مات_الكلام30
مقعمزه في الشقه 🥺 .. نحس إني في سجن أنفرادي 🥺 ..
حسن ما كانش يكلم في حد في التوقيف .. ليش سميره عرضت عليا تحبس حسن !!
و ليش ديما تتهزا عليه !! ليش ديما تحسس فيا بكلامها إنه مش ليا و نستاهل خير منه !!
وصلتني رساله .. فتحتها .. لقيتها من جمال ..( غايــــــــب وين عني يا دلالي كيف اصبحت وامسيت ابغلاي عليـــم الله يا ســـيد الغوالي اغــيابك شين هو مصدر بلاي ان شاءالله بس يوصلك اسوالي وسلام ابقلب نبضه مو امعاي )
هذا شنو 😳😳 نهار أسود 😱 شن هالقرف هذا 😰😰
حطيت التليفون و انا نحس إني متاحه .. نحس إني ما فيش حدود للوصول ليا ..
و في بالي إيام أول ما تزوجت .. كيف كان حسن ما يخليني نسلم على حد .. كيف يقولي غطي وجهك بالوشاح لما تنزلي من سيارتي .. كيف يقولي خشي غيري حوايجك ريحة عطرك قويه .. كيف لما نخطموا من جنب سيارة فحمة و نتلفت نتفرج عليها 😍 يقولي لفتي وجهك هنا 😠 ..
جى حسن .. خش طول غسل وجهه و توضأ للصلاة .. و جى قعمز جنبي .. قتله خيرك شن في ؟ 😰😰
قالي خديت سيارة نسيبي من الصبح و مشيت وقفت في المحطه بالك نحصل حد نوصله .. ما ركب معاي حد 😥
قتله ما صارش من خدمة القهوة ؟
قالي ما صارش ..
قتله به ليش وقفت في المحطه ؟
قالي هادي سياره مش مزوقه تاكسي .. يعني ما يركبوش معاي الناس .. لكن في المحطه تحصل عادي .. مشيت درست في محطة جهة (.....) جى واحد من المدرسين يخدموا على سياراتهم قالي شن تبي واقف هنا !!
قتله نسترزق خوي زيني زيك .. قالي ولع سيارتك و امشي من هنا خيرلك ..
ولعت و مشيت مكان تاني ..
قتله و هو شن دخله ؟
قالي ما يخلوكش تدرس في محطتهم .. قطع ارزاق و خلاص 🤦🏻♂️
قعدت ساكته 😰 و هو اتكى و واضح عليه التعب و الزعل ..
قتله حسن ..
قالي نعم ! ..
قتله ليش ما خديتش كلمتني من رقم أي حد لما كنت في التوقيف !
قالي من جدك إنتي نكلمك من أرقام الأنذال هادوا !! خيرك !! وين عقلك !!
قتله ايه صح 😰
خش للدار .. تليفوني يرن هزاز في جيبي .. شفته لقيته مغيره .. بعدها وصلتني رساله ( بكره تعالي للخدمة ضروري ) ..
خشيت لي حسن .. قتله بنمشي ناخد رقيه من بشرى .. قالي لا خليها شويه فوق .. و تعالي قعمزي جنبي نبيك ..
قتله أن شاءالله خير ؟
قالي شن بنخدم باش نقدر نخلص إيجار الشقه ؟
قتله شوف راجل موده أو مسره بالك عندهم معرفه في مكان .. قالي شوفيهم انتي .. كلمي أخواتك .. لأن لو ما حصلتش خدمة مش ح نقدر نقعد في الشقه هنا ..
قتله إن شاءالله به .. قرب مني و قالي مستاحشك انا هلبا 🥺♥️ تعالي هوني عليا 🥺♥️
قتله حبيبي أنا قاعده مريضه هههه و لا انت مش قادر تصبر 😉 خداني في حضنه و قالي مش قادر نصبر .. ريحته عرق ..
تليفوني يرن تاني 😰 باعدته و قتله خلي نكلم اخواتي .. و نضت طلعت ع أساس بنتصل بيهم .. هذا مغيره الي يتصل ..
رديت قتله نعممممم !!! 😠
قالي نبي نشوفك بكره في الشركة .. قتله ما نبيش نشوفك و معاش تتصل .. طلع حسن من الدار .. قالي مغيره و الله نجيك لي حوشك .. قتله ايه ههههه حسن يدور ع خدمه .. سيارته وقفت خلاص .. اليوم من الصبح يدور ع خدمه .. لان و الله يا موده لو ما حصلش خدمة بنضطروا نسلموها الشقه و نرجعوا لي حوش أهله ..
قالي مغيره تعالي نشوفك بكره و انا نعطيك سياره طيارة بشكليط الي تبيه بس تعالي يا مزنه تعااااااااااالي ..
