مات_الكلام26
كملنا العشاء و كنت نبي نهدرز .. نبي نحكي ظروفي .. نبي نفضفض ...
نبي نحاكي خوفي الي في داخلي 😰
ممكن لأني حاسه بي غلطي و نبي من يقولي ما بعدك و كيف متحمله و وين حقوقك ؟و انتي صغيره .. و عيشي حياتك .. و و و
باش نحس ان الي درته صح 🤷🏻♀️
ما أعطانيش فرصه و قالي هيا نروحوا نسهروا في حجرتي ..
قتله بس أنا 🥺🥺🥺🥺
قالي ح نحكوا و نغيروا جو بس ..
نضت مشيت معاه ..
قعمزت و قعمز جنبي و فتح فيلم ..
مره نشرب عصير و مره ناكل شيبس و مره مكسرات ..
كل الأجواء مخدره .. تخليك تفكري في التقرب منه 🥺♥️ ..
كم فيكم وحدة سألت نفسها هو أنا ندير هكي نبي نرضيه أو نرضي نفسي ؟ 🥺💔
للحضه أستغربت كيف تقلصت المسافات ع الكنبه هكي و بدينا قراب من بعض ..
ما فيش طريقه ننسى بيها أوجاعي و نتقمص دور الجديد الا هادي ..
سلمت و أستسلمت ..
ساعه 🕐 ......
ساعتين 🕑 .....
ثلاثه ساعات 🕒 ...
أربعه ساعات 🕓 ....
لقيت روحي زوجة لي مغيره .. زوجة أرضت كل مشاعر زوجها ..
زوجه عشقت شبق زوجها .. أعطاته كل شي ..
و مزال مش فايقه ..
طلع مغيره من الحمام و جى جنبي .. أنا مش قادره نتحرك .. حتى فمي مش قادره نحركه و ننطق ..
عيوني الي مليانات دموع بس يتحركوا ..
كانوا عيونه خليط من مشاعر مش مفهومة .. و كأنه يقولي أنا آسف 🥺 ... لا لا لا 🤚🏻 و كأنه يقولي أنتي كيف متزوجة و واضح ليك هلباااااا ما درتيش هكي 🥺 !! ..
لا لا لا 🤚🏻 هو يقولي أنك حلوه هلبا و زدتي حلويتي بعد الي صار بيننا ..
و لسان حال مغيره يقول ..
( كل فنون القتال ح نمارسها على أرضك 👌🏻 و أمام حصون قلعتك 🏰 لين نحتلك )
و لسان حال حسن يقول ..
( ليش نتفنن في القتال 👌🏻 و الأرض أرضي و الحصون حصوني أصلا 🤷🏻♂️ )
كانت ليله عشت فيها احلى و أقوى مشاعر في حياتي ..
نافذة عشق نفتحت عليا ..
بس قاعده التنغيصه في قلبي ..
خداني النوم ساعه ممكن و مغيره ما رقدش و هو في جنبي ..
نضت خشيت الدوش و لحضات و حسيت بيه معاي في الدوش .. و هو يهمس في وذني و يقولي مش قادر نخليك تبعدي عليا لحضه ..
طلعنا من الدوش و 🤷🏻♀️👈🏻♥️
لبست و مشيت حجرتي ..
بكيت .. بكيت .. بكيت ..
الحرام حلو بس ينغص .. يعني مش حلو 🤦🏻♀️
و الحلال مش حلو بس مريح .. يعني حلو 🤷🏻♀️
نبي نروح .. نبي رقيه .. نبي أمي .. نبي بلادي .. 🥺
و كل ما بقايا ضميرك تقولك شن قاعده تديري هنا ؟؟
كل ما قرينك يقولك عيشي حياتك .. استمتعي .. شكله مغيره يحبك و ح يتزوجك .. شفتي كيف دارلك اللقطه هديكا !
هادي ما يديرهاش الا الي يحبك و يبيك 🥺♥️
ما كنتش نعرف تفسير الآيه 👌🏻 {{ أَفَمَنْ زُيِّنَ لَهُ سُوءُ عَمَلِهِ فَرَآهُ حَسَنًا }} 🤷🏻♀️
——————————
و زينت كل أفعالي 🎀 .. و درتلها مبررات 🎊.. و زدت مسكنة نفسي .. و ضاعفت ضعفي .. و قلة حيلتي ...
كلمت بشرى و كلمت رقيه ..
قتلي آمته بتجي يا ماما 😁 ..
