رواية #مات_الكلام🥀
( خيال ممزوج بلواقع )
للكاتبة #نادرة
الرواية بلهجة الليبية
حلقة 6.7🔥
كنت واقفه مهزوزه .. متحشمه من لبستي .. من شكلي .. و الي زاد هز ثقتي في نفسي هو أحساسي إني ما لفتت نظره بكل 🤦🏻♀️
قتلي السكرتيره ع الحال هذا بديتي خدمه شكلك 😆 ... من حرصك ع الملفات 😆
كان مُغيره واقف ساكت و هي تضحك .. و كأنه ما عجباش كلام السكرتيرة ..
نزلت عيني ع مكتبها لقيت طاسة نسكافى ورقيه .. ضربتها بي أيدي تبزعت ع الورق الي كان ع المكتب و طلعت و خليتهم متفاجأين الزوز 😳😳 ...
قعدت واقفه في الشارع نتصل بي مسره .. قتلها وين أنتي ؟
قتلي في العياده .. قتلها كملت انا .. قتلي خودي تاكسي و تعالي ..
قتلها تاكسي شنو ! 😳 لا ما نقدرش نركب تاكسي نخاف من حسن ..
أهو نستناك لين تجي تروحي بيا .. قتلي تو نجيك به ..
قعدت واقفه نستنى قدام الڤيلا الي مقابله الشركه و نفكر في الموقف ..
ليش الناس تحس بنشوه لما تتنمر ع غيرها ! .....
لما تنقص من قيمة غيرها ! .....
لما تستصغر غيرها ! ....
—————————-
السكرتيره حتى هي وحده من الناس الي قتلوني ..
الدنيا هدوووووووء .. الفجر قريب يأذن ..
مسكين قلبي 😔💔 مقبوض ليه أيام .. يووووووجع .. يوجع .. يوجع .... حتى نغفى شويه نفيق مخلوعه و بين عيوني الحبل الي قتلوا روحي بيه ..
جهنم .. هادي هي جهنم .. روحي تتعذب ..
و الله عز و جل يقولي { فَذُوقُوا بِمَا نَسِيتُمْ لِقَاءَ يَوْمِكُمْ هَٰذَا إِنَّا نَسِينَاكُمْ }
أنا صح نسيت اليوم هذا 😰 .. لكن زعمه ربي بينساني اليوم ! 😰💔
به أنا خلاص آمنت بقضاء الله .. لكن نبي الوجع الي في قلبي يتنحى .. نبي نرقد .. نبي نرتاح .. نبي نرتاح ...
——————————
قعدت واقفه في الشارع .. قمت راسي فوق لقيت مُغيره واقف في روشن مكتبه و شاد طاسة قهوة ..
تافه 🤨🤨 واقف يضحك زي الغبي ..
شن عرفني أنا أن أسمه مُغيره !! 🤨
واضح عليه راخي حباله هلبا مع السكرتيره و واقف يضحك معاها ..
عليك قرف 🤨 الرزانه بدت زي الديناصور .. منقرضه 🤨
زعمه قاعد واقف في الروشن ؟
مزنه مزنه مزنه ما تقيميش راسك 🤚🏻 ايه اصبري لحضه ..
تأملي في الفيلا الي جنب الشركه ع اليمين .. حلو زواقها 🤔.. حتى اللون حلو 🤔.. كبيره ما شاءالله ..
توا بالشويه بالشويه انتقلي للفيلا الي جنب الشركه ع اليسار .. نقزي تنقيز بعيونك .. ردي بالك ينتبهلك حد .. تأملي فيها حتى هي ..
غارسين نخله 😍 .. الميه تصب شكله خزانهم معبي ..
توا شوفي للشركه خطف 👌🏻 خطف يا مزنه باش ما يلاحظك حد ..
شفت لي روشن مكتبه لقيته مهناش .. و الدوره هادي كلها و هو مهناش 🤦🏻♀️ 🤪
الديناصور 🥴 .. ايه هو ديناصور ..
كلمتني مسره .. قتلي أنتي وين ؟
قتلها قدام الشركه ..
جتني مسره و ركبت معاها .. قتلي خيرك واقفه في الشارع 😱 زي الشحاتين ..
قتلها زي عينك 🤨 و مش ح نخدم هنا بكل ..
