مات_الكلام23
ليش في داخلي في ضيقه لاني عرفت بهذا كله ؟ يعني أنا نخون عادي و هو لانه يوصل فيها بمرتب مش مسموح له !!
زعمه كل واحد فينا قداش تقمص دور في الدنيا هادي ! 🤔
و لا عرفت روحي زوجة غارت ع حوشها و زوجها و لا عرفت روحي عشيقه تبتلع لعاب حبيبها بشغف ....
عندك وجه حتى تحاسبيه يا مزنه ! 😰
في شي في داخلي كان يقولي أنتي منتهية .. أنتي ماشية للزوال .. لكن معاش نقدر نرجع و لازم نكمل ..
نفس الصوت هذا كان يقولي يا بختها حنان لو طاحت في حسن ..
ليش حاسه بي قيمته و في الوقت نفسه ما نبيهاش ؟
—————————-
بكري نسمع فيهم يقولوا أن البحث الجنائي حقق يوم الجريمه مع بشرى ..
و بشرى شهدت بأنها سمعت صوت عياط و عفار في الشقه ..
شكون كان فيها قبلي الشقه ؟؟
كلام بشرى خلى البحث الجنائي يتجه بشكوكه لوقوع جريمه ..
بس هي ما فيش جريمه 🤷🏻♀️
اليوم عاودوا حققوا مع بشرى تاني .. ليش نكرت أقوالها و قالت لا ما فيش صوت عياط ؟
———————————
جى حسن قعمز جنبي .. قتله نبي نرجع خدمتي تاني ..
ضحك ضحكة و كأنه يقولي ديري الي تبيه أنا زي قلتي ..
طلع من الشقه .. و جى لقاني مدايره كانون و مقعمزه .. قالي جبتلك ليم 😄 .. و خبزه سخونه زي النار ..
و في داخلي نقول شن هالرضى هذا ؟
ليش سعيد هو هكي ؟
شن هالراحه الي عايش فيها المخلوق هذا ؟
جى جنبي و قعد يقشر في الليم و أعطاني ليمه .. و خدا قشره ثناها في عيني قعدت تحرق فيا ..
و هو يضحك 😄 ..
قتله يعني بصاره هادي ؟ 🤨
قالي تغاري عليا ؟
قتله ايه على قيس جمالها حنان 🥴
ضحك 😄 و قرب مني و قالي لو مهما نغفل 👌🏻 بأذن الله ما ندير الحرام عهد 👌🏻
قتله كيف 😰
قالي لو تقعدي بعيده عليا باقي العمر كله و بنتي تبدا بصغارها ما نخونك و لا ندير الحرام 👌🏻
و في من كلام 👌🏻 تحسيه رساله ليك من الله على لسان البشر ..
هو راجل و خايف من الحرام 😰 و أنا غاطسه فيه 😰
قتله ليش كنت تقعد بي الساعات تتكلم بي التليفون ؟ و ليش كانت تتصل بيك ؟ و كيف رضيت فيا انت و أياها ؟ 😢
قالي أنا و لا رضيت فيك و لا رضيت فيها 🤚🏻 هي الي كانت تكلم فيا و تبعتلي ..
و أنا راجل عامي مش مستقيم .. و لما عرفت روحي بنغلط وقفتها حدها ..
قتله أهو قاعد توصل فيها ..
قالي تبي معاش نوصلها ؟ أنتي قولي بس و أنا نقول حاضر ..
سكتت و قتله نبي نخش نرقد أنا ..
قالي لا خلي نحطوا زيت و زيتون و الله الخبزه سخونه تجي في الخاطر ..
قتله لا ما خاطريش ..
بس أهم شي أني ح نرجع خدمتي ..
قالي أن شاءالله خير ..
ما كانش راضي بس كان بيقول لا عارف روحه ح توصل للطلاق ..
تاني يوم مشيت حوش بوي و هدرزت على امي اني بنرجع للخدمة ..
قتلي مزنه 👌🏻 .. لا بتنفعك خدمة لا شي .. مدامك من غير شهادة مش ح تدوملك الخدمة ..
