مات_الكلام34
منو الي جت فيه طلقه ! 😳 حطيت إيدي على قلبي 🥺💔 أوووووه عصره قويه 😰💔
لا إلٰه إلا أنت سبحانك إني كنت من الظالمين ..
قلبي يعصر فيا ..
كلها زحمه تحت .. أهو مغيره واقف في أيده حديده ..
شكون الي جت فيه الطلقه ! 😰 معاش قادره نوقف .. جوع .. خوف .. هبوط .. كله تخلط عليا ......
جمال يركبوا فيه الرجاله في سيارته بالسيف و مشى بيها ..
تي شكون الي جت فيه الطلقه .. الناس كلها متلقطه على مغيره ..
السياره الي معاه تحركت القدام شويه ..
الرجاله شادينه من إيده و كتافه و كأنهم يهدوا فيه ...
قام راسه فوق .. جت عيني في عينه .. 🥺♥️
...............
نزل راسه و كأنه ما يبيش حد ينتبهله انه شاف فوق .. تحرك خطوات ..
سرواله كله دم 😳😳 يمى قلبي 🥺💔 قلبي يعصر فيا 😰💔
ركب مع السياره التانيه و سيارته ركب فيها واحد تاني يجري و طلع وراهم ..
تلفتت أستندت ضهري ع الحيط .. ننزل بالشويه ع الزليز .. أنا معاش قادرة نتحمل الألم 😔💔
يااااارب هون عليا يارب ♥️🌺
بندوخ .. بندوخ .. بندوخ .....
زحفت للزليز مصقع .. نبي نفيق .. قعدت ملوحه ع الارض .. ضعيفه ..
تليفوني يرن .. بعيد عليا .. ع المندار .. نشبحله و مش قادره نتحرك ..
نضت زحفت للمندار ..
مغيره .. هذا مغيره 🥺💔 رديت مغيره ..
رد عليا يا عيونه ..
_ أنت كويس ؟
_ كويس الحمدلله .. في أي حاجة كلميني .. و نبعتلك رقم في رساله لو ما رديتش انا اتصلي بيه ..
قتله به ..
و سكر الخط ..
خلي نتصل بي بشرى تجيني .. اتصلت بيها .. مشغول .. مشغول .. مشغول ....
هذا مشغول و لا رفض ! ..
قائمة الأرقام كلها الي في تليفوني مش قادره نتصل بي حد منها .. كلهم ما نهمهمش ..
ناديه جارتي .. خلي نكلمها ..
كلمتها و جتني طول ..
قتلي تعالي اقعدي عندي في الشقه ..
مشيت معاها شقتها .. قتلي شفتي العركة الي صارت تحت العماره 😱 ووووه مصاريني حطيتهم قسماً بالله رعشوني ..
هزيت بي راسي 😰
قتلي قال امحمد الولد الي شعره لي كتافه صاحب السياره العاليه هو الي جت فيه طلقه .. يا كبدي نشوف فيه زي الثور الهايج يخبط في سياره الرصاصيه يمين يسار لين جاته طلقه ..
اسكتي انا بندوخ 🤦🏻♀️...
تكلم في راجلها في الدار التانيه تقوله يا امحمد لكن انا شفته يمشي على رجليه ..
قاللها دمه سخون ما يحس بي شي وقتها .. تي هو ما يحسابش حتى الطلقه جت فيه ..
قتلي ريتي وووووه عليك رعشه ..
أرجوك أسكتي أنا بندوخ 😰 ..
تعرفي يا مزنه الولد سرواله معاش تعرفي لونه ..
أوووووووووه طحت مغمى عليا رأفة بي قلبي يارب ....
🤦🏻♀️💔
فقت شويه .. لقيتها تصب عليا في الزهر و الصنه .. شديت في إيدها و قتلها قلبي يوجع فيا ..
قعدت تعيط و تنادي على راجلها .. ركبوني في السياره و رفعوني للمستشفى ..
دارولي تخطيط على قلبي .. قاسولي الضغط .. خدوا مني دم للتحليل ..
جى الدكتور وقف عليا .. قالي في خوف ؟
هزيت بي راسي ايه ..
قالي معاش تفكري هلبا و خلي كل شي على الله .. ما في شي يسوى تضيعي صحتك عشانه ..