قتلي علاش ؟
قتلها ما اعجبنيش المكان بكل ..
و أحنا واقفين في السيمافروا نتلفت يميني نلقى مفيده حماتي 😳 ..
حي عليك يا مزنه .. 😰
طبست راسي طول من الخوف .. و مسره تقولي قيمي راسك شبحاتك هي خلاص ..
و أنا قلبي بيطلع من الخوف ..
و لحضات و يتصل بيا حسن .. قتلها أكيد مفيده أتصلت بيه قالتله 😰💔
رديت عليه .. سأل عليا و على رُقيه .. و من الرعشه بدل ما نلوم عليه قعدت نضحك زي الغبيه و نقوله الحمدلله كويسين 😄
قالي وين انتي ؟
قتله طلعت مع امي رافعين عماد للعياده .. قالي به تروحوا كلميني نجيبلك حاجات رُقيه ..
قتله حاضر به ..
سكرت الخط و أنا أيدي على قلبي 😔💔
وصلنا للعياده لقينا أمي و عماد كملوا معاينه .. ركبنا السياره و روحنا ..
و ع طول كلمته قتله أحنا روحنا .. قالي انا قريب أهو جاي ..
دقايق و جى حسن .. و أنا قاعده خايفه من مفيده ..
قابلته بوجه بشوش 😀 واضح خايفه .. و نحاول نرطب ..
قالي كيف حال رُقيه اليوم ؟ قتله الحمدلله كويسه ..
قالي أنا أمس النهار كله بي أمي في المستشفى ..
قتله خيرها ؟ 😳
قالي قلبها يوجع فيها 😔💔
قتله وين هي توا ؟
قالي في الحوش ما بوش يرقدوها في المستشفى ..
قتله مدام تاعبه كيف ما يرقدوهاش !!
قالي الدكتور يقولي كويسه و لما نطلع بيها من المستشفى تمرض و تعيط و تقولي قلبي يوجع فيا 😔💔
قتله معناها خلي نروح معاك .. لازم نشوفها ..
قالي باهي هيا ..
خشيت نجري قلت لي أمي بنروح مع حسن لأنه أمه مريضه ..
و خليت الفلوس عند أمي و طلعت روحت ..
أول ما خشيت كنت نشم في ريحة القهوة .. و هذرزه عاديه ..
و لما وصلت دارها فجأه تحولت وجوههم الي حزن 😳😳 الي نشبحلها نلقاها حاطه أيدها على خدها 😔😔
يا ربي شن العيله هادي كلهم يمثلوا 😳
قربت منها و بوست على راسها و قتلها كيف حالك عمتي اليوم ؟
قتلي حتى النفاق باهي 😒 ..
و لما خش حسن فجأه تغيرت نبرة صوتها و بدت تعبانه و داهشه و تتنفس بالسيف 🙃🤦🏻♀️
قعدت واقفه نتفرج على أروع مشهد تمثيلي 🤷🏻♀️🥴
و حسن يبوس في راسها و كان خايف و متأثر على خاطرها جداً ..
طلع عنده مشوار و هو يوصي فيا كان مرضت امي كلميني طول ..
و أنا في خاطري نقول بأذن الله مش ح نكلمك 🤨 ..
خشيت نحيت عبايتي ..
و نسمع في مفيده و بنتها يلقحوا عليا ..
يمى صوتهم يخوف 😰
و لما طلعت من الدار قتلي كملتي دورانك ؟
تمشي حوش بوك باش تطلعي و تدهوري مع اختك 😠
ما بيتش نرد عليها بكل ..
الجو مشحون بصعقات كهربائية 💔
خشوا دار أمهم و سكروا على روحهم ..
به أنا جعانه 🥺🤔 ...
يا ريتني ما روحت 🤦🏻♀️ حتى أنا ما فضاي ..
زعمه انوض ناخد طرف عبمبر .. جاي في خاطري 😍 ...
فكينا منهم يا مزنه تو يقعدوا يلقحوا ..
طرف واحد بس مش ح يلاحظوه .. جااااي في خاطري 🥺🥺
نضت للمطبخ و فتحت الفريز .. دار صوت لما فتحته 🤦🏻♀️💔
طلعت حافظة العبمبر و خديت طرف و هو مجمد 😍 لكن كان زي العسل من كثر ما نحبه ..
