مات_الكلام 33
أنصدم 😳😳 ملامح وجهه تدل على أنه مش مستوعب شي ..
حرك أيده 🖐🏻 في علامة أستفهام واضحه .. قالي شنو !! 🥺
قتله ألي سمعته ..
قرب مني و شد أيدي .. نحيتله أيده طول ..
كانت أنفاسه متسارعه .. في حالة ذهول شديدة ... بلع ريقه .. تفاحة آدم تركب و تنزل ..
قالي كيف هكي 🤷🏻♂️ !!
قتله و حسن طلقني ..
و شوف حالتي .. شوف وجهي .. شوف أخواته شن داروا فيا ..
أمي لزتني من حوشها ..
أخواتي ما يكلموش فيا ..
بنتي خدوها مني ..
تعرف ليش ؟
لاني سافرت معاك .. لانهم شافوا ختم المطار في جوازي ..
كان واقف مصدوم .. يائس .. مش مستوعب ..
قربت منه و قتله ها !!
ها يا نسري !!
روضتك و لا مزال ؟
بلع ريقه و غمض عيونه و قعمز ع الكرسي .. حط أيده على فمه .. مش قادر ينطق بي حرف ...
تلفتت نتمشى في المكتب ..
قتله أكيد مش أول مره يصير معاك الموقف 😉 ... المكتب هذا شاهد على ياما مصايب ..
اممممممم ما علينا مش موضوعي ...
رجعت بخطواتي إتجاهه .. وقفت قدامه .. قتله شفت شن خسرت ؟
أنا خسرت كل شي 🤷🏻♀️🙂 حتى بنتي خداها مني بوها .. هههههههههه تصور بنتي بتربيها حميده و مفيده 😂😂👏🏻👏🏻 الناس الي دمروني و رموني في حضنك هما الي بتكبر عندهم بنتي .. و قعدت نضحك 😂 ..
و أنت شن خسرت مغيره ؟؟
حق تذكره ؟.. أقامة فندق ؟.. و سوائل جسمك الي تعلقت بي رحمي ؟ ..
مش عدل صح ؟
كان مقعمز يشبحلي .. ملامحه كلها شفقه عليا .. و ما انطقش بي كلمة ..
قتله بنروح أنا .. باي 👋🏻
و طلعت من المكتب .. لا كلمني .. لا تحرك وراي .. نمشي في الشارع ضايعه ..
في داخلي كومة طعنات .. نحس في روحي خلاص خسرت كل شي ..
الحدود الي عند كل بنت تخاف عليها و تعيش تحافظ عليها أنا خلاص ضيعتها ...
طلعت ع الرئيسي .. عيني مش قادره نغمضها .. اماكن في جسمي توجع من الضرب .. مره نبكي و مره نسكت ..
اييييح ما عنديش حتى حق تاكسي 🤦🏻♀️..
تليفوني يرن .. قمته لقيته جمال .. شن هاللصقه هذا 🤦🏻♀️
و كانه مقوم و عليه القيمه راهو ما نبتش فيا .. حطيت التليفون في جيبي نتمشى و نخمم كيف بنروح ..
درست جنبي سياره .. تلفتت لقيته مغيره .. قالي اركبي نوصلك ليل عليك ..
تلفتت و كملت طريقي من غير ما نرد عليه ..
وقف بسيارته و نزل يتمشى جنبي ..
قتله شن تبي مغيره ؟
قام أيديه 🤷🏻♂️ قالي ما نبي شي لكن ما نخليكش بروحك في وقت زي هذا ..
هيا نروح بيك ..
ركبت لأني ما عنديش حق تاكسي ..
طول الطريق ساكت .. كان قمة في الهدوء .. ملامح وجهه ما تدلش على أنه زعلان أو متضايق ..
وصلنا للعماره .. فتحت الباب بننزل .. شد إيدي .. قالي مش ناقصك شي ؟
نزلت من غير ما نرد عليه ..
ركبت للشقه ..
خشيت للدوش و طلعت قعمزت في الصاله ..
باب الشقه يطق .. زعمه مغيره !!
نضت بنفتح الباب .. قلت شكون ؟
قتلي أنا بشرى أفتحي ..
فتحت الباب و خشت و على طول قتلي وين كنتي ؟ .... شكون روح بيك ؟
قتلها نعم !!!
قتلي حسن كان هنا و مدرس بالسياره من بكري .. و لما انتي ركبتي العماره هو مشى ..
قتلها كيف ! 😳
متأكده إنه شافني ؟؟
قتلي تي ايه شفتكم أنا من البلكونه من فوق ..
اييييه و شن تاني !! 🤦🏻♀️
قتلي خيره وجهك هكي ضاربك ؟
قتلها لا طحت من الدروج ..
قتلي عموما سميره عندي فوق و تبيك و تبي تهذرز عليك ..
قتلها تشوفي في حالي كيف ..
كانها قاعده عندك تو الصبح نجي نشوفها ..
روحت بشرى ..
