عارفين دايما الشيطان بيدخلنا منين !!
من النعم .. اه والله زى ما بقولك كده يخليك تشوف النعمه بشكل وحش يعنى ..تشوف ولادك اشقيه ومتعبين ف تنسى تحمد ربنا على نعمه الذريه اللي كنت هتموت عليها !!
تشوف اهلك متحكمين اوي فيك او عصبيين ف تنسى تحمد ربنا على حبهم واهتمامهم بيك وخوفهم عليك !!
تشوف البيت بتاعك ناقص حاجه او تضيق عليك ف تنسى تحمد ربنا على نعمه السكن !!
تشوفى زوجك متعب ف تنسى تحمدى ربنا على نعمه السكنه !!
تشوف مراتك نكديه ف تنسى تحمده على الموده والرحمه !!
تشوفى شغل البيت متعب اوي ف تنسى تحمدى ربنا على نعمه صحه ولادك اللى بيكركبوا البيت و ماليين حياتك !!
حياتك ممكن تبقى حلم لغيرك ..مايبقاش اختبارك في
" الشكر" وتعيش إن حياتك ابتلاء و "صبر"
اشكر ربنا بدل ما امتحانك يتقلب امتحان صبر فعلا وتتمنى ترجع تانى للحياه اللى انت مسميها عاديه وهى حياه فوق العاديه بمراحل !!
"ف اللهم لك الحمد على كل النعم التى انعمت بها علينا ونستغفرك ونتوب إليك عن تقصيرنا وتعودنا على النعم "