به طرف واحد ما شبعش خاطري ..
زدت طرف تاني و سكرت الحافظه و رجعتها للفريز .. و نتلفت نلقى حميده 🤦🏻♀️
و على طول تدفل عليا حاشاكم 😔
قتلي خزي عليك و على ربايتك يا خنابه ..
وقتها أنكمدت 😰 معاش حبيته العبمبر بكل .. معاش خاطري فيه ..
دفلته حاشاكم في الكناسه الي في فمي ..
و الطرف التاني خليته ع الرخامه ..
قربت منها و قتلها ما فيش من يخنب في حوشه .. و هذا حوشي و المطبخ مطبخي ..
و بدت تعيط و تقولي تلزي فينا ؟ 😡
و جت مفيده تعيط معاها .. و بنت حميده ..
هادوا خيرهم !! 😳
و يتصلوا بي حسن و على علو صوتهم تعالى مرتك تلز فينا من الحوش ..
أنا 😳😳
قتلي مفيده أصلاً خوي مش راجل .. كانه راجل راهو لما قتله مرتك طالعه مشالك اعطاك طريحه يا هاملة ..
ما تستغربيش 🤷🏻♀️ كلمة يا هاملة موجوده بكثره في قاموس العيله هادي 😄
أها 🤔 ... يعني أنتو كلمتوه و ما باش يكلمني .. شن هالفتنه هادي 😳..
طلعت أم حسن و تقولي أنتي الي تطلعي من الحوش و بناتي يقعدوا 😡 و تدفل 💦
و أنا مصدومه 😳
و حميده تقولي شن تستني ؟ .. روحي حوش بوك و اطلعي و تدهوري كيف ما تبي ..
غير أصبروا 😰 .. غير خودوا نفس 😰 ..
هذا كله ع خاطر طرف عبمبر 😰 ..
قربت من عزوزتي قتلها يا عمتي و الله ما لزيتها لكن قتلي يا خنابه و رديت عليها ما فيش من يخنب في حوشه ..
قتلي عميه تعمي عيونك تطولي في لسانك على بنتي الي في عمر أمك 😡 ..
أنا 😰😰
فجأه ينفتح باب الحوش يطق و تطلع بنت حميده تفتح الباب ..
قعمزت عزوزتي في مكانها و دارت روحها دايخه و مفيده تبخ فيها بالميه ..
الي يقدركم يجي يحاسبني 😳
خشت سلفتي الي هي بنت خو عزوزتي ..
و ما صارش من الدوخه .. ناضت زي الجن تسلم على كنتها و تحضن و تبوس .. بنت خوها عاد 🤷🏻♀️🤷🏻♀️
كنت واقفه نتفرج عليهم كيف يقتلوا في براءتي و أنسانيتي 💔
اتصلت عزوزتي بي حسن .. خشيت داري نسحن بنتفجر ..
زعمه شن بيقولوله ؟ ..
حي عليا كان ما يرفعني حوش بوي ؟ من بيصرف عليا ؟
أعطيني سم فيه العبمبر ..
قلبي بيطلع من الخوف .. أنا بنقول الي صار و خلاص 🤷🏻♀️
لكن هما بيتلاقوا عليا و بيشهدوا مع بعضهم ..
تلفتت لي رُقيه .. نسيت الدواء 🤦🏻♀️ ..
خلوني على أعصابي 24 ساعه .. ما عنديش نيه حتى نلعب على بنتي ..
خلوني عدوانيه ..
ياااااارب فرج عليا 😔💔
قعدت في داري و من كثر الخوف بندوخ خلاص 😰😰 ..
كانت أم حسن تبيه ياخد بنت خوها .. كان سمع كلامها راهو مش هذا حالنا ..
زعمه نكلم أمي ؟
شن بديرلي به !! ...
لاهيه في عماد و خلاص ..
عطل حسن ما جاش .. و الباين أنه ما خاطراش يجي .. و قلق من دوتهم ..
بنطلع للحمام 🥴💦 ... يا عليك عيشه الواحد عايشها 🤦🏻♀️ ..
و بعد عدة محاولات تجاهل 🙃 اضطريت نفتح باب الدار 🥺 و مشيت للحمام .. و أنا طالعه لقيتهم يطيبوا في كاكاويه .. و يحذفولي في الدوه ....