ما ينفعك كان راجلك و حوشك ..
أنا ترملت و أنا صغيره و أنتو صغار و خوك مقعد .. كبرتكم بالدم .. لا لقيت خو لا اخت ..
تربيتكم مش ساهلة .. ما تقدريش تكوني أم و أب و مصدر رزق و تربي و توكلي و تضمي و تداوي ..
علاش ما عمري جيت حوشك و لقيتك لابسه و امكيجة ؟ ..
علاش شعر رجليك هكي ؟
خيرك حتى الصبغه ما تعرفيها ؟
ظوافرك من نهار تزوجتي ما مسوا الحنه ؟
و لا عمري لقيتك فاتحه شعرك و ريحتك عطر ؟ ديري عقلك في راسك سلم بنتي ..
الخدمة مش ساهلة و ردي بالك ..
عرفت يومها أن الي صاير كله سوء فهم .. ممكن أمي قست عليا تبيني نحافظ على حوشي و راجلي و ممكن حسن ما عرفش يتصرف و ممكن و ممكن ...
و كان النفوس نفرت .. زايد الكلام 🤷🏻♀️
جى حسن بيروح بيا .. و أنا نخمم في كلام أمي .. الدنيا مطر الله يبارك ..
لقيته صقعان .. قتله خيرك ؟
قالي خشتلي الميه في السياره 🥶..
خشينا في غدير اميه .. و هو يقول أن شاءالله ما تنطفى السياره بس ..
الدنيا ليل و ضلام و أنا خايفه ..
امشي هيا امشي .. يارب ما تنطفى يارب .. بديت نحس بي الميه في رجليا تحت .. قتله حسن الميه خشت 😰
قالي حسيت بيها تحت رجليا ..
السياره بتوقف 😰 .. حسن يعفس بنزينه ما يبيهاش توقف ..
الدنيا مطر لين الرؤيه معدومه ..
يارب ما توقف السياره يارب 😰
قتله خليتني نبات في حوش امي علاش جاي مروح بيا ! 😰😰
ما باش يرد عليا ..
وقفت السياره ..
اووووف 🤦🏻♀️
حاول يولعها .. ما تبيش تولع .. حاول و حاول و حاول ..
نزل من السياره و بدا يدف فيها بروحه .. يطبس للسياره و يقولي غطي رقيه غطي رقيه ..
نغطيها و نضغط عليها في حضني .. 😢
حسن كله اميه تنقع .. و قاعد يدف في السياره .. وقفت عليه سياره عاليه قالوله نكروها ؟ قاللهم ايه ايه ..
ربطوا السياره و بدوا يكروا فينا لين طلعنا من غدير الميه ..
رجليا في الميه جمدوا خلاص .. يقولي قيمي رجليك صقع عليك ..
أنا معاش قادره نتحمله و لا نتحمل حياته بكل .. معاش قادره نتحمل صوته و لا وجوده أصلا ..
نزل صاحب السياره ينحي في الحبل و سأل حسن تبي نوصلوكم ؟
قاله حسن ياريت و الله ..
قالي انزلي و غطي وجهك بي الوشاح ..
تضايقت منه 😠 هذا في شنو فالح 😒 الدنيا ليل منو بيتلف لي ! ..
نزلت من السياره و ركبنا معاهم و روحوا بينا الشقه ..
طول خش يولع في الكانون و يقولي تغطوا بالك تمرضي ..
غطيت رقيه و كملت نومها و أنا نضت نغير في حوايجى .. و لقيت مغيره باعتلي رسايل .. ( ياريتك جنبي حبيبي ندفيك ) ( صقعانه روحي )
فرحت و حسيت بي الدفء لمجرد أني قريتهم 😍 ... رديت عليه ( نتمنى نكون جنبك )
توا هادي رساله نبعتها ! 🤦🏻♀️ شن نتمنى نكون جنبك 🙁 حتى لسان زي البنات ما عندي 🙁
طلعت من الدار لقيت حسن ينوض في رقيه من النوم و يشرب فيها في ليمونادا سخونه ..
