رواية #مات_الكلام🥀
( خيال ممزوج بلواقع )
للكاتبة #نادرة
الرواية بلهجة الليبية
حلقة 8🔥
كنت خايفه من جهاز التليفون و كأنه لغم بيتفجر .. وقتها كنت متردده و خايفه من الخدمه هادي .. و ياريتني سمعت صوت نفسي 😔💔 ...
ركبت بطارية الجهاز و تبثتها بي اللصقه .. معاش رن مُغيره ..
أنا قاعده نتفكر في لون سرواله الأزرق ..نتفكر في لون سوريته و نوعية قماشها .. وقفته ..
يارب يعاود يتصل يارب ♥️♥️..
رن التليفون .. قمته طول 😍 .. لقيته حسن 😳😳 و كأن من ضربني كف فيقني 😰
تي أنا متزوجة 🤦🏻♀️ ..
رديت عليه .. قالي نجي نشرب قهوة ؟
مش عارفه ليش وقتها تخايلت صوت مُغيره 😰 ..
قتله تعالى نستنى فيك ..
و مرات 👌🏻 يجي خاطرك تغيري الصوت 🗣 .. تغيري الأسم .. تغيري المكان .. تغيري العطر .. كل شي تغيريه .. المهم الشخص الي قدامك يكون هو الي في مخيلتك ..
و تفشلي .. تفشلي 🤷🏻♀️😔
جى حسن و درت قهوة و قعدنا مقعمزين في الجنان ..
قالي اليوم ما خدمتش بكل .. من الصبح ندور بالسياره و ما ركب معاي حد 😰 ..
قتله عادي الرزق يوم عندك و يوم عند غيرك .. خشيت لي امي و خديت من الفلوس الي اعطتهملي موده 50 دينار .. و طلعت أعطيتهمله .. قالي وين أمك ؟
قتله مع عماد داخل 😳 ..
قعد يفتح في بطم سوريته ..
قتله حسن شن ادير ! 😳😳 أحنا في الجنان 😰
قالي لاه لاه لاه يا مزنه ما أعجبنيش تفكيرك 😅😅 ..
و أعطاني سوريته قالي خيطيهالي بسرعه ..
خشيت خديت تيشيرت من عماد و أعطيته حسن يلبسه .. و قعدت مقعمزه نفكر كيف بنخيطها 🤔🤔
خداها مني و قالي رقبة السوريه كلها بادت خلاص .. نبيك تقصيها من الخط هذا و تقلبيها ع الجهة التانيه و تخيطيها باش البايد يقعد من داخل ..
شديت السوريه و قعدت نقص في الرقبه و قلبت نخيط فيها و نخمم .. و حسن يشرب في القهوة .. لابس ساعه ما تخدمش .. شبشبه مخيط أكثر من مره ..
قداش يصير ع الرجل 💔
و قداش أحنا سطحيين 🤷🏻♀️
بس في شي غريب 🤔
شن كمية الرضى الي عايش فيها حسن !!
و ليش السخط الي عايشه فيه أنا !! 😰
قداش حسيته وقتها ..
كم وحدة فيكم تتذكر آمته آخر مره راجلها شراء سوريه ؟
أو بوها ؟
بينما أحنا 🤦🏻♀️
———————————
نحس في جسمي مستسلم للنوم و عقلي منتبه ... الجسم راقد و العقل و القلب في قمة نشاطهم ..
باكو الدخان مستعملين منه ..
شكون الي فتح الباب ؟
زعمه مُغيره هنا ؟
ناديت حبيبي .. حبيبي ...
شوفي حميده .. قالت بناخدوا بنتنا و نديروا عزاء في حوشنا ..
هادي آمته بتنهد ؟ سبحان الله كل يوم تزيد تتفرعن .. ما كسرها شي في هالدنيا ..
———————————-
خيطت سورية حسن و أنا نحس أن مش هكي نبيه .. في شي في داخلي يخليني نستحقره ..
لبس سوريته و أنا نتأمل في هندامه ..
لابس شبشب .. حاشية سرواله من تحت تبين قداش سنه يلبس فيه حسن ..
سلم عليا و روح ..
خاطري نشم عليه عطر .. خاطري يهتم بتنظيف لحيته و رقبته ..
خشيت لي أمي لقيتها متضايقه .. ما بيتش نسألها خيرك 😰
قتلي الفلوس اعطيتيهم لي راجلك ؟
قتلها ايه ..
قتلي ما عمره يسخفك الراجل 👌🏻.. و لا عمرك تصدقيه 👌🏻 ..
و كان ما عنداش فلوس حق كيف ياخد في دخانه ؟ و قهوته ؟ و بنزينته ؟ هادوا الثلاثه مستحيل ينقصوا ع الراجل ..
و لا هو يخدم و يعطي لي أمه ؟؟ ..
كان خاطري نجيبلها تشوف سوريته 🤦🏻♀️ ..
لكن من غير تركيز مني لقيت روحي نتأثر بكلام أمي ...