قتلها به سلم وخيتي ههه ربي يحفظك يارب ..
قالي مغيره أرجوك نستنى فيك أنا ..
قتلها حاضر أن شاءالله ..
سكرت الخط .. رديت التليفون في جيبي .. قالي حسن شنو ؟
قتله قتلي تو نرد عليك أن شاءالله ..
قالي انا بنمشي للجامع .. قتله أن شاءالله به ..
جت رقيه و خديتها في حضني و قعمزت و هي تحكيلي ع دار بنات بشرى و العابهم و دولابهم و علاش يا ماما انا ما عنديش زيهم ! 😰
ما رديتش بي و لا حرف ..
قتلها هيا نرقدوا .. و نوعدك ح يكون عندك دار أحلى منها ..
خدانا النوم .. الصبح نضت جهزت نفسي و خشيت لي حسن قتله بنمشي للخدمه انا .. رد بالك على رقيه ..
قالي به ..
مشيت للخدمه .. خشيت لقيت أنسام .. ركبت مكتبي ..
سألت الأستاذ يونس .. وين حنان ؟
قالي تم فصلها و الله ..
قتله علاش ؟
قالي و الله ما نعرف ..
قتله جابوا وحده جديده بدلها ؟
قالي ايه ..
قعدت مقعمزه .. نخمم ليش فصلوها حنان ؟ لاني تضايقت منها و مغيره فصلها !!
و أنسام ليش قاعده !!
كلمني مغيره .. رديت عليه .. قالي وين انتي ؟ قتله في الحوش ..
قالي أنا كيف وصلت للشركة .. هيا تعالي نستنى فيك ..
قتله تمام به ..
سكرت الخط و نضت وقفت ع الروشن .. نشوف فيه يدرس في سيارته .. نزل منها ..
بلعت ريقي .. خديت نفس عميق .. لحضات و أنا في حضنه مرت عليا في رمشة عين 🥺♥️
أستاحشته و الي عشته معاه مستحيل يتكرر مع غيره ..
خش شركه .. ياااارب ما ننهار قدامه 🤦🏻♀️ .. نسمع فيه يتكلم في التليفون و هو راكب من الدروج 🥺♥️ ..
نفتح باب المكتب .. تلفتت .. جت عيني في عينه .. ضحك و سكر التليفون طول ..
سكر الباب و خش بياخدني في حضنه طول .. باعدته 🤚🏻
قالي حبيبي 🥺♥️
بلعت ريقي 🥺
خداني في حضنه .. سكوووووون 🕊.. هدوووووء 🧸.. سكينة أرواح 💎.. أنغام 💆🏻♀️.. سحر 🔮.. أي شي من الجنه ..
نحس بي أنفاسه .. كانت صادقه .. حتى غمرت إيديه كانت صادقه ..
باعدته و بمجرد ما وخرت عليه شوي .. رجعت الدوشه .. دق الطبول 🛢.. أصوات مطرقه في وداني 🔨.. صوت القطار ع سكة الحديد ⚙️.. صراخ أطفال يقشعر جسمي .. صوت أسعاف ..
اوووووووف 🤦🏻♀️♥️
قالي كنت حاس إني ح نشوفك 🥺♥️ خداني في حضنه تاني و قالي هكي تديري !
قتله نبي ننزل تحت .. معاش نبي مكتبي هنا معاك ..
مشى سكر باب المكتب بالمفتاح و جى خداني من خصري قامني و لصقني ع الحيط و يبوس فيا .. رجعت تاني 💆🏻♀️♥️ لي أحلى نغم .. للأمان .. للحياه .. ليا أنا .. لي أنوثتي ..
♥️🌺
ما كانتش مجرد قبلات .. لا لا .. كان فيهم كلام .. فيهم وعود .. فيهم أحساس .. فيهم حقيقة أنسان مجرده .. فيهم أسف .. فيهم نقاش يقعد يوم كامل انتهى بتبادل شفاهنا ♥️🌺
باعدت منه بعد ما ارتويت .. حط أيده ع خدي و قالي معاش تبعدي عليا .. نحبك أنا 🥺♥️
قتله مغيره أنا متزوجة ..
قالي لا انتي مش متزوجة ..
قتله و الي صار في الفندق ؟
قالي بي شنو نحلفلك إني ما كنتش في الدار ؟ و الي يرضيك أنا مستعد نديره 🥺♥️
صدقته .. أو بمعنى أصح فوتتها و درت روحي صدقته ..
قتله و آيه !!
قالي منو آيه ؟
قتله البنت الي كانت تخدم هنا و انتحرت ع خاطرك ..
شدني من أيدي و قعمزنا ع الكرسي مقابلين بعض ..