قتله شن اتدير ؟
قالي غليت ليم على خاطركم لازم تشربوه باش ما تمرضوش .. اهي طاستك خوديها حبيبتي ..
أنا 👈🏻😳 حبيبتي 🙄 يعني ما قالهاش الا توا لما قريت رسايل مغيره ! 🤦🏻♀️
قعمزت و ما خديتش الطاسه و بمجرد ما كملت رقيه طاستها و رجعت رقدت .. جى جنبي و قالي تبي نشربك حتى انتي زي بنتي ؟ 😉
كانوا أيديه يرجفوا و حوايجه مبلولات مزال ما غيرهمش ..
قتله خايف علينا نمرضوا و لا خايف من تكاليف المصحه ؟
تغيرت ملامح وجهه فجأه 🥺💔 .. قالي تعرفي شن قال موسى لما ظلموه قومه ؟
قعدت ساكته نشبحله 🙁 قالي قال { قَالَ رَبِّ إِنِّي لَا أَمْلِكُ إِلَّا نَفْسِي وَأَخِي ۖ فَافْرُقْ بَيْنَنَا وَبَيْنَ الْقَوْمِ الْفَاسِقِينَ }
و أنا و الله لا أملك الا نفسي و بنتي و عليم الله خايفك تاخدي ذنبي بسوء الظن .. و ناض و خلاني ..
شن الي قاله هذا 😰 يتفلسف عليا و عايش دور المسكين ..
نضت رقدت جنب رقيه و نسمع فيه الليل بطوله يأن .. أن شاءالله ما يطلع عليك صبح يارب ..
هذا يبي يأنب لي ضميري و مش ح نعدل عليه بكل ..
و لا كنت 👌🏻 نعرف شن نحكي و لا كنت 👌🏻 نعرف شن ندعي .. ممكن لأن كبرنا ما عندناش مبدأ 🤷🏻♀️ ممكن لأن مقاييسنا للناس تعتمد على مشاعرنا أتجاههم 🤷🏻♀️ .. ممكن لأن كبرنا ما نحسبوش القدام 🤷🏻♀️ ...
نضت الصبح لقيته قاعد راقد .. خشيت دوشت و حطيت ميك اب و خشيت الدار قتله أنا ماشيه الشركة رد بالك من رقيه .. هز بي راسه من غير ما يتكلم ..
طلعت و خديت تاكسي مشيت الشركة و طول كلمني قالي اركبي لمكتبي طول ..
و أنا خاشه أنصدمت بي أنسام قاعده 😳 ركبت من غير ما نتكلم بكل ..
و أول ما خشيت المكتب فتحلي أيديه و خشيت في حضنه طول ..
سكر المكتب و رجع خداني في حضنه .. قالي أستاحشتك هلبا 🥺♥️ قتله أنا أكثر 🥺♥️
بس ليش أنسام هنا ؟
قالي الأزهر رجعها .. هي توا تخدم مع الأزهر مش معاي أنا ..
قتله أها .. به تمام ..
قالي صقع عليك لابسه هكي ..
حسيت بخجل لأن ما عنديش لبس شتاء كويس ..
خداني من أيدي و قعمزنا في الصالون و قربني لي حضنه ..
حاسه بأحساس حلو أول مره نعيشه .. بس مش مرتاحه .. به ليش مش مرتاحه ؟ 😰
ليش حاسه بشي غلط برغم الحب الي في قلبي لي مغيره ؟
تو تتعودي يا مزنه ..
ليش نغمض في عيوني ع شي و نركز ع شي تاني !
مد أيده فتح خيط العبايه .. تحشمت و نظرات عيونه عاشروني قبل ما تمسني ايديه ..
نحيت العبايه و الوشاح و رجعت حضنه و هو يقولي يهبل شعرك محلاه و أيديه تلامس كل جزء في جسمي ..