قتلها نكمل العمل متعي و نجي يا روح ماما 🥺..
قتلي به وين بابا 😢
تنهدت 😔 و قتلها حتى بابا عنده شغل و تو يروح ...
سكرت الخط و أنا نتسائل 🤔 هي رحلة أوجاعنا هادي آمته تنتهي !
و كيف تنتهي !
كل واحد فينا عنده شيزوفرينيا ؟؟
و لا هي نفسي ! .. و لا هي ديني ! .. و لا هي تربيه و بيئه و بقايا جروح الطفوله !
أنا كنت نبي شي بسيط .. من أمي و من أختي و من زوجي ..
و لما ما لقيتاش تخبطت .. تمردت .. أنتقمت .. عاقبت .. تنمرت .. تنمرت .. تنمرت ..
هلبا مصطلحات تمثلني ..
اليوم عيد ميلاد مغيره .. بس حالتي ما تسمحليش نشوفه أو نقابله ..
و فعل الحرام ينكث نكثه سوداء في داخلك من غير ما تحسي تنعكس ع أكلك ع راحتك ع نومك ع هناك ع ضحكتك ع أحساسك أتجاه نفسك ..
مغيره يتصل بيا .. مش قادره نرد ..
صوت رقيه بيقطعني 😢💔
جاني للحجره .. فتحت له الباب و خش .. و من قبل ما يسألني خيرك زعلانه !
و من قبل ما نحكي خطابي مع ضميري اللعين ..
و من قبل ما نقول راهو أنا مش رخيصه ..
و من قبل ما نقول أنا معاش نبي ندير هكي ..
....
أعطاني كادوا .. طقم ذهب .. راقي جداً ..
فتحته و أنا مش مصدقه أنه ليا ..
حضني و قالي تستاهلي أكثر من هكي يا روحي ♥️🌺
ما قدرتش نحكي و لا حرف 🤐
و كل الي كنت نبي نقوله و نعبره طغى عليه طقم الذهب ..
🤷🏻♀️💔
قالي نستنى فيك تحت نتغذوا مع بعض ..
جهزت نفسي و نزلت فطرت و طلعنا للمحلات .. كل شي جى في خاطري شريته ..
روحت تعبانه و رقدت طول ..
المغرب كنت مقعمزه ع الصالون و أنا نفكر في هديتي البسيطه ممكن يقبلها مغيره و ممكن ما تعجباش 🥺♥️ ..
اتصلت بيه و قالي عندي أجتماع ضروري و نكمله متأخر ..
قتله و عيد ميلادك ؟
قالي خليك فايقه و اول ما نروح نكلمك تعالي حجرتي نحتفلوا بيه ..
وقتها حسيت ان في شي غلط .. أو ما صدقتاش ..
قعدت في حجرتي و كل شويه نكلم رقيه و بشرى .. نسأل في بشرى جتني أمي للشقه ؟
تقولي لا ما جاش حد ..
نضت بنشرب اميه .. ما لقيتش في الحجره .. بنتصل بي room service ما عرفتش الارقام ..
لبست و نزلت قتله نبي اميه فوق .. سألني ع رقم حجرتي .. و أعطيتهوله ..
بنت ليبيه في جنبي جميله جداً مش لابسه حجاب .. ميك اب .. لبسها يوضح انها عايشه برا من يومها ..
ركبت الاسنسير و ركبت انا بعدها ..
تليفون مغيره ينادي ما يردش من اللحضه هادي للساعه 4 في الليل ..
نزلت للأستعلامات نبي نستفسر إذا روح لي حجرته و خداه النوم أو ما روحش أصلاً ..
نتفاجأ بي أن مغيره في حجرته ما طلعش منها بكل 😰😰
ركبت و أنا مصدومه 😰 كيف هكي !
أهدي يا مزنه أهدي .. أكيد معاه حد .. لو بي اطقي الباب مش ح يفتحلك ..
خشيت حجرتي .. و عاودت اتصلت بيه .. رد عليا و قالي أنا في المطار مع واحد صاحبي و التليفون كان عنده مش عندي ..
قتله آمته مروح ؟
قالي شوي تاني ..
سكرت الخط و انا نغلي .. في حد معاه في الدار .. انا متأكده ..
ااااااااه 🤦🏻♀️
نبرم في الدار زي المجنونه .. بنهبل ..
قلت يا مزنه لو بتقعدي هنا ح يطلع من غير ما تحسي بيه ..