أمهاتنا الي حطوا أساسيات حياتنا غلط ..
قدام زوجك في 👈🏻( حوش .. خدمه .. ذهب )
هادي المقومات الي تقيمه في نظرك بس ..
و لو ما لقيتيهاش ح تقعدي تدوري عليها ..
و لو جى يوم و قصر في حاجة فيهم ح ينتهي الرابط الي على أساسه بدأ الزواج ..
حسن كل صلاة في الجامع 💚🌾
ليش ما نشوفلهاش الحاجة هادي ! ...
حسن ينحي من فمه و يعطيني ..
ليش ما نحسهاش الحاجة هادي ! ..
و هلبا أمور انطمست في جرة الماديات ..
و كانك علمتيني يا أمي أن رجولته في صلاته مش هذا حالي ..
كان علمتيني أن رجولته في معاملته ليا بالود مش هذا حالي ..
كان علمتيني أن أحتواءه ليا أكبر هديه مش هذا حالي ..
حتى معاملتها لي موده و مسره تختلف عليا .. كيف لا و هما الي يودوا و يعطوا و يعاينوا و يغذوا في المطاعم و و و ..
نبي نبدأ زيهم و خير منهم 🤔
مقعمزين و لسان حالها أمي يقولي نوضي روحي حوشك أنا يالله نعول خوك ..
خشيت الدار و فرشت ليا أنا و بنتي ..
نبي نخدم .. نبي نغير من حالي ..
تاني يوم الصبح نضت و اتصلت بالشركه .. ما يردوش عليا ... و انا نفكر نتصل بي مُغيره زعمه ؟؟؟ بعدين نقول لا هذا مدير الشركه 😰 ..
جت مسره تهدرز و عزمتنا على عرس حماتها .. و جت موده و كل وحده تخمم شن بتلبس ..
قتلي أمي البسي عربي .. قتلها ما عنديش ذهب و بدلتي الصغيره خدتها مني حميده مره و معاش جابتهالي .. قتلي موده انا نعطيك ذهبي ..
فرحت لأني أول مره نلبس صدره ... و مسره قتلي أنا نعطيك بدلتي صدري بيها ..
قتلها مسره شن صار في الخدمه ؟ .. لأن أمس أتصلوا بيا و ما رديتش .. قلت بالك قبلوني .. و لما كلمتهم اليوم ما يردوش ..
قتلي تو نتصل توا بي سلفتي .. و أتصلت بيها و قالتلها تو نكلم خوي و نرد عليك ..
دقايق و رجعت أتصلت و قالت قولي لي أختك تبدا دوام من بكره ..
فرحت قريب طرت 😍 و أخيراً بنبدا نخدم و مش ح ينقصني شي في الجديد بكل .. ح نشري الي خاطري فيه .. ح ناكل الي خاطري فيه .. بنبدا نعطي لي أمي مصروف شهري .. بنشري تليفون جديد .. و و و و ...
كلمت حسن و قتله قبلوني في الشركه و من بكره بنبدأ نخدم ..
قالي الحمدلله غير شوفيهم بالك يبو سواق ..
قتله حاضر به ..
طيبنا غذانا و أخواتي يهدرزوا كل وحده فيهم أما مزين بتمشيله ؟ و بتاخد قفطان للحفله .. و بتمشي تحني عند أمرأه .. و بيمشوا حمام بخاري .....
و أنا ساكته و نسمع 🥺.. لا عندي باش نمشي مزين و لا حمام بخاري و لا ندير حنه ..
العشيه كلمني حسن و قالي اطلعي نديروا دوره بالسياره بمناسبة خدمتك الجديده ..
قلت لي امي انا طالعه تو نجي و لبست عبايتي و طلعت انا و رُقيه ..
السياره كل شوي ينزل يصبلها اميه .. معاش استمتعنا بالطلعه .. لين وقفت بينا في نصف الطريق و بين السيارات .. و كلهم يقولوله حول سيارتك من الطريق .. و حسن يحاول يولعها و هي شي معاش تبي تولع .. نزل يدف فيها بروحه لين درسها جهة الرصيف ..
مش عارفه وقتها شن نرفزني 😰 .. ليش نحس في ضغطي راكب 😰😰 ليش ندمت ع الطلعه معاه 😰😰😰 هو شن ذنبه !!
بس الي نعرفه أني حسيت بالخجل و هما يقولوله حول سيارتك و لما نزل يدف في سيارته ..
قعدت في سياره أكثر من نصف ساعه و رُقيه تعيط جعانه .. و حسن يعافر في السياره و ما بتش تولع .. لين في الاخير قالي نروح بيك في تاكسي و بعدين نرجعلها السياره ..
نزلت و أنا نلعن في اليوم الي خديته فيه .. وروحنا في تاكسي ..
خشيت لقيت أمي و أخواتي يطيبوا في بيتزا العشاء ..
قالولي أكيد شبعانه عاد عازمك راجلك 😍 ..
هزيت بي راسي قتلهم ايه و خشيت غيرت لي رُقيه و وكلتها ..
