أنا دايما عندي فتور فالعبادة! .. كل ما بقرب بنتكس تاني معرفش الدنيا بتاخدني ازاي كدة 😬
تحس انك ماشى على سطر وبتسيب سطر😔
الإمام الشّافِعي كان بيقول : ( سِيروا إلى الله عَرجى ومكاسير ، ولا تنْتَظروا الصِّحة فإن انْتِظار الصحَّة بطالة )💝
يعنى وانت ماشى .. عبادتك مليانة مطبات من أن مفيش روح في العبادة هي إسقاط فريضة والسلام ، أو في تقطيع أو زهق من العبادة ، أو تقل على النفس .. فخليك ماسك في أستار الاستمرار حتى تنال الرحمه .. !✊
اقع .. وكمل .. وانت عارف انك اضعف من إنك تكمل .. !🙂
ربنا جَل وعلا بيقول : ((وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ ))🌻
فـ "كمِل طرِيقك إلى الله حتّى لو زحف" .. واوعى تنسى الإحسان مش بس الفلوس لكن إحسانك للناس عامة 🎧
مقصر فالصلاة ؟ .. عافر أفضل صلي حتى لو مقصر بس متقطعهاش، حجابك مش عدل؟ .. خليك عليه وحاولي تحسني من نفسك بس متقلعيهوش، بتقرا قرآن بشكل متقطع؟ .. أفضل اقرا لكن م تبطلش خالص .☺️
ابن القيم بيقول : (لا يَزالُ المَرءُ يُعانِي من الطّاعة حتى يَألفها ويُحِبها .. فَيُقيّض الله لَهُ ملائِكةً تؤُزُّهُ إليها أزّاً .. تُوقظُه من نومِهِ إليها ومن مَجلسه إليْها)😍 ..
فإياك تسيب سترة الِعبادة مهما كانت السترة مرقعة .. !😐
خلي عندك يقين إن ربنا شايف وعارف ومطلع ومش هيسيبك أبداً ، وهيعينك لو شافك بتعافر🌞
(( .... ومن تقَرَّب إليَّ شِبراً تقَرَّبتُ منْه ذِراعاً، ومَنْ تقَرَّب مني ذِراعاً تقَرَّبت مِنْه باعاً، ومن أَتاني يَمْشِي أتَيتُهُ هرْوَلَة)).🙈
- استمسك بالعبادة ولو كنت مقصر .. !
- استعن بالله ولاتعجز !😪
#totta✍️🤟