قالي مزنه ..
البنت الله يرحمها .. و ما نعرفش إذا انتحرت ع خاطري أو ع خاطر أختها ..
البنت ضعيفه .. شخصيتها ضعيفه .. و باش نكون معاك واضح .. كانت تخدم هنا و كنت متساهل معاها .. يعني نبصر عليها .. اناشب فيها .. لكن علاقه جديه لا 🤚🏻 ما كانش في بيننا علاقه جديه .. البنت تعلقت بيا .. لدرجة ان لو ما نجيش الشركة او نسافر تقعد تبكي و تتصل بيا هلبا ..
و كل الي فكرت فيه وقتها اني ندير معاها شي و خلاص و انا نعرف نعرف 🤚🏻 إن الكلام هذا مش ح يعجبك لكن ما نبيش نكذب عليك ..
صارت بيننا امور بسيطه جدا و ما عمري قتلها نحبك او استاحشتك او اي شي .. هي تعرف حدودها كويس ..
و لما جت اختها للشركة و شافتني بدت تضايق فيا .. مع العلم اني ما شفتهاش ..
مزنه 🥺♥️
البنات هادوا يختلفوا عليك انتي مش زيهم ..
قتله كمل مغيره نبي نسمع الباقي ..
قالي بدت أختها تبعتلي في رسايل و تكلم فيا ع النت و تبعتلي في صورها من غير ما نعرف انها اخت آيه ..
و لما قتلها نبي نشوفك قتلي نجي الشركه .. قتلها شن عرفك بي الشركه ؟ قتلي انا اخت آيه ..
وقتها سكرت عليها و معاش نكلم فيها .. لكن هي ما خلتنيش في حالي .. و لما عرفت آيه خدت حبوب و توفت الله يرحمها ..
قتله خدت حبوب هكي و خلاص ؟ أكيد صار شي بينك و بين أختها ..
قالي مزنه القضيه حتى تسكرت من شهور .. و آيه الله يرحمها مقطعه شرايينها من قبل حتى ما نعرفها .. يعني البنت عندها ميول لي إيذاء نفسها ...
قعدت ساكته 🥺
قالي أنا زيني زي أي شاب .. أي موضوع بيشد فيه ..
قتله لا مش زي أي شاب ..
قالي خليني من الكڤر الي متغطي بيه كل واحد فينا ..
صدقيني ما فيش راجل ما عنداش تخبيصات تانيه و ما فيش راجل يرفض بنت عرضت روحها عليه .. اصلا هو وقتها معاش يفكر في الصح و الغلط و الحرام و الحلال .. عنده حاجة بياخدها و خلاص ......
قتله و خيره البوسيفي مش هكي ! 🥺♥️
قالي مرات نادره صوراته هكي 😉 و هو في الواقع أسوء من هكي 🤷🏻♂️😉
رن تليفوني ..
رديت .. قالي انا حسن حسن ..
قتله أهاا معاك ..
قالي بنطلع بنمشي ناخد شفره جديده .. و بنحط رقيه في حوش أمك .. و بعدين نمشولهم مع بعض و نروحوا بيها ..
قتله سيارة نسيبك قاعده عندك ؟
قالي ايه ..
شد مغيره إيدي يبوس فيها و يلحس بين صوابعي .. توترت 🥺♥️
قالي حسن وين جواز سفرك بناخد بيه شفره ؟
مغيره قاعد يبوس في إيدي و صوابعي .. قتله في الشنطه الكبيره .. و سكرت الخط ..
حطيت التليفون .. و حطيت ايدي ع لحيته 🥺♥️ قتله أنا خايفه و مش مستريحه بكل ..
حطلي إيدي على قلبه و قالي ما فيش خوف طول ما أنا معاك بكل ..
قتله أفتح المكتب قبل ما يجي حد .. ناض فتح باب المكتب .. و نزلت أنا بناخد قهوة ..
مقعمزه نشرب في القهوة و فجأه تفكرت كلمت حسن 😳😳 حي عليك يا مزنه 😱 لو خدا الجواز بيشوف ختم المطار 😧
خديت تليفوني بنتصل بيه .. رقم شكون الي كلمني منه زعمه !! 😰😰
ياااااارب سترك ياااااااارب 😰😰
عاودت للرقم الي كلمني منه .. ما ردش عليا .. مره .. مرتين .. بعدها رد عليا ... قتله نبي حسن بالله ..
قالي مش معاي و الله ..
قتله تمام به ..
زعمه نتصل بي أمي نسألها جاب رقيه او لا ؟؟ 😰
زعمه خداه الجواز ؟ 😰
يااااارب سترك ياااارب 😰😰 🤦🏻♀️🤦🏻♀️
No name ♥️🌺