روحوا أخواتي و خشيت بنرقد .. اتصلت بي حسن قتله من بيرفعني للخدمه بكره ؟
قالي تو نجي نرفعك في تاكسي ..
سكرت الخط و ليلتي حزينه زي اي ليله قبلها .. فقت من الفجر نستنى في موعد خدمتي ..
——————————-
شوفي آثار الحبل في رقبتي 😔..
بس المسافه من شباك الحديد للأرض قصيره .. يعني رجليا واقفين ع الأرض ..
الحبل واسع على رقبتي ..
جسمي تنفخ .. شوفي أثر التطعيمه في أيدي كيف بدا مشحوط ..
ظوافري فيهم حنه ..
لحضه لحضه 🤔 ..
أنا حنيت ع خاطر عرس بنت خالتي .. يومها مشوا كلهم الا أنا !!
ليش خلوني بروحي في الشقه ؟
شكون الي خطط ان انا نكون بروحي وقتها ؟
شوفي وجهي كيف أسود 😰 نتيجة أنقطاع الأكسجين ..
تقرير الطب الشرعي يقول نتيجة خنق الحبل ع رقبتي ..
كل الدلائل تقول أني شنقت روحي ..
شوفي هادي خطيبة حسن الجديده 😏 نسمع فيهم يقولوا خطبها ..
———————————
الصبح جاني حسن في تاكسي و مشيت للخدمه .. و توتر العالم كله رفعته ع كتافي ..
خشيت مقر الشركه و قالولي اقعدي استني لين يجي المدير ..
قعدت نستنى للساعه 10:30 ..
خش مغيره و أنا مقعمزه 🥺 .. كلم السكرتيرة و ركب مكتبه ..
قعدت نستنى بعدها ساعه تانيه .. كلمتني السكرتيرة قتلي اركبي لمكتب المدير ...
ركبت و طقيت ع الباب و قالي تفضلي خشي .. كان يتكلم بي التليفون و يدور بي كرسي المكتب ..
قعدت واقفه لين سكر الخط .. تلفت و ابتسملي و قالي كيف حالك ؟ 😊
قتله الحمدلله بخير ..
قالي كلمتني عليك اختي .. شن شهاداتك ؟ و شن خبرتك ؟
قتله ما عنديش خبره و ما عمري خدمت قبل .. بس عادي نتعلم كل شي 🥺🥺 ..
قالي اممممممم 🤔 ...
قعدت واقفه و نقول يارب يوافق يارب يوافق ..
قالي خليك مع السكرتيره تحت تعلمك مبدئياً شوي شوي لين ندخلوك دورة ..
كان واضح عليه مش هامه عملي و حتى المرتب بيعطيه على عيون اخته بس ..
قالي مبدئياً مرتبك 500 دينار كويس ؟
قتله نعم 😳😳 ايه ايه كويس ..
قالي شن أسمك ؟
قتله مزنه 🥺..
قالي مميز أسمك .. بس يا مزنه لازم تهتمي بلبسك و هندامك لأنك واجهة شركتنا و ح تستقبلي ضيوفنا ..
وقتها حسيت بكبر حجم التحدي الي نواجهه .. حجمني و نقص من قدري و أهان كرامتي .. من أولها حطني في خانه بعيده عليه و كأنه يقولي من مزال يلبس هكي ؟
نخنقت 😰 و تمنيت الأرض تنشق و تبلعني .. و حسيت بكره غريب اتجاهه ..
طلعت من مكتبه و نزلت للسكرتيره الي جاها تليفون مسبقاً بأن تستقبلني و تعلمني شغلي .. و لأنها كانت لاهية بين خدمتها و تليفوناتها ضاع اليوم و تعلمت اشياء بسيطه بس ..
و جى حسن بيروح بيا و بمجرد ما شفته حسيت بي الأنتماء 😄 حسيت بي تكافؤ .. عبايتي الي نلبس فيها من يوم تزوجت مش خير من سروال حسن و تيشيرته ..
روح بيا حوش أماليه وهو يقولي هيا روحي حوشك لي امته بنقعدوا هكي ؟
و انا في صراع داخلي و مش مرتاحه بكل .. و بين عيوني كلمة مُغيره و هو يشاور بي قلمه و يقولي غيري من هندامك ..
وصلنا حوش بوي و خشيت تغذيت و قعدت مع رقيه و امي ..
و من هنا بديت ننفصل عن واقعي .. في شي في عقلي الباطن بدا ينكر فكرة زواجي و أني أم أصلاً .. نسرح بخيالي و كأني قاعده بنت تحاكي احلامها الورديه الي رسمت صورة فارس أحلام من الخيال بس موجود ع أرض واقع ..
كل ما نشوف حسن أو رقيه نلعن نفسي مليون مره .. ليش تزوجت 😰 ليش حملت 😰😰 ليش أنجبت 😰😰😰
كان الندم بيقتلني في كل مره نفتح فيها عيوني ع حقيقة حياتي 🤷🏻♀️
يتبع ♥️🌺
