مفيش حد بيحب المذاكرة
وكل واحد بيكون قاعد على الكتاب بالضرب أصلًا 😂😂
طيب أنا هقولكم على طريقة تذاكر برضاك، و كمان تاخد حسنات في طريقك
هتقولي ازاي 🤔🤔
هقولك ورقة وقلم واكتب معايا يا بني 😂😂
👈أول حاجة متضيعش وقتك في كلام فاضي، سواء قهوة أو حكاوي
يعني اليوم بتاعك ميبقاش كله في كلام ملوش لازمة 😶😶
👈تاني حاجة اعمل جدول للمذاكرة، يعني مثلاً حدد من الساعة كذا للساعة كذا هذاكر مادة معينة و هكذا
خليك منظم 😍😍
👈تالت حاجة اعمل بريك كل نص ساعة
ممكن في البريك ده تصلي أو تقرأ قرآن أو تاكل أو تلعب أو أي حاجة تخليك تفصل شوية و ترجع تاني تذاكر
مش هنقضيها لعب على طول يعني 😀😀
👈رابع حاجة اختار مكان مناسب للمذاكرة
مكان أنت ترتاحله، مكان هادي كدا
👈خامس حاجة، شوف الطريقة المناسبة ليك في المذاكرة واللي تنجز معاك سواء تذاكر بصوت أو تمشي 🚶♂️
أو تجري🏃♂️
ده كل واحد على حسب نظامه ايه
👈سادس حاجة اشرح لزميلك اللي ذاكرته، و ده يعتبر من زكاة العلم وبيخلي المعلومة تثبت أكتر
👈سابع حاجة ممكن تعمل مخطط تختصر فيه اللي أنت ذاكرته
أو ممكن تعمل شفرة أو علامة تسهل عليك الحفظ
خليك ناصح وأنت بتذاكر 🤭🤭