و في داخلي أحساس إن حسن في حد قاله تعالى مرتك طلعت ..
أستعوذت من الشيطان و وقفت نصلي ..
قعمزت .. الصاله فيها ربع بساط .. مش مفرشه كلها .. و فيها ثلاثه منادير بس ..
جعانه بندوخ و قلبي يسل فيا من قلة الماكله 😔💔
حطيت راسي ع الحيط و معاش قادرة نتحمل ألم الجوع ..
نضت درت طاسه اميه و سكر .. شربتهم و طلعت قعمزت في الصاله ..
المطبخ فاضي .. ما عنديش و لا قرش ..
نخمم شن ندير في مغيره تاني !! ..
بالرغم الحنين الي في قلبي ليه ..
وصلتني رساله من مغيره .. ( نحبك )
حطيت التليفون جنبي و رقدت ..
نضت الصبح .. لقيت مغيره متصل ..
غسلت وجهي و ركبت لي بشرى لقيتها تشرب في قهوة هي و سميره .. و معاهم بنت في عمري قمحيه .. إيديها كلهم مجروحين .. شكلها يخوف .... قتلي بشرى هادي نعمة بنت خوي ..
قلت في داخلي هادي نقمة مش نعمة بكل 🤪
قعمزت شربت معاهم قهوة و قتلي سميره تخدمي معاي ؟
قتلها شن بنخدم ؟
قتلي تشدي المزين متعي لاني بنسافر مصر ..
قتلها حتى انتي عندك مزين ؟ 😳
ضحكت و قتلي ايه أمالا شنو 😀
قتلها لا ما عنديش وقت لاني نخدم في الشركة الصبح ..
قتلي خدمة عينك يوم تمشي و عشره لا 😆
قتلها المهم عندي خدمة ..
قتلي تروحي من الخدمة تعالي للمزين و في الليل نروح بيك انا 😉..
بعدها قتلي العفو خديتي حتى ساعه و لا شيشة عطر للراجل متع البحث الجنائي 😏
قتلها جمال ؟
قتلي أهو ما شاءالله متفكره حتى أسمه ..
قتلها و شن جابني ليه باش ناخدله عطر و لا ساعه !!!
قتلي الراجل خدمك و تستحقيه 😒
قتلها أها ايه صح ..
جاها تليفون ردت .. طلع ولدها الي يكلم فيها ..
كملت مكالمتها و بشرى ناضت للحمام ..
سميره تنادي يا إيمان يا إيمان افتحي الباب بلقاسم جاي ..
قتلها منو إيمان ؟
ضحكت و ضربتني ع كتفي تبصر و قتلي بشرى بشرى 😄😄
قتلها ليش هي أسمها إيمان ؟
ما بتش ترد عليا ..
قتلها منو بلقاسم الي جاي ؟
قتلي هذا ولدي من راجلي الاول ..
قتلها كم متزوجة راجل ؟
قتلي ثلاثه الله لا تربحهم .. و تو قاعده مع الرابع ..
قلت في خاطري عندهم حق طلقوك ..
فتحت بشرى الباب .. و طفاية السيجار ع الطاوله و خش بلقاسم قال السلام عليكم و طلع وقف برا ... بشرى واقفه قدامه بي قفطان النوم ..
بلقاسم هذا أكبر حتى من حسن 😳 ..
نوضي يا مزنه أنزلي شقتك مرات مش ولدها هدا .. قتلها نخليكم انا عندي ما ندير .. قتلي لا لا خليك نبيك .. قتلها تعالي انتي ..
نزلت شقتي .. و في الدروج شفت أمرأه متحجبه سلمت عليا .. قتلي أنا جارتك أسمي ناديه .. شدتني بي الهدرزه و الأسئله و قتلي تو نجي نهدرز عندك العشيه ..
قتلها تفضلي و خشيت شقتي ..
كيف بشرى أسمها إيمان !! 😰 شن قصتهم هادوا ؟؟
و كيف سميره تدخن عادي حتى قدام ولدها !!
شن الناس هادوا ! 🤦🏻♀️
قمت تليفوني لقيت مسره و مغيره متصلين بيا ... مغيره باعتلي رساله ( تعالي للخدمه )
حطيت التليفون ..
زعمه نتصل بي حسن نقوله يجيبلي رقيه ؟
مرات شافني مبارح صح زي ما قالت بشرى 🥺💔 ...
اليوم ما نتصلش لين نشوف شن بيصير ..
كلمني عماد و سأل عليا و شن ناقصني و حاول يقنعني نجي نقعد في حوش بوي و سكر الخط ...
نحس في روحي في الأنفرادي .. بروحي في شقه فاضيه ..
معدتي توجع من القهوة و قلة الماكله 😔💔
أنا نبي ناكل .. 🥺💔
مغيره يتصل و يعاود .. قتله نعم !
قالي نبي نتطمن بس ..
قتله اموري تمام و سكرت الخط ..
العصر جتني ناديه جارتي ..
