خدها مني نصيحة ..
- جاهد كُل يوم تخشع في صلاتك وتصلي أفضل من اليوم اللي قبله ، ومتبطلش قيام أبدًا ولو مش قادر تصليه أقعد اِستغفر وإدعي.
- متوقفش محاولة حفظك للقُرآن حتى لو هتموت وإنت بتحاول ، يكفيك إنك تموت وإنت على الطريق. وطلع مصحفك في كل وقت واقرأ فيه واطلب من ربنا ان يجعل خاتمتك على القُرآن.
- متستصغرش معروف أبدًا حتى لو هتحط شوية مية لـ قُطة تشربهم.
- متدورش على علاقة حب تملي قلبك لمجرد إن ربنا لسه مرزقكش بالحلال ، خلي قلبك كله لله عشان يراضيك
وزي ما قال الرافعي : ليس بيني وبين الحُب عداوة ولكني أنتظر حلال يُحبه الله فيُحببني فيه.
- اتعلم علم شرعي وشوف أحكام دينك وصدقني هتكتشف حاجات كتير كنت بتعملها وفاكر انها حلال بس هي في الأصل حرام.
- بر أبوك وأمك وخليهم زي التاج على راسك ومتنامش كل يوم غير وانت مطمن انهم راضيين عنك
- لو عملت كل الذنوب اللي في الدُنيا من صغائرها وكبائرها توب وخليك عارف انه هيغفرلك وإياك تقنط من رحمة الله.
- بلاش تنزل أغاني وأفلام او تجهر بذنب ليك ، خليك مستور زي ما ربنا سترك.
- صوم ولو يوم كل اسبوع بس متبطلش صيام أبدًا ولو مش هتقدر تصوم ذّكر غيرك بالصيام وشجعه.
- اشغل وقتك واشتغل عشان الفراغ مغناطيس للذنوب ، مش مهم هتشتغل ايه ، ومتبصش لنظرة المجتمع ليك يكفيك نظرة الله طالما بتشتغل حاجة حلال ترضي الله وبتدخل مال حلال جيبك ، وحاول تعمل أكبر قدر من الصدقات ليك.
- اكتب دايمًا عن ربنا واتكلم دايمًا عنه واستعيذ بالله في كل لحظة في يومك من فتنة المحيا والممات وفتنة المسيح الدجال ومن الرياء.
ومتنساش تندم على اللي فات من عمرك بدون ما تُرضي الله ، اندم لإن الندم رُكن من أركان التوبة.