انزلي تحت افضل ..
نزلت للأستقبال .. و قعدت مقعمزه .. الدنيا فاضيه .. نار تغلي في داخلي ..
ما نبيش نشوفه نازل لا لا لا 😰 ..
لحضات و نشوف في الأسنسير نازل .. كل مره ينقص رقم .. عيوني في الأرقام .. نفتح باب الأسنسير ..
مغيره 😳 معاه نفس البنت الليبيه 😳 طلعت البنت و تسكر باب الأسنسير و ركب مغيره من غير ما يشوفني ..
بلعت ريقي 😰 حطيت أيدي على قلبي 💔 صدمتي كانت بي الدنيا كلها 😰😰
ركبت لي حجرة مغيره .. نخبط بقوة زي المجنونه .. فتحلي و ع أساس كيف خش حجرته و كان برا ..
شديت في رقبته و بديت نضرب فيه ..
ما أعتقدش وقتها كنت أنا 🥺💔
كنت نضرب فيا أنا ع خاطر حسن و نعيط بي علو صوتي و نقوله أنا حبستااااااااااااااااااه ..
تي أنا حبسته ع خااااااااطرك ..
خبطت على وجهي .. كسرت كل شي قدامي .. أيديا معاش نحس بيهم من الضرب بدوا ينملوا ..
مغيره يهدي فيا و هو شاك أني شفته و مش فاهم شي ..
دفيته و طلعت مشيت لي حجرتي .. خشيت للحمام ..
للدرجة هادي هازي عليا مغيره !
للدرجة هادي واثق أني مش ح نعرف و لا نشوف شي !!
و دين المظلوم يخلصه ظالم 👌🏻
لكن بسرعة ما خلصت دينك يا حسن 👌🏻😰💔 ... نبي نروح ..
نبي نروح أنا ..
و ياريتنا غير نفيقوا من أول كف 👊🏻 لا لا ..
جهزت شناطي و كلمت مكتب الحجز يقدملي موعد رحلتي .. ردوا عليا أن طيارتي المغرب ..
كل شوي مغيره يتصل و يجي يطق ع الباب ..
و بمجرد ما حسيت أنه خش غرفته .. خليت هديته ع الفراش و طلعت من الحجره و نزلت مشيت المطار ..
من لما طلعت و أنا نبكي .. لين وصلت المطار و أنا نبكي .. و ركبت الطياره و أنا نبكي ..
وصلت ليبيا و طلعت خديت تاكسي و روحت حوش بشرى طول ..
فتحتلي الباب مخلوعه 😳 قتلي شن جابك توا ؟
قتلها طيارتي وصلت من شوي .. وين رقيه ؟
قتلي راقده مع البنات .. حطيت الشناطي و خشيت نجري نبي نشوفها ..
لقيتها راقده زي الملاك .. طيبة قلوبهم و براءة طفولتهم تنبع من مسام جلدهم 🥺♥️
حطيت راسي على صدرها و بدل ما نحضنها حضنتني ..
حطيت أيدها ع خدي 🥺♥️ و قعدت نبكي .. أنا آسفه يا ماما .. أنا ما ننفعش نكون أم .. احضنيني رقيه أنا محتاجتلك 🥺💔
قعدت جنبها لين طلع الصبح ..
ناضت لقتني جنبها .. قتلي ماما 😧 وجهها بدا أحمر .. عيونها فيهم دموع 🥺.. تسكر في فمها على بعضه باش ما تبكيش .. و تنزل في راسها ..
خديتها في حضني و قعدت نبكي ..
و هي تقولي عادي راه أنا ما درتش شطانه و لا قعدت نبكي و حق ربي ما بكيت به ..
خديتها في حضني تاني .. تحسست الفراش لقيته مبلول .. دخلتها للحمام .. و غيرتلها ملابسها و هي ترقص فرحانه ..
طلعنا من الدار لقيت بشرى مدايره قهوة .. درت فطور رقيه و جيت قعمزت جنب بشرى ..
قتلها ما سأل عليا حد ؟
قتلي أمالي راجلك جو هنا و قتلهم مشت تعاين في بنتها ..
و رجعوا في الليل طقوا ع باب الشقه و روحوا ..
قتلها تمام ..
قتلي انا بنمشي للمزين نروح و احكيلي كل شي ..
قتلها تمام ..
خديت تليفوني منها و نزلت شقتي .. فاااااضيه ما فيش حتى وين نقعمزوا ..
