أهم عشر معلومات لازم تكون عارفهم عن عشر ذي الحجة اللي هم بكل إختصار "أهم عشرة ايام في حياتك علي الإطلاق👇👇"
١_بصوا يا جماعة خلاص كلها ساعات قليلة و مع اذان مغرب اليوم ولمدة ١٠ أيام هنكون عايشين في أهم وأفضل وأعظم أيام في السنة كلها....أيام كفاها إن النبي بيقول عنها "أفضل أيام الدنيا ايام العشر" اي العشر الأوائل من ذي الحجه
الأيام دي حرفياً أفضل من رمضان
بل كمان أفضل من العشر الأواخر من رمضان
"أفضل أيام الدنيا علي الإطلاق"💗💗
٢_أيام من شدة عظمتها وفضلها ربنا اقسم بها في كتابه في سورة كلنا حافظينها سورة الفجر "والفجر وليالٍ عشر" وطبعاً ربنا العظيم لا يقسم إلا بعظيم وربنا ذكرها في كثير من آي القرأن امثال قوله "ويذكروا إسم الله في أيام معلومات"
٣_أيام العمل الصالح فيها عند ربنا أحب إليه واعظم من الجهاد في سبيله.
يقول النبي صلّ الله عليه وسلم"مامن ايام العمل الصالح فيها احب إلي الله ولا أعظم من هذه الأيام العشر" قالوا ولا الجهاد في سبيل الله....."
٤_عشر ذي الحجه سيدناابن عباس قال إن العمل فيها بيضاعف الي ٧٠٠ ضعف "لك ان تتخيل"😲
ابن رجب الحنبلي وهو من كبار العلماء قال إن الله يضاعف الأعمال في هذه الأيام العشر أكثر مايضاعف في رمضان متخيل كنا مستعدين لرمضان ازاي وبنجتهد في الطاعة والعبادة فيه ازاي اهو الأيام دي بئا يقينا اعظم من أيام رمضان والعمل الصالح ثوابه بيُضاعف أكثر ما يُضاعف في رمضان
نشد حيلنا بئا💪💪
٥_سيدنا عبد الله بن عمر كان بيقول "عُمرة في هذه الأيام أحبُ إلي من عُمرة في رمضان"
مع إن عمرة رمضان اللي بتساوي حجة كاملة😳 ودا لما لهذه الأيام من خصيصة مضاعفة الأعمال
٦_عشر ذي الحجة كمان فيها يوم عرفة اللي هو أكتر يوم ربنا بيعتق فيه عباد من النار فضلا عن عظم وفضل اليوم ده ودي رسالة لكل واحد فاته فرصة العتق في رمضان جالك فرصتك مع أعظم يوم فيه عتق من النار في السنة كلها "ما من يوم اكثر من ان يعتق الله فيه عبدا من النار من يوم عرفة وانه ليدنوا ثم يقول ماذا أراد هؤلاء"
كمان صيام اليوم دا بيكفر سنة فائته
٧_عشر ذي الحجة فيها يوم هو أعظم يوم في السنة حرفيا بلا منازع ولا منافس أعظم من اي يوم في رمضان،أعظم من اي يوم في العشر الأواخر،أعظم من ليلة القدر وهو #يوم_النحر او يوم #عيد_الأضحي اللي للأسف معظمنا بيضيعه وبيقصيه في معصية ربنا ،قال رسول الله صلّ الله عليه وسلم"إنَّ أعظمَ الأيَّامِ عندَ اللَّهِ تبارَكَ وتعالَى يومُ النَّحرِ"
٨_بعض العلماء قالوا ان صيام كل يوم من أيام العشر يعدل عند الله صيام سنة كاملة
وسيدنا انس كان بيقول ان كل يوم من ايام العشر بيساوي الف يوم ويوم عرفة بيساوي عشر الاف يوم والنبي ورد عنه إنه كان بيصوم الأيام دي 💪💪
والإمام الأوزاعي علشان يدلك على عظم وقدر هذه الأيام قال إن العمل في أيام العشر كغزوة في سبيل الله يِقام نهارها ويُحرس ليلها
٩_من افضل الأعمال الصالحة اللي ممكن نعملها في الأيام دي إن لساننا لا يتوقف عن ذكر الله"تكبير تحميد تسبيح تهليل ......" وبصراحة فرصة عبادة سهله ومش بتحتاج اي مجهود بدني ولا مادي فلو ناوي إن لسانك يتوقف ولو لحظة واحدة عن ذكر الله في الأيام دي يبقي إنت بإختصار مش دماغك بئا 😲😲
يقول النبي "ما مِن أيَّامٍ أعظَمُ عِندَ اللهِ ولا أحَبُّ إليه مِن العَمَلِ فيهنَّ مِن هذه الأيَّامِ العَشرِ، فأكثِروا فيهنَّ مِن التَّهليلِ والتَّكبيرِ والتَّحميدِ).
وربنا بيقول "ويذكروا إسم الله في أيام معلومات" العلماء قالوا الأيام المعلومات=عشر ذي الحجة❤️
١٠_النهاردة مع اذان المغرب هيبدأ التكبير المطلق اللي صيغته "الله أكبر الله أكبر الله أكبر لا إله إلا الله......الله أكبر الله أكبر ولله الحمد" فيلا بئا كبر بلسانك وشغل فونك دايما جنبك علي التكبيرات وكذالك في السيارات والمحلات والشوراع ......طبقوا سنة نبيكم وإعتزوا بيها يا جماعة وأفرحوا بفضل الله وبرحمته❤️❤️
سيدنا عبدالله بن عمر وابو هريرة كانوا طوال الأيام دي بيخرجوا للأسواق يكبروا والناس تكبر وراهم
