تأملات في أحكام الخالق وضعت للخلق
خلاصة الكلام في موضوع حدود العلاقه بين الولد والبنت سواء في الشغل او الدراسه او الأقارب ...
وردا على كل واحد وواحده بيقولك ده عادي...وايه يعني....ولازم يكون في ثقه عند الراجل في مراته لما بتتعامل مع الرجاله كثير....وفي موبايلات ومقابلات
قال الله تعالى : زُين للناس حب الشهوات من النساء....مهما تعمل ومهما يحصل..هي متزينه في عينيك...ولو حتى هي مكنتش عاجباك.....الشيطان حيزينها في عينيك....غصب عنك....دي نقطة ضعف ربنا حطها فينا عشان يختبرنا ويجازينا خير لو حافظنا على نفسنا
لازم في حدود....لا ضحك ولا هزار ولا كلام خارج نطاق الشغل او المصلحه حتى سؤال عن الصحه والحال يدخل ضمن المحرمات...!!
لازم في حدووووووووووووووووود...........ربنا اللي خلقنا أدرى بينا من نفسنا...وعارف ان العلاقات طالما مفيهاش حدود......اخرتها خراااااااب وفتنة وانفلات
ربنا أمر زوجات الرسول صلى الله عليه وسلم ألا يخضعن بالقول حتى لا يطمع الذي في قلبه مرض.......!!
هو في أشرف من زوجات الرسول......هو في حد من المسلمين أكثر هيبه من الرسول صلى الله عليه وسلم...........ومع ذلك رغم شرفهم...ورغم هيبة الرسول وسط المسلمين....أمر الله سبحانه وتعالى زوجات النبي بعدم الخضوع في القول........!!
يا بنات هل فيكم أشرف من زوجات الرسول؟؟؟.......وهل زوجك او اخوكي او ابوكي أكثر هيبه من الرسول صلى الله عليهم وسلم لدرجة ان لو جه راجل يتكلم حليتزم بحدوده مهابة ليهم؟؟
انتي غاليه مترخصيش نفسك......ولازم تعرفي انك جزء من اختبار المسلمين في دينهم....مهمه صعبه أوي......لو كل واحده صدقت وآمنت انها اختبار للمسلمين في دينهم.....
حتفكر ألف مره قبل ما تتكلم مع راجل...حتبص في المرايه مليون مره قبل ما تنزل من بيتها تتأكد ان مفيش حاجه من تفاصيل جسمها ظاهره للناس....عشان كل واحده حيشوفها ويتفتن بيها هي شايله ذنبه....!!
وبلاش الحجه بتاعة : ما هما كل الناس كده....اشمعنى انا......!!
قال رسول الله صلى الله عليه وسلم: لا تكونوا إمعة تقولون إن أحسن الناس أحسنا وإن ظلموا ظلمنا ولكن وطنوا أنفسكم إن أحسن الناس أن تحسنوا وإن أساءوا أن لا تظلموا
ربنا يهدينا أجمعين
