niya," anito ngunit natigilan nang mapadako ang tingin sa pintuan ng bahay ilang metro ang layo sa kanila.

"Wow, chix kuya," anitong namumuso pa yata ang mga mata.

Napalingon si Sky sa tinutukoy nito.

Hindi niya napansin ang biglang pagkawala ng ngiti ni Sarah at biglang pamumutla nito.

"Huwag mo nang pagpantasyahan, Kyden. Taken na 'yan," ani Gray sa pinsan.

"Girlfriend mo, Kuya Sky?" tanong ni Kyden.

Humakbang palapit si Sky sa kinatatayuan ni Nicole. Napakunot noo siya nang makita ang mga mata nitong may namumuong mga butil ng luha.

"Nik?" tawag niya rito na agad nag-alala. May problema ba ito?

Tumingin ito sa kaniya. Matalim. Puno ng hinanakit.

Naguluhan naman siya bakit biglang nagkaganito ang dalaga.

Hahawakan sana niya ito sa balikat nang umatras ito para hindi niya mahawakan.

Mas lalo siyang naguluhan.

"Babe, may problema ba?" tanong niyang nasasaktan na sa ipinapakita nito.

Tahimik lamang itong nakatitig sa kaniya na puno ng galit.

Saka ito tumalikod para bumalik sa loob ng bahay.

Hinabol niya ito at hinawakan sa kamay at hinila paharap sa kaniya.

Nasaktan siya nang makita ang tila pandidiri nito sa paghawak niya sa kamay nito.

"Hindi ko alam kung bakit ka ganito. Ano bang problema?" tanong niyang nasasaktan na sa ipinapakita nito.

"So you two are still together."

It wasn't a question.

Napakunot noo si Sky.

Magsasalita pa sana siya nang may marinig silang sasakyang huminto. Pero hindi sila lumabas para alamin kung sino ang dumating.

"Hindi ko alam kung ano ang ibig mong sabihin, Nik," aniya rito.

"Talaga, Sky? Hindi mo alam? Or nagmaang-maangan ka lang."

Natigilan sila nang biglang makarinig nang malakas na sigaw mula sa labas.

Pareho silang napatakbo palabas.

"Anong ginagawa niyo?" sigaw ni Sky nang makitang nagkagulo sa labas.

Nagsisigaw sa sakit si Sarah habang sinasabunutan ito ni Loisa.

At nakatingin sina Patricia at Eliza.

"Loi, stop it!" sigaw niya sa kaibigan at hinila ito palayo sa umiiyak na si Sarah.

"You bitch!" galit na galit na sigaw ni Loisa na nagpupumiglas sa pagkakahawak niya sa beywang nito.

Lumapit si Nicole kay Sarah.

"Sarah," tawag niya sa babae na puno ng galit ang mga mata.

Tumingin rito ang babaeng luhaan at gulong-gulo ang buhok.

Nag-angat ng kamay si Nicole.

Natigilan si Sky nang marinig ang malakas na tunog nang lumapat sa pisngi ni Sarah ang palad ni Nicole.

"I've been waiting for this moment, Sarah," ani Nicole rito.

Kumalas si Loisa sa pagkakahawak ni Sky.

Hindi alam ni Sky kung ano ang magiging reaksyon. Wala siyang ideya kung ano ang nangyayari sa mga ito.

Sina Gray at Kyden na nakatingin, nagulat rin sa ginawa ni Nicole. Ngunit hindi nangialam ang mga ito.

At sina Patricia at Eliza, tuwang-tuwa pa sa ginawa ni Nicole.

Humarap sa kaniya si Nicole, with those hurtful eyes, na hindi niya alam kung bakit.

"You deserve each other," anito saka tumalikod palayo.

Hinabol niya ito, at binilisan naman nito ang paglalakad palayo ng bakuran ng bahay.

Nasa kalsada na nang abutan niya ito.

"Nikki, mag-usap tayo," aniya rito.

Umiwas na naman ito sa pagtangka niyang paghawak rito.

"Nik, hindi ko alam kung bakit ka nagkakaganito. Ano bang problema?"

Huminto si Nicole.

Humarap sa kaniya at nakita niyang umiiyak na ito.

"Please don't play dumb, Sky," anito.

"Kaya nga ako nagtatanong kasi hindi ko alam, Nik."

Naiinis na rin siya. Bakit ba ayaw nitong sabihin sa kaniya ang dahilan?

"You cheated on me, Sky, hindi mo maalala?" sigaw ng dalaga.

Nagulat si Sky sa sinabi nito.

Cheated?

Kelan?

Wala siyang maalala.

"Kahit kailan hindi kita niloko. Oo, inaamin ko, hinalikan ako ni Sarah seven years ago noong manalo kami sa volleyball championship. At yun ang naging dahilan kung bakit nalaman ni Papa at Mama na tomboy ako.

Pero that was it, Nik. Hindi ako nag-cheat. Nag-sorry sa akin si Sarah after that. She was the one who helped me after ako lumayas sa amin. Hindi mo alam?"

Lumapit si Nicole sa harap niya. Hindi matigil ang mga luha.

"That was it, Sky?" gigil nitong tanong.

"Yes, that was it. Ikaw ang hindi ako sinipot sa usapan. Hinayaan mo akong kay Sarah. Ni hindi mo man lang inalam kung kumusta ako. Kung anong nangyari sa akin. Tawag ako ng tawag sayo. But you disappeared on me, Nik. It was you. Ikaw ang nang-iwan sa akin sa ere."

"I saw you, Sky. You and Sarah. She was on top of you, naked, and the two of you were kissing. Now tell me I was wrong, dahil sinusumpa ko, hindi kita iniwan sa ere."

Shocked na shocked si Sky.

Akala niya, nagbibiro lang ang dalaga sa mga sinabi.

Pero seryoso si Nicole. Hindi nagsisinungaling ang mga luha nito.

"Hindi ko alam kung ano ang isasagot ko, Nik. Believe me, wala akong alam sa sinasabi mo," aniya.

"Nagsasabi ng totoo si Nikki," napalingon si Sky sa nagsalita. Nasa likuran si Sarah.

"Anong ibig mong sabihin?" tanong niya rito.

"Noon pa kita gusto, Sky. Noong gabing lasing na lasing ka, akala ko chance ko na yun para mapalapit sayo."

Galit na galit na lumapit rito si Sky. "Anong ginawa mo, Sarah?" tanong niya, ang boses ay puno ng galit at pagkabigla.

"Hindi ko alam, Sky! Akala ko kasi gusto mo rin ako!" sagot ni Sarah, ang mga luha ay tumutulo sa kanyang pisngi. "Kaya ako nag-first move. Lasing ka, at hindi ko naisip na may relasyon kayo ni Nicole."

"Natakot ako na baka magalit ka sa akin. Kaya't sinikap kong itago ang lahat," anito, halatang naguguluhan at nahihiya. "Pero hindi ko naisip na masisira ang lahat dahil dito."

"Sinira mo kami, Sarah. Paano mo nagawa 'yan?" tanong ni Sky, ang boses ay nanginginig sa galit at sakit. "Akala ko kaibigan kita. Bakit hindi mo man lang sinabi ang totoo?"

"Sorry, Sky. Please, don't hate me," pagmamakaawa nito.

"Sorry? Hindi mo kayang ipaliwanag ang lahat ng ito? Naniwala ako sa'yo, at ikaw ang nagbigay ng sakit sa akin at kay Nicole," sagot ni Sky, ang boses ay puno ng pighati.