———————————
شوفي أم حسن .. و الله العظيم تحكي عليا .. لا حول الا بالله 🤦🏻♀️
مزال تبي تقتلني حتى و أنا جثه هامده .. شن طينتها هادي !!
تعرفي شن الي يوجع بجد 👌🏻 أن الناس هادي تقتلك و تتفنن في قتلك و بعد ما تشوفك ميته تزيد تذبحك .. و هي زي ما هي ..
وين ظميرهم ؟ معقوله مات أحساسهم !
كان حسن ديما يقولي الله قداش ما أمي قاسيه يا مزنه 😔💔
🤷🏻♀️💔
——————————
No name ♥️🌺
#مات_الكلام7
ليلتها كنت نستنى في كارثه تصير .. و نسمع فيهم يطيبوا في العشاء و نشم فيه و أنا في داري ..
الفرق بيني و بين سلفتي في المعامله يخليك تفكر مليون مره .. أنا شن درتلهم ؟
و ليش هكي يعاملوا فيا ؟؟
روح حسن .. و ما كنتش نعرف شكون في برا ..
نسمع في صوته يهدرز .. قعدت نميز في الأصوات .. هذا صوت مفيده حماتي 🤔 و هذا صوت هناء سلفتي 🤔🤔
و هذا صوت شكون !!
كان في صوت معاهم ما عرفتاش على قد ما حاولت نميزه ..
و عطل حسن ما خشش للدار .. و أنا جعانه ما كليت شي .. ينعس فيا النوم ..
طق الباب و خش حسن .. جايب معاه صونية مكرونه بالقرنيط ..
قالي نوضي كولي معاي 😄
قتله من في برا ؟
قالي مرت خوي و أختها ..
قتله أهاااا هادي الي كانت أمك تبي تاخدهالك ؟
قالي يا ودي نوضي تعشي و كان نبيها راهو خديتها ..
قتله ما نبيش 🤨
قالي خديت فمين معاهم باش نجي نتعشى معاك .. هيا نوضي كولي معاي ..
قتله كيف بناكل و انت جايب كاشيك واحد بس 🤨🤨
قالي أنا ناكل و نوكلك من فمي 😘
نضت قعمزت ناكل مره انا و مره حسن ..
قتله حسن 😳 أفرض مدايرين فيها سحر 😳😳 .. قالي ياريت ع الأقل نقعدوا نسمعوا في كلامهم و جونا مليح معاهم 😄
قتله ايه صح 😆
اتكيت ..
قتله حسن ..
قالي نعم ..
قتله أماليك علاش يكرهوني ؟
قالي شن عرفني فيكم النساوين 😄 ..
قتله به علاش نحس أنك راضي فيا الأهانة ؟؟ 🥺💔
قعد ساكت ..
و بعدها قالي قوليلي شن ندير ؟؟
نطلع نأجر ؟ ... باش الي نخدم بيه نحطه أيجار ؟؟؟
حتى لو قدرت ع الأيجار شهر و شهرين و ثلاثة .. باقي عمري مش ح نقدر عليه .. مزال بيجيني صغار و عيلتي بتكبر و مصاريفي بيكبروا ..
مزنه أنا نفضل نتحمل حياتي هنا خير من نطلع و نرجع بحشمة الوجه و مرات معاش يقبلوني هنا ..
قتله حسن يعني أنت مفكر فيا ؟ 🥺💔
قالي طبعاً نفكر فيك و نحس في روحي ظلمتك .. لكن شن بندير ؟
نخش نعيط و نطلع نعيط على أمي ؟
و لا ندير روحي أحرف لين يلزوني من الحوش ؟
به و شن عقابها ؟
أنا بنرقد في السياره و انتي في حوش أماليك ؟
قتله باهي نخش نخدم و نعاونوا بعض ..
قالي وينها الخدمه ؟ ما حصلوهاش الي بي شهاداتهم ..
قتله سلفة مسره خوها عنده شركة و يبي موظفين ..
قالي يبوا سواق ؟
قتله ما نعرفش 🥺 ... بس خليني نجرب نقدم أوراقي بالك يقبلوني 🥺🥺
قالي و رُقيه وين بتخليها ؟
قتله نحطوها عند أمي الصبح و كل واحد يمشي يخدم على حاله ..