صغرت بيا الدنيا .. نزلت دمعتي من الضعف و قلة الحيله ..
دارولي تغذيه و ضربولي فيها مسكن .. ناديه في جنبي .. قتلي لازم تاكلي راه ..
قعدت في المستشفى لين كملت التغذيه .. اتصلت بي مغيره مقفل ..
أتصلت بالرقم الي بعتهولي ينادي .. رد عليا راجل قالي نعم !!
قتله أنا أعطاني رقمك مغيره .. نقدر نتطمن عليه أو نكلمه لو سمحت ؟
قالي ايه ايه .. و نقص صوته و قالي في العمليات هو توا راه ..
قتله ليش ؟
قالي في طلقه في فخدته اليمين ..
قتله وين هو ؟
قالي في مصحة ( ..........)
قتله نقدر نجي نشوفه ؟
قالي و الله شن بنقولك 😰 خليك إنتي في مكانك و الدنيا ليل توا و العيله كلهم هنا لكن بأذن تو نطمنك مره مره ..
قتله به أن شاءالله خير ..
روحنا و طول الطريق ناديه و راجلها يهدرزوا و يحاولوا يغيرولي جوي ..
حياتهم بسيطه بس قلوبهم على بعض ..
وصلنا للعماره .. ركبت لقيت موده و راجلها .. اييييح علينا 🤦🏻♀️
أن شاءالله غير ما قاللهم حسن إني شفت مزنه نازله من سيارة و جايه بتعطيني محاضره ..
قتلي ناديه تعالي عندي .. نتعشوا مع بعض .. قتلها لا أختي أهي واقفه هي و راجلها خلي نخش شقتي خير ..
وقفت قلت السلام عليكم و سلم عليا راجل موده و هو يسأل عليا و على حالي ..
و موده ما تكلمتش و لا كلمه ..
فتحت الباب و خشيت و خشت معاي موده بس .. قتلها راجلك نزل ؟
قتلي ايه ..
خشت قعمزت .. و خشيت أنا غيرت ملابسي و جيت قعمزت جنبها ..
قتلي خيرك لا بأس ؟ خيرها إيدك ؟ ..
قتلها هبوط بسيط ..
قتلي أنا جايه بنهدرز عليك و نبيك تفتحيلي قلبك خلي نديروا حل ..
قتلها حل لي شنو ؟
قتلي معفنتيها مع راجلك و أهل راجلك و أمك .. كيف ل لي شنو ؟؟
قتلها ايه ايه ..
شوفي لي وجهي كويس .. شوفي اثار الضرب .. أنا الي معفنتها معاهم أهل راجلي و لا هما ؟؟
قمت التيشيرت قتلها شوفي أثر الضرب بالعصى متع مفيده و حميده ..
أسمعي موده 🤚🏻 أنا كيف مروحه من المستشفى و نبي نرقد ..
لانه واضح النقاش من أولها معاك عقيم ..
طق باب الحوش .. ناضت موده فتحت تحسابه راجلها .. طلعت ناديه جارتي ..
قالت جبتلكم عشاكم .. وقفت شويه تسأل عليا و روحت شقتها ..
قتلي موده به نوضي روحي معاي حوشنا ..
قتلها حوش شكون ؟
قتلي حوش امي ..
سكتت 🤦🏻♀️ قتلها لا خليني هنا خير ..
قتلي ها شفتي تسكير الراس متعك ! 😠
قتلها يعني الي يخالفك في الرأي معناها تسكير راس و عناد !!
اتكيت .. و اتصلت موده بي راجلها و قاللها انا تحت العماره .. قتلي أمالا الف لا بأس عليك هي بالسلامه اليوم ..
بالسلامه بالسلامه 🤦🏻♀️ ..
نضت جبت كاشيك و قعمزت ناكل .. شربة تشيشه حاره و سخونه و فيها ليم ..
كليت منها لين عرقت .. و قمت السفره في المطبخ ...
خديت التليفون .. بنتصل بي حسن ..
ما عنديش قلب نستقبل صدمه جديده اليوم .. الله اعلم كيف تكون ردة فعله ..
اتكيت و تغطيت و انا نفكر في مغيره 🥺♥️ ..