قرب يبوس فيا .. و غمضت عيوني و حبيت كل شي .. 🥺♥️
قالي ح تقعدي ديما معاي هنا ؟
شديت في رقبته و قربت بوسته و قتله ديما ح نقعد معاك .. و رجع يبوس فيا تاني .. و حطيت راسي في حضنه ..
_ مغيره ..
_ يا روح مغيره ..
_ ليش كتبت في الورقه أسم رقيه ؟
_ خفت نكتب حاجة تانيه حسن يشوفها .. كتبت أسم رقيه كامل باش نفكرك بيوم المصحه ..
قتله يعني تبي فلوسك ؟ 😆 قالي لا مش هكي قصدي 😅
رجعت حضنه و انا نقوله شن بنخدم هنا معاك ؟
قالي تشربيني قهوة من فمك 😉 تحضنيني 🤗 قعمزي جنبي بس ..
حسيت بيه و برغبته فيا ..
نضت لبست عبايتي و وشاحي و انا نشوف فيه في المرايه يفتح في شنطتي ..
قتله نبي نروح .. قالي الدوام الرسمي يبدا من بكره 😉
قتله حاضر 😉
نزلت و أنسام متضايقه و مصدومه من رجعتي ..
مروحه فرحانه و نتمنى نتطلق من حسن ..
الابتسامه ما فارقتش فمي .. محلاه و ما احلى كل شي فيه 🥺♥️
نِفسِي أقولُّـه يَـا حُضن دَفَّـيَ وشَال حـُمُولِي
لمَّـا هِـرِبت فِيه 🎶
نِفسِي أقولُّـه يَـا حِلم كُـنت هَموت وأطُـولُـه 🎶
نِفسِي أقولُّـه يَـا آه إِســم بـــَـرتاح أمَّا أقُـــولُـه🎶
نِفسِي أقولُّـه يَـا حُـبّ أنَا سنِيـنِي اِتعَـاشُولُـه🎶
واِتعَــاشِـت عَـليه🎶
💃🏻🎶
حَالِي كَان وَأنا مُش مـَعَاه
زَيّ طِـفل في سِكَّـة تَـاه
وِاِتحَـرَم مِن حُضن أُمُّـه واِتـنَـسيَ وَيَّا الحَيَاة
حَالِي كَان وَأنا مُش مـَعَاه
زَيّ حَـدّ الخُوف مَـلَاه
حَـدّ كَان غَرقَـان فِي هَـمُّه ومُش لاقِـيلُـه طُوق نَجَاة
نِفسِـي أقولُّـه كُـنت إِيـه
قَـبل مَايقَـرَّبـني لِـيه
🥺♥️🎶
أليسا يا سبب إلهامي ♥️ هي غنت الأغنيه هادي ع خاطري 🤭
ياسر مزنه معاش تضحكي انتي في التاكسي 🤭🤭 فتحت الشنطه لقيت فلوس 😳
مغيره حطهم 🥺♥️
بنطلع نشري كل شي اليوم 😍 اولهم دفايه دفايه دفايه 👌🏻😍
راكبه للشقه جسمي يتمايل 💃🏻 و نغني 🎶
خشيت الشقه لقيت حسن راقد و رقيه جنبه تبكي ..
حضنتها و قتلها شن في 😰 تلفتت لي حسن لقيته حراره بينحرق و مريض ..
كلمت امي قتلها حسن مريض و من بيرفعني للمستشفى ؟
قتلي تو نكلم واحد من رجالة اخواتك ..
جى راجل موده و رفعناه للمستشفى قعدنا بيه لي الليل و كل ما مغيره يتصل نرد بالدرقه ..
روحنا في الليل متأخر و امي معانا .. علاش بايته هنا يا امي الله يهديك تو بنضطر نخش جنبه في الدار 🤦🏻♀️
و بالرغم 👌🏻 كل الحيره الي في داخلك اتجاهنا انا و حسن و مغيره 👌🏻 نبي نقولك ان اخطاءنا وقتيه مش مزروعه فينا لا ..
No name ♥️🌺