ع الأقل نجمعوا مبلغ ناخدوا بيه حتى قطعة أرض أو نبنوا بيه فوق أمك ..
قالي باهي شوفيها أختك تكلمهم ..
قتله يعني عادي موافق ؟ 😍
قالي و علاش بنقول لا ؟ مدام الراجل يقرب لي اختك معناها مكان محترم ..
قتله خلاص تو نكلمها ..
مش عارفه ليش وقتها حسيت أني نبي نكافأه بجسدي ..
مكافأه فقط 🤚🏻 مش رغبه فيه او حب فيه 🤷🏻♀️ ..
قربت منه و خديت بي أيده للسرير .. مش عارفه ليش في كل مره كنت نحس بحزء مني يموت ..😔💔
——————————-
صعب مغادرة الحياة 💔
ممكن هذا علاش الموت ع غفله ..
تلفتي يمينك تأملي في أشيائك .. كلها ما تهونش عليك 💔
شوفي يسارك ممكن تلقي أمك أو طفلك .. كيف بيكبر و أنتي ميته ؟
كيف بتكون ملامح وجهه مع الكبر ؟
كيف الأعياد من غيري ؟
ح تفقديهم حتى و انتي بتموتي 🥺💔
صعب الفراق 💔
زعمه ليش الموت تركب من الرجلين ؟
و آخر شي يموت فيك هما عيونك !!
ممكن لأن ربي يبينا نشوفوا روحنا و احنا بنموت 🤷🏻♀️💔
قالولي أن حسن ما خلاش رُقيه بروحها بكل ♥️ .. فتحوا قرآن تاني 🥺♥️ ..
——————————
تاني يوم نضت الصبح بندير قهوة لي حسن .. لقيت بنت خال حسن لابسه روب و مقعمزه في المطبخ 😳😳 ..
أنصدمت .. قتلها راجلي بيخش يشرب قهوة .. قتلي عارفينه راجلك 😏 و ولد عمتي ..
قتلها ولد عمتك عادي تقعدي قدامه هكي ؟؟
ناضت و تشوفلي بنظرات مستفزه .. و هي طالعه كان حسن جاي .. ما باش يشوفلها بكل .. و خش المطبخ ..
شديته و سكرت الباب .. قتله بنت خالك هادي بنموت منها بنموت 😡 ..
خداني في حضنه و قعد يبوس فيا 🥺 .. قالي لما تبدي انتي واقفه ما نقدرش نحول عيوني منك بكل ..
ليش أنا مش لاقيه نفسي مع الحب هذا بكل ؟؟
ليش مش فرحانه بيه ؟
ليش مش حاساته ؟
ليش ما فيش قبول في داخلي بكل ؟؟
كنت مرات نتمنى نكون من نوع البنات الي الحب في حياتهم مش أساسي بكل ..
طلع حسن و خشيت داري .. متكيه و نفكر .. بنتي عمرها سنه و 6 شهور .. ما نبيهاش تكبر في بيئه زي هادي .. 🥺💔 ما نبيهاش تكبر و هي محبوسه في الدار هنا 🥺💔 ..
ياريت نزلت معاه لي حوش بوي .. قداش بنقعد حابسه روحي في الدار هنا !!
رجعت رقدت لين ناضت رُقيه و بدينا نلعبوا مع بعض في السرير ..
و مرات طفلك تحسيه ذنبك .. خطيئتك .. الي جبتيه للدنيا من غير حول منه و لا قوة ..
كل ما تتحركي يتبعك ببراءته .. بعفويته .. و أنتي تحاولي تهربي من الذنب هذا ..
طلعت بندير حليب رُقيه .. لقيتهم يفطروا في سفنز 🥺♥️ جى في خاطري ..
هيا ديري روحك عاديه يا مزنه و لطفي الجو .. قتلهم صباح الخير 😄 صحه صحه .. وقته السفنز توا 😄 ..
ما فيش من رد عليا .. 🤦🏻♀️
قالتلي عزوزتي امشي البسي حاجة سلفك جاي في الطريق ..
قتلها لبسي مستور أنا .. و بنت خوك الصبح قاعده بي روب قدام حسن ليش ما تقوليلها استري روحك ؟؟
قتلي تعلي في صوتك عليا ؟؟
و طول شدت تليفونها تتصل بي حسن ..