توا هادي شن بنحطلها ؟ 🤦🏻♀️
في سحلب متع رقيه .. خلي ندير زوز طواسي سحلب و خلاص ..
قعمزت نهدرز معاها و سمعت منها أمور قعدت مستغربه ..
قتلي تمشي لي بشرى ؟
قتلها ايه ..
قتلي كنت نمشيلها لكن بعدين حسيتها ما تبيش تواصلني ..
قتلها هي أسمها بشرى ؟
ضحكت ناديه و قتلي بصراحه مره مشيتلها في مستشفى شارع الزاويه بنتها دارت عمليه ..
لقيت وحده معاها تنادي فيها ايمان مش بشرى .. قالوا مغيره اسمها يا وخيتي باش ما يعرفها حد ..
قتلها و ليش هذا كله ؟
قتلي الله اعلم .. لكن راجلي يحكي عليهم هي و صاحبتها واخده واحد سوري ..
قتلها شكون هادي ؟
قتلي شعرها اصفر و كبيره شويه ..
قتلها سميره واخده سوري ؟
قتلي ما نعرفش اسمها لكن صغارها كبار و بناتها متزوجات راه ..
قتلها ايه عرفتها ...
قتلي واخده سوري صغير هلبا في عمرك انتي ممكن ..
كانت ناديه تهدرز و انا مصدومه في الناس الي مفروض نكون نعرفهم كويس و مخليه بنتي عندهم 🤦🏻♀️💔 .....
روحت ناديه بعد ما حكتلي ع العمارات كلهم .. بس كان يبان عليها انها بنت عيله و محافضه على حوشها و راجلها و مش زي بشرى نهااائياً ..
من صلاة العشاء و جمال يتصل بيا و يبعتلي في رسايل ..
رديت عليه قتله شن تبي ؟؟
ما تبيش تتحشم على وجهك ؟؟
راك كبير و مش صغير .. سكرت في وجهه الخط ..
أعوذ بالله منه و من الي يعرفه 😠 ..
عاود يتصل و يبعتلي في رسايل سب +18 و يتحلف بيجي للشقه ..
اتصلت بي بشرى قتلها كان تعرفيه هذا متع البحث كلميه يحل عن سماي 😠 ..
قتلي ما نعرف حد و سكرت الخط ..
خيرها هادي 😰
الباب يطق 😰😰
بعتلي رساله ( أنا برا افتحي خير ما نفضحك يا ....) .....
شن ندير معاه هذا 😰 وين نمشي 😰
خشيت الدار داخل و مغيره يتصل .. الباب يطق برا ..
رديت على مغيره .. بصوت واطي قتله في واحد يطق عليا في الباب 😰 أنا خايفه 🥺💔
قالي شكون ؟
قتله واحد تعرفه جارتي ..
قالي شن يبي ؟
قتله يضايق فيا و لا هزبته جى للشقه ..
قالي شن تقولي انتي شن لعب هو ؟ أهو جايك انا ..
قتله لا لا ما تتعاركش معاه هذا في البحث يخدم 😰😰
قالي تي يخدم في البحث و لا في ......
جمال يخش عليا انتضار ..
سكرت الخط .. مصاريني بنحطهم ..
عاود جمال يتصل .. و الباب يطق ..
هذا مش بعقله أكيد 😰 شن الثقه هادي الي عنده 😰 !!!!
مغيره كل دقيقه يتصل و يقولي قريب نوصل .. قالي شن نوع سيارته ؟
قتله ما نعرفش .. قالي شن لابس ؟
قتله ما نعرفش ..
قالي شوفي من الروشن بالك تزبطي حاجة ..
طبست من الروشن جت عيني في عين جمال 😳😳 تأكد جمال وقتها أني في الشقه ..
مغيره ع الخط يسأل فيا .. قتله شافني شافني شافني 😰😰 قالي اسكتي و قوليلي شن سيارته ؟ قتله لانسر رصاصيه مخبطه كلها 😰😰 قالي شن لابس ؟
قتله ماااااااا نعرفش اهو الباب يطق الباب يطق يا مغيره 😰😰
افتحي الباب نبيك اسمعي ..
قتله تسمع فيه ؟ 😰
قالي ديري روحي تكلمي في حد و علي صوتك .. قتله مش قادره صوتي ما يبيش يطلع 😰 ..
فصل الخط .. قعمزت بنموت من الخوف شن الي قاعد يصير معاي 😰💔
نسمع في دوشه تحت العماره .. نضت طبست نشوف من الروشن ..
سيارة مغيره مدرسه و سياره تانيه مسكره ع سيارة جمال ..
هذا مغيره 😳😳 افتحي عيونك كويس مزنه .. 😳😳 هو ايه ..
يضرب في جمال .. مغيره جايه معاه سياره تانيه .. زحمه .. صوت تكسير مرش سياره .. صوت عراك الرجاله عالي .. صوت طلقه .. صوت طلقه
اوووووف 🤦🏻♀️
No name ♥️🌺