أحضني نفسك مزنه .. احضني نفسك ..
أنتي مش بالسوء هذا ..
جت الساعه 1:00 في الليل ..
نبي نتصل نتطمن .. بس الوقت متأخر ..
بعتت رساله .. ( السلام عليكم .. ممكن تطمني على مغيره الله يربحك )
دقيقه .. دقيقتين .. ربع ساعه ..
نستنى فيه يرد على رسالتي ..
رن تليفوني .. هو نفس الرقم .. رديت طول .. قالي سامحيني يا وخيتي ما شفتش الرساله ..
قتله لا عادي .. كيف حال مغيره ..
قالي أموره طيبه الحمدلله ..
قتله نقدر نجي نشوفه ؟
قالي تعالي الصبح بكري ..
قتله تمام متفقين ..
سكرت الخط ..
الساعه 1:30 توا .. نخاف نرقد و ياخدني النوم .. نضت قعمزت ..
ما عنديش حتى حق تاكسي 😰 ..
نمشي نبيع خاتم من التاكم متعي !!
كيف به ! محلات الذهب ما يفتحوش الصبح بكري 😢💔
كيف بنمشي !
نكلم ناديه ناخد منها 10 دينار ؟
🤦🏻♀️🤦🏻♀️
غفيت ساعه .. و نضت مخلوعه لقيتها الساعه 3:00 ..
عيوني مفتوحات و النوم غالبني .. لين جت الساعه 7:00 الصبح كنت جاهزة أنا ..
نطق ع ناديه نتسلف منها ؟ 😰 حشمه قدام المرأه 😢
هيا يا مزنه صححي وجهك و رديهالها بعدين .. كيف فتحت باب الشقه لقيت ناديه برا تسقد في صغارها للمدرسه ..
قتلي بنطق عليك الباب تحشمت قلت بالك راقده .. قتلها لا فايقه كنت ..
قتلي تعالي خشي نديرلك عصيده سخونه .. قتلها لا لا بنمشي و الله ..
شدتني من إيدي قتلي تعالي في خمسه دقايق تطيب هي ..
خشيت معاها .. قعمزنا في المطبخ ..
قتلي امحمد بيطلع بيمشي للخدمة و بنديرله عصيده بالسمن و العسل ..
دارت العصيده و قعمزت ناكل انا و اياها و رفعت صونية راجلها يفطر ..
قتلها أعطيك الصحه ناديه في ميزان حسناتك يارب ..
غسلت أيديا ..
قتلي نديروا قهوة ؟
قتلها انا بنمشي عندي مشوار .. بس ناديه أنا عارفه إني ثقلت عليك 🥺 نبي نطلب منك 10 دينار لو سمحتي ..
قتلي اللطف الناس لي بعضها شن تقولي انتي عيب عليك ..
طلعت من المطبخ و انا نضت نغسل في الماعين ..
ريحة حوشها حب ..
ريحة حوشها وئام .....
ريحة حوشها أصابه قديمه جداً ..
جت ناديه و حطت في جيبي فلوس و قتلي تو نكمل انا الماعين و انتي امشي مشوارك معاش وقت عليك ..
شكرتها و طلعت ..
اتصلت بي الرقم .. رد عليا الراجل .. قتله انا في الطريق جايه .. قالي نستنى فيك ..
دخلت إيدي في الجيب .. طلعت الفلوس لقيتهم 50 دينار 😰😰 ..
شكراً ناديه شكراً 🥺♥️
وصلت المصحه .. و أول ما خشيت اتصلت بي الرقم .. و تلاقيت انا و الراجل و رفعني حجرة مغيره .. و أول ما وقفت .. مكتوب برا حجرة العناية الفائقه ..
قلبي ينبض بقوة ..
تلفتت للراجل قتله شن هذا !!
قالي لا الامور طيبه غير امس داروله عمليه بس ..
خشيت لبست نايلون في رجليا و أعطوني زي خاص بالعنايه لبسته و خشيت ..
متغطي لي بطنه بس .. رجله فيها دعامات حديد ... شعره طايح ع خده .. راقد واخده النوم ......
أنا نحبه 🥺💔 نحبه هلبا 🥺♥️
قربت .. مسحت دموعي .. ما يخلوش في الرؤيه واضحه 🥺 ...