درت شيشة الحليب و رُقيه شادة في قفطاني و حميده تقوللها تعالي .. تعالي ..
و رُقيه ما تبيش .. تقوللها حميده طبعاً طالعه لي أمك السوسه ..
خشيت للدار كلمت أمي و قتلها بنلم حوايجي و نجيكم .. و اتصلت بي حسن قتله تعالى ارفعني حوشنا ..
لميت حوايجي كلهم و ما خليت شي .. جى حسن و قعدت نطلع في حوايجي .. و بعدين خش الدار و قالي علاش رافعتيهم كلهم ؟
قتله أنا معاش نقدرنقعد هنا .. جعانه .. خايفه .. مهانه .. محبوسه في داري .. حوش بوي أكرملي .. قالي به أرفعي منهم حوايجك مش كلهم .. قتله لا بنرفعم كلهم ..
طلعنا و نادت عليه أمه .. و أنا في السياره نستنى .. معقوله بتمشي حوش بوك يا مزنه و بنت خاله قاعده هنا ؟ 😳 بالك تتقرب منه 😳 هو أنا في الحوش و لابسه روب .. لما نطلع كيف !! 🤔
لا لا حسن مستحيل يدير هكي ..
جى حسن وطول الطريق ساكت .. قتله خيرك ؟ قالي مش عارف شن عقابها ! ..
قتله تبيني نتحملهم ؟
قالي لا حقك .. لكن أنا مش مروح للحوش .. قتله كيف ! 😳
قالي تو نبات في السياره ..
وصلنا حوش بوي و قتله انزل نديرلك قهوة .. قالي لا بعدين تو نجي ..
كان متضايق لدرجة دموعه محبوسات .. و انا نازله شد في أيدي و قالي آسف جوّعتك 😢💔
للحضات 😰 ما أستوعبت شي ..
بعدها فقت .. و قتله هههههه 😅 شن الكلام هذا حسونه ♥️ أنا طلعت منهم مش منك .. و بوست أيده و نزلت ..
خشيت حوشنا و أمي عيونها في حوايجي 😳😳 قتلي خيركم شن في ؟
قتلها حرجانه 🤷🏻♀️ ..
قتلي من شكون ؟
قتلها مع امه و اخواته ..
خشيت نرتب في حوايجي و أمي متضايقه مش مستريحه لي جيتي بكل 😔💔
قعمزنا تغذينا و قعدت نهدرز على عماد .. الي من لا شي يعطيك أمل في الحياة و تحمدي ربي ع نعمة الصحه ..
تليفوني يرن .. شفته لقيته رقم ما نعرفاش ..
هادي أكيد وحدة من حماواتي 🤔
ما بيتش نرد .. عاود الأتصال مره تانيه ..
بردوا ما بيتش نرد ..
وصلتني رسالة .. ( مُغيره )
قعدت شاده التليفون 😳 نشوف في الرساله 😳😳 شن الي نقرا فيه هذا !!
م ...... غ ....... ي ........ ر ......... ه
😳😳😳
عاود أتصل .. ما قدرتش نرد ..
و لأن تليفوني كان من غير غطاء بطاريه .. ضربته طاحت البطاريه و تسكر الجهاز ..
نشوف لي التليفون و بين عيوني الرساله 🥺♥️
——————————-
تحسابيني منتحره ؟؟
الموت رحمه 💙 و الي قاعدين عايشين هما المنتحرين 💔
كنت ديما نكابر و نعافر و نكافح و نستمر .. لقيت روحي كنت ننتحر ببطء ..
تعرفي !!! ...
توا بس عرفت أن ما عندي حد 💔 ..
شوفيهم كيف طلعوا الحولي الي بيحطوه ع النعش ..
مهتمين بي أدق التفاصيل الي تجاهلوها زمان لما كنت حيه ..
لما خشيت الشقه .. شميت ريحة موتي .. حسيت بأن ح تصير حاجة ..
صبع رجلي الكبير ينمل .. رجليا مصقعات ..
باكو دخان مارلبورو طايح جنب كرسي الصالون !! .....
في حد معناها خش قبلي و طاح منه باكو الدخان 😳 ..
قلبي مقبوض 😰💔 في شي يقولي توا النهاية 👇🏻..
——————————-يتبع
