#سؤال : نفسي اتغير وارجع زي زمان ، انا حاسه اني بقيت منظر وبس .....
#جيم : الموضوع عايز ((شغل وعمل )) وجهاد وصبر
والشجاعه صبر ساعه
ومن كانت له بدايه محرقه كانت له نهايه مشرقه
يعني محتاجه تقعدي سنه كده مثلا تطحني نفسك ف الذكر والعباده وحفظ القران و...
وده منهج لو نفذتيه حياتك كلها هتتغير وتبقي احسن مما تتصوري باذن الله
ممكن تستعيني بالله وتبدئي تحفظي صفحه كل يوم وتثبتي ع النظام ده من يس للفتح وتكرري الصفحه ٤٠ مره ( ٢٠ بعد الفجر و٢٠ بعد العصر يفضل )
وبعدين تحفظي بالسوره من الحجرات للمرسلات وبعدين تحفظي بالربع ف جزء عم وتكرري كذلك زي ما قولت فوق وتراجعي تراكمي بحيث لما تختمي ربع يس تكوني بتراجعيه كل يوم
وبعدين تبدئي من البقره بالربع من البقره لحد يس
بنفس النظام
اهم حاجه لا يقل مقدار المراجعه التراكمي اليومي عن ٥ اجزاء علشان تبقي بتختمي كل اسبوع
ومهم جدا التنفيذ الدقيق
ولو نفذتي الخطه دي ارجو والله ان حياتك كلها تتظبط وتتصلح و....
بس متنسيش الصلاوات ال٥ ع اول وقتها وتتعودي كمان تبقي مستعده ليهم من قبلهم
واذكار الصباح والمساء والنوم والاستيقاظ خط احمر متسبهمش ابدا
وباقي العبادات والاوراد تدرجي فيهم ع حسب استطاعتك
بس لو تزاحمت المشاغل يبقي نقدم اول ٣ الي قولت عليهم فوق
- الفروض الخمسه ع احسن ما يكون ع اول وقتها وتبقي مساعده ليهم من قبلهم ( لازم تجاهدي لحد ما توصلي المستوي ده )
- الحفظ والتكرار والمراجعه بالنظام الي قولته لحد ما تختمي متوقعيش ولا يوم ومتوقفيش مهما حصل من خير او شر ( وبكده هتختمي ع اخر الاجازه الكبيره او اول شهرين تلاته ف الدراسه السنه الجايه ان شاء الله 😍 💪🏻)
- الاذكار الموظفه خط احمر
*باقي الوقت اجتهدي في التحسين والاتقان وتدرجي بما يناسبك ف باقي الاوراد
واكثري من الذكر واملي به كل وقتك واعملي منه اعداد مهوله يوميا بحيث تملي وقتك بيه
٧٠ الف مثلا او ٥٠ الف .... تملي وقتك بيه عموما واياكي والكسل والتسويف
#مشكلة_و_حل #جوهر_ومظهر