نزلت طبست عليه ..
اووووووووف تبي عزم الوقفه عليه ✊🏻💪🏻😤
تنفسي تنفسي مزنه .. خودي نفس عميق .. اوووف يارب عونك ..
قمت شعراته من خده ..
مغيره ...
مغيره .....
بوسته على راسه .. أنا آسفه 🥺💔
شديت إيده .. ندعي ينوض بالسلامه و يبدا حاله كويس ..
خشت الممرضه قتلي خلاص اطلعي ..
مسحت دموعي 🥺 قتلها كويس هو ؟.
قتلي كويس ايه ..
قتلها آمته يفيق ؟.
قتلي لين يمر الدكتور و يشوفه لكن حاله باهي راه ..
قتلها شكراً بارك الله فيك ..
نزلت بوست راسه .. أستودعتك الله مغيره 🥺♥️ أستودعتك الله الذي لا تغيب ودائعه ..
شد إيدي .. جفن عينه مسكر بس عينه تتحرك من داخل ..
فتح عيونه ..
ياااارب عزم يااااارب 🥺♥️
فتح عيونه .. قتله حبيبي 😢🥺♥️ ..
ابتسم و واضح عليه التعب ..
قتله أنت كويس ؟
هز بي راسه و عيونه ايه ...
قتله بنطلع أنا أماليك قريب يجو .. و تو نجيك في الليل ..
شد إيدي و قالي ما تجيش في تاكسي لا ..
حط أيده ع بطني 🤰🏻..
يكلم طفله الرصاصه هادي منك انت صح 🤱🏻؟؟
ابتسمت و عيوني دموع ..
قتلي الممرضه لو سمحتي خلاص اطلعي ..
شديت ع ايده بقوة و طلعت ..
طلعت و في قلبي نخصه .. منهاره نحاول نشد عزمي ..
شافني صاحبه هز بي راسه و شاورلي بي أيده 🤚🏻 إن الامور تمام ..
حالتي ما كنتش قادره ننطق حرف واحد .. خديت بعضي و طلعت ..
أنا الي مش كويسه أذيت الناس كلهم 🥺💔😢 أنا الي تعبت الناس كلهم معاي ..
لأني تعبانه 🥺💔 تعبانه 🥺💔
قعمزت في المصحه تحت .. بكيت لين دهشت .. و نضت لميت بعضي و طلعت ..
رجليا تعبوا من مشاويري و من مشاكلي .. نحس فيهم يلعنوا فيا لأنهم أبتلوا بيا ..
ركبت تاكسي 🤦🏻♀️ روحت للعماره .. و أول ما خشيت جتني بنت بشرى قتلي تعالي تبيك ماما .. خشيت لقيت سميره عندها ..
قتلي شن هالقصه الي صايره هادي ؟؟
معقوله هكي ..
قتلها و الله مفروض انا الي نسألك مش أنتي ..
عندك علم إن جمال يضايق فيا و جاني امس للشقه يرمي في بلاه عليا !! و تعارك هو و مغيره و ضربه بي طلقه !!
قتلي و شن كنتي تبيه ايدير 😒 يخليهم يضربوه 😏 !!!
قتلها أهاااا هكي تفكيرك انتي !!
تلفتت لي بشرى قتلها اعطيني الطقم متعي الله يربحك ..
قتلي اللطف طقم شنو 😱
قتلها الطقم الي قتلك دسيه عندك .. قتلي ماما ما خديت منك شي انا .. مش كان موضوعك مع سميره بتتبلي عليا انا ..
قتلها نعم !!
قتلي هذا هو 😏
قتلها يعني انتي ما خديتيش مني طقم و قتلك دسيه عندك !!
قتلي خديت منك الصبر و المشاكل و يلعن اليوم الي عرفتك فيه ..
قتلها تمام حلو حلو 👏🏻👏🏻
و طلعت مشيت شقتي ..
شن هالحقاره هادي .. شن طينتهم .. حسبي الله و نعم الوكيل فيهم ..
به الي أعطيتها طقم الفضه .. بشرى تحسابه الطقم الي جابهولي مغيره ..
خزي ع الحقاره و النذاله ..
جتني في طقم فضه لا ولا
No name ♥️🌺
