السلام عليكم ورحمة الله وبركاته ♥
هنتكلم انهاردة عن الالفاظ اللى معظمنا بيقولها بنية الهزار او الجد👋
اه ي بنات بنهزر مع اصحابنا ف الشات او ف التواصل معاهم ونقول يا..... بق... كل... حيو..... جام.....
هتقولى عادى ده كلام عادى وهى مش بتزعل وانا كمان مش بزعل لما حد بيقولى كده
هقولك طب ينفع الشات بتاعكوا ده او الكلام اللى بتقولوها مع بعض النبي عليه افضل الصلاة والسلام يشوفها ويكون راضي عليكوا؟ 💔
ما بالك بربنا اللى مطلع على كل كلمة بنقولها "وما يلفظ من قول إلا لديه رقيب عتيد"
كل كلمة بتطلع مننا سواء حلوة او وحشة ربنا رقيب عليها فليه يتكتب ف كتابنا الكلام ده وربنا يطلع عليه مش هيبقا راضي عليه اكيد💔
يوم القيامة لما ربنا يقولك "إقرأ كتابك كفى بنفسك اليوم عليك حسيبا" اكيد منحبش يكون فيها الكلام ده حتى لو طالع مننا بحسن نية وهزار💔
لما تقولى لصحبتك يا بق.... يا... انتى كده بتشبيها بالحيوانات حتى لو هزار انتى كده بتسيئى للمخلوق ولا للخالق سبحانه ربك قال "ولا تنابزوا بالالقاب بئس الاسم الفسوق بعد الإيمان"💔
وللاسف فيه بنات بتقول الفاظ اكبر من كدة الفاظ لا تليق ببنت مسلمة وفيه بنات بتسب الدين معاذ الله🤦♀️💔💔
سب الدين ده كفر ولما تسمعي حد بيقول كده استغفرى ربنا💔
معظمنا دلوقتى فتح المصحف وبيقرأ القرآن يعنى بيقرأ كلام الله فلا يليق بلسان ينطق بكلام الله وينطق هذا الكلام الذي لا يرضي الله💔منستهونش يا بنات بكلمة لعلها تكون سبب هلاكك ويكتب لكي بها العذاب معاذ الله ولعل الكلمة تكون سبب نجاكى وفوزك بجنة النعيم اللهم اجعلنا من اهلها جميعا يارب🤲♥️
اما بقا الألفاظ اللى طالعه اليومين دول ومن كتر تداولها بقت عادى انا عارفه كتير منكوا هيقول انتى بتتكلمى ف ايه ده العادى بتاعنا بس والله حتى لو مش هتقتنعوا لازم اقولكوا ع الصح لعل حد يستفاد💔
هو يعنى عيب اقول الحاجه دى حلوة قوي بدل حلوة فش....
كلمة بجد وحشةةة جداااا لا تليق بلسان ذاكر لله يقول الكلام ده✋
وكلام زى اح... وكلاااام تانى كتير انتوا عارفينه
احنا يا بنات مش بنستهون بعمل ولا بكلمة هى حاجه بالنسبالكوا بسيطة بس الحاجه البسيطة دى بناخد عليها ذنب واحنا مش ناقصين ومفيش حاجه اسمها مش هنقدر نبطل والله لو عايزين هتبطلوا مع الوقت ان شاء الله♥️
"وذكر فإن الذكرى تنفع المؤمنين"♥️
اللهم انى قد بلغت اللهم فاشهد♥️