مش عارفه ليش كل ما نشوف لي رقيه نحس إنها مكسوره .. نحس أن في شي في داخلها مكسور ..
اتصلت بي سميره و قتلها شن صاير في حسن ؟
قتلي على حطت أيدك ياكل و يشرب و يرقد ..
قتلها سميره نحكي بجد أنا ..
قتلي و حتى أنا نحكي بجد ..
قتلها تقدري تكلميهم يطلقوا سراحه ؟ ..
قتلي يا عيني 😉
قتلها خلاص نستنى تليفونك 🥺 ..
قتلي إتصلي إنتي بي رقم الافندي جمال وقوليله انا مزنه مرت حسن ..
قتلها بس انا ما نبيش نتواصل معاه 🤷🏻♀️
قتلي شن تبي امالا ؟ تبي الحج و تبي السلامه !!
سكرت الخط و استنيتها لين بعتتلي رقم جمال و اتصلت بيه ..
قتله انا مزنه مرت حسن ..
قالي اهلاً بالقمر ..
أستغربت 😳 و كملت كلامي ..
قتله بالله وخيي يطلع اليوم حسن ؟
قالي وين انتي ؟ تعالي قبل بعدين نتفاهموا ..
قتله وين بنجيك ؟ 😳
قالي تبي نجيك انا ؟
قتله لا تجيني و لا نجيك و سكرت عليه الخط ..
ايييح هالطبيخه هادي شن يطلعنا منها 🤦🏻♀️
اتصلت بي سميره و قتلها جمال هذا شكله واحد تافه و حقير ..
ضحكت عليا 😆 و قتلي به به تو نتصرف انا .. سكرت الخط و انا نخمم 😰..
به لو طلع حسن يا مزنه و شاف العلامات الي في رقبتك ؟
خلي يطلع و بعدين ساهل ..
مقعمزه ع الزليز و رقيه قالقه و تسأل هلبا ..
اتصلت بي أمي .. ردت عليا ..
قتلها أمي راجلي محبوس و ليا أيام ما يندري عليا حد .. ما جاش في بالكم تسألوا عليا ؟؟
قتلي غريبه و الله 😒
قتلها شنو الي غريب ؟
قتلي كيف عرفتي أنه محبوس ؟ و بكري خوك عماد اتصل بي راجل مفيده و مزال ما يعرفوش مكانه وين ...
أنصدمت 😰😰 و معاش عرفت نحكي و شن نرد ..
قتلها ايه ماهو خو بشرى جارتي سأل عليه و قالوله محبوس و توسطله يطلع اليوم ..
قتلي ما شاءالله و عرفتي حتى امته بيطلع ؟ ..
قعدت ساكته 😰 خفت نزيد نورط نفسي ..
قتلي و لما طلعتي من حوش اهل راجلك ليش ما جيتي هنا ؟ ماشيه شقتك و هي فاضيه ؟
سكتت 😰😰 ما عرفتش شن نرد ..
قتلي أنا طايحه ليا أيام و أيدي مكسره مجبسينها و طلعت و خديت تاكسي و جيتك غادي نسأل عليك ...
قتلها لا بأس عليك 😰😰
قتلي نغير لي خوك رزن عليا طحت و جبسولي أيدي ..
🤷🏻♀️🤷🏻♀️
سكرت الخط .. و أنا نفكر .. شن الي طلعت بيه من تصرفاتي كلها ؟
خسرت أكثر ما كسبت ..
حسيت بروحي صغيره قدام أمي .. و قدام حسن .. و قدام رقيه ...
كلمتني سميره و قتلي في سهريه تمشي معاي ؟ لكن بنباتوا برا راه ..
قتلها سهرية شنو ؟ 😳
قتلي واحد نعرفه يدير في سهريات و كان يشوفك يحط الي قدامه و الي وراه 😆😆
قتلها ما فهمتش 🤷🏻♀️😦
قتلي راجلك شويه و يطلع و كان دارلك حاجة هكي و لا هكي كلميني طول ..
و بخصوص السهريه تو نتلاقوا بعدين في حوش بشرى ..
سكرت الخط و أنا نقول هادي بتقدمني كبش فداء 😰😰 و بتاخد حقي ..
مش سادها الفساد الي هي عايشه فيه 😰
و كيف لا 🤷🏻♀️ و ربي ☝🏻حبيبي قال ... {{ وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ }}
مات الكلام 🤷🏻♀️
No name ♥️🌺
