مات_الكلام25
نبي نفتعل مشكله .. هيا هيا هيا هيا يا مزنه دبري كيف تسافري مع مغيره ..
روحت الحوش مع بشرى .. في الطريق كل مره يجيها تليفون و توقف ع واحد بسيارته ..
روحت الحوش .. لقيت حسن مداير عصيده و مقعمز ياكل هو و رقيه ..
قالي خليتلك صونيه بروحك 😄 .. ما بيتش نرد عليه 😒
نحيت حوايجي و قتله السفر الاسبوع الجاي .. ضروري بنمشي ..
قالي عليا الطلاق 👌🏻ماك مسافرتيها بروحك ..
قتله و علاش تحلف بي الطلاق ؟ و لا خاطرك اتطلق ؟
سكت ما باش يرد عليا ..
تعاركت معاه و رقدت .. تاني يوم في الخدمه قلت لي مغيره مش ح نقدر نسافر معاك 😢
لف أيديه ع خصري و قالي حاولي 🥺♥️ ح نعيشك أحلى أيام عمرك غادي ..
الموضوع سيطر عليا و كنت نبي نديره بي أي طريقه ..
روحت الشقه و العصر بعتتلي بشرى بنتها قتلي تعالي هدرزي .. مشيت لي بشرى و لقيت سميره عندها و قعدنا نهدرزوا ..
قتلها نبي نسافر و راجلي حلف بي الطلاق ما يبيش نسافر ..
قتلي ما فضاك حتى انتي قاعده تشاوري 😄
قتلها به كيف ندير ؟ ما يبيش يطلقني .. و ما نبيش نرجع حوش اماليه ..
قتلي تبي نحبسهولك ؟
قتلها كيف ! 😳😳
قتلي نبعتله حد يقيمه 😉
كانت تقول فيها و كأنها تبي تنقدني من مشكله ..
قتلها و كان يديروا فيه حاجة ؟ 😰
قتلي ما تخافيش 😉 يقيموه لين انتي تروحي و بعدها يقولوله اشتبهنا فيك .. أنصدمت و ما أستوعبتش كلامها نهائي 😰 ..
قتلها لا لا ما نبيش ندير هكي في حسن ..
قتلي رقمي عندك و تبي حاجة كلميني طول 😉 ..
قعدت نقول هالعزوز هادي خيرها ما تتحشمش 🤨🤨
روحت شقتي نتفاجأ بي حسن يقولي غدوة عملية أمي .. وتي روحك بتمشي معاي ..
قتله لا مش ح نمشي ..
قالي أمي مدايره عمليه على عيونها و بتمشي ..
قلت في خاطري ان شاءالله بي العمى ..
تاني يوم مشيت معاه حوشهم .. لقيتهم كلهم غادي .. خشيت سلمت و قعمزت ..
جت حميده و كانت في المطبخ .. أنا قلبي يدق خايفه 😰 يا أميمتي حتى ملامح وجهم تخوف .. بنتي فرحانه بتطير بي عماتها .. عليك حظ 🤦🏻♀️ حتى بنت كبدك تنفرك في جرتهم ..
خشت حميده و ما سلمتش عليا ..
قتلها مفيده خيرك ما سلمتي على مزنه و لا ما ريتيهاش ؟
تلفتت حميده و قتلها متوضيه بنصلي ما نبيش نعاود وضؤي 😒
أنصدمت و زي من صب عليا اميه ..
كانوا فرحانين و يهمسوا لي بعض عليا ..
كل يوم يزيدوا ينقصوا من قدري ..في كل موقف لازم يلقحوا عليا .. حتى من صغارهم مدايريني مضحكه 😰 ..
حطوا العشاء و تسبلت بي رقيه نبي نوكلها .. مشت تجري لي عمتها و قتلي هي توكلني مش انتي 😜 ..
كنت نغلي من داخل و بنتي زايدتني ..
ما خلو ما لقحوا عليا ..
كلمت حسن قتله الواجب و درته و نبي نروح ...
قالي لا الليله بنقعدوا هنا ..
قتله نعم ! 😨
قالي خلي نقعدوا هنا الليله و غدوه يصير خير .. سكر عليا الخط ..
قلبي بيطلع مني من الغيض ..
طلعت للجنان لقيته معاه ناس .. قتله مش قاعده هنا انا نبي نروح حوشي ..
جت حميده قتلي مزنه تشربي قهيوة و لا شاهي ؟ 😊
أنا 😳 قتلها لا صحه ..
حسن مبتسم فرحان بي أخته 🙂
قالي معاي ناس انا خشي داخل ..
خشيت و أنا ما يعلم بيا الا ربي ..
شديت تركينه لين رقدنا و الصبح اتصلت بيا بشرى ..
قتلي سلمتيها الشقه ؟
قتلها شقة شنو ؟
قتلي شقتك ..
قتلها لا لا علاش ؟ 😳
قتلي راجلك هنا يطلع في البضاعه ..
جتني صدمة و عرفت أن حسن جابني هنا باش يسلم الشقه ..
خديت بنتي و طلعت و هما راقدين ..
وصلت تحت العماره و نمشي نجري للسياره الي فيها حوايجي و بطاطيني و فراشاتي ناخد و انزل نحذف ع الأرض ..
حسن نزل يجري و يقولي شن اديري ؟ شن جابك ؟
ندف فيه و انزل في بضاعتي من السياره ..
وشاحي طاح مني و انا نقيم و انزل ..
شدني من أيدي و ركبني معاه الشقه ..
قالي أفهمي أنا ما قدرت نعقب شي من وراء الأيجار .. معاش قادر حتى نشري سروال نلبسه ..
قتله تغافلني يا حسن !
تضحك عليا !
ريقي يابس يبس ريقكم ان شاءالله
قالي انزلي السياره و فمك ساكت ..
بديت ندف فيه بقوة لا عرفت روحي ندف و لا عرفت روحي نضرب و لا شي
رقيه بيناتنا تعيط ..
فقت على روحي ..
قعمزت .. هديت .. قدام بنتي ..
نار في داخلي .. ياريتني حبستك يا (........)
اخخخخخخخ بس ..
كلمت أمي و قتلها راهو صار و صار ..
أمي ساكته .. مستمعه بس ..
هادي خيرها ؟؟ 😰
عيت مني و لا كيف !!😰😰
جت بشرى تحاول تتدخل بيني و بين حسن .. طلع حسن و أنا نحلف فيهم إيمينات ماني طالعه من الشقه 👌🏻 ...
فجأه 😧 .. قتلها نبي سميره .. نبي نكلمها .. قتلي أهو بنتصلك بيها ..
أتصلت بشرى بي سميره و أعطتني نكلمها .. قتلها سميرة الموضوع الي كلمتيني عليه قاعد ؟
قتلي يا عيني 😉 ..
قتلها تمام معناها نظمي أمورك ..
قتلي ابعتيلي رقمه و أسمه بي الكامل ..
قتلها تمام متفقين .. بس الموضوع يقعد بيني و بينك ..
قتلي عيب عاد 😉 ..
مقعمزه على أعصابي ..
ركب حسن قالي هيا ..
قرصتني بشرى و قتلي روحي معاه ..
قتلها تي و الله 👌🏻 ..
و قبل ما نكمل كلامي قاطعتني و قتلي كان بتسكري راسك و بتقعدي هنا بيشكوا فيك لو صارت لي راجلك حاجة ..
لهذا روحي معاه و تو نكلم انا