عايزة ألتزم .. أبدأ أزاي !؟😊💜
أزاي اكون بنت ملتزمة ؟🥺🤍
عايزة أقرب م ربنا بس مش عارفة أبدأ منين !😢
نفسي ربنا يرضي عني !🥺🥺🦋
=♡♡ بصي يا ستي الموضوع ده حله بسيط جدا بس أنتي
ف الاول جددي النية كده بينك وبين ربنا و أوعديه أنك مش
هتعملي اي ذنب م الذنوب اللي كنتي بتعمليها ف الأول ..
وخلي بالك جدا انك وعدتي ربنا مش أي حد ..
يعني لازم توفي بالوعد ده ..
المهم نبدأ بقا كده بأول حاجة : ♥ الصلاة ♥
بالنسبة للبنوتات اللي مش بيصلوا مش بتصلوا ليه ؟
ع فكرة اللي فاضل مش كتير وهتندموا بعدين 💙
وبالنسبة بقا للبنوتات اللي بتصلي وبتقطع بصي يا طيبة💙
أنتي عليكي بس تفرشي سجادة صلاة ف ركن صغنن ف
اوضتك .. وهو ده هيبقي المسجد بتاعك وأهم حاجة
الخشوع .. أفتحي الشباك بتاع اوضتك وهيبقا ف هوا وانتي
بتصلي أحساس ب راحة كبيرة وكل حاجة حواليكي هادية
بجد شعور جميل الله بجد 💙
نتوضأ براحةة ونتقن ف الوضوء 💙
ونقول الدعاء ده بعد الوضوء "هنتشاهد الأول طبعا وبعديها
هنقول اللهم أجعلنا من التائبين وأجعلنا من المتطهرين" 💙
و الأفضل ننوع ف السور اللي بنقرأها بعد كل ركعة 😌💙
ولو بتصلي بسرعة بطأي شوية .. 🤍🌸
ركزي ف كل كلمة بتقوليها .. تخيلي نفسك قدام
ربنا اللي خلقك وخلقك كل الناس اللي
حواليكي دول 💙
وياريت بلاش الكسل يعني تصلي أول ما تسمعي صوت
الأذان ع طول ف وقتها كده ..🙄
لأنك لو مصلتيش بعد لما تسمعي الأذان على طول هتكروتي
الصلاة وتصليها بسرعة ف صلي ف وقتها أفضل ..😊🌸
ومننساش طبعا السنن بقا اللي هي أيه 💙
الضحي ♥: دي سنة ، وقتها م بعد الشروق بربع ساعة الي قبل أذان الظهر بنص ساعة وعدد ركعاتعا من اتنين ل تمانية 💙
ودي بقا صدقة عن كل مفصل م مفاصلك 💙
السنن الرواتب : ركعتين قبل الفجر .. أربع ركعات قبل الظهر .. ركعتين بعد الظهر .. ركعتين بعد المغرب .. ركعتين بعد العشاء 💙
ومتكسليش ده هيتبنيلك بيت ف الجنة 💙
♥ قيام الليل أو التجهد♥ : هي الصلاة من بعد العشاء لقبل الفجر وعدد ركعتها مفتوح وأقل حاجة ركعتين ..
بتتصلي أزاي دي بقا ؟
ركعتين وتسلمي وبعدين ركعتين وتسلمي و هكذا ..
وبعديها صلاة الوتر ركعة او 3 او 5 او 7 💙..
ومتنسيش تدعي ف القيام💙
نيجي بقا ♥ للصوم♥
الصوم : عندك الاتنين والخميس💙
والأيام ال13 و 14 و15 م كل شهر هجري ..
ف الأول طبعا هتتعبي وتعطشي وتجوعي وأول ما تفطري هتاكلي كتيرر أنا كنت كده ف الاول بس لما تتعودي هتلاقي مبقتيش تتعبي ولا تعطشي ولا اي حاجة خالص ولما هتاكلي مش هتاكلي كتير وده حلو عشان الدايت 😂💙
نيجي بقا للقرآن ♥♥♥♥
لازم يبقي عندك ورد قرأن يا حورية ولو صفحة قراءة كل يوم 💙
بس مش عايزين نهجر القرآن ده اللي هينورلك قبرك بأذن الله 💙
♥أذكار الصباح والمساء♥ : حصنوا قلوبكم وأوعوا تكونوا برا الحصن ده 💙
🖤الاغأني🖤💔 : بالله ع قد ما تقدروا قللوا منها لحد ما تمنعوها خالص 💙
أنا كنت كده ع فكرة بس الحمدلله منعتها 💙
كنت بسمع كتير أوي ف اليوم كان لازم كل يوم اسمع أغاني .. كنت مدمنة للموضوع يعني لحد الحمدلله تركتها لله وربنا هيعوضني افضل منها يوم القيامةة 💙
أنتي كمان خدي القرار م دلوقتي محدش ضامن يعيش كمان 5 ثواني ..
أمسحي كل الأغاني اللي ع موبايلك ، ونزلي الساوند عليه أناشيد جميلة بجد تبارك الله ف صوت اللي بيقولوها وهي ف الاول هتستغربيها ويمكن متحبيهاش أنا كنت كده الاول بس بجد طلعت جميلة وأحسن مليون مرة م الاغاني 💙
بس اسمعوها بدون موسيقي 💙
ساعدي الناس : أبسط حاجة ساعدي صحابك خففي عنهم خنقتهم .. أسمعيهم وانصحيهم قوللهم كلام حلو كده اديهم طاقة يكملوا ف الحياة ومتنسيش "الكلمة الطيبة صدقة" 💙
و أخر حاجة هقولها متاذيش حد .. وخليكي متسامحة وقلبك نضيف وروحك حلوة 💙
"إِنَّكَ مَيٍتُ وَ إِنَهُم مَيِتُونَ" 👌💙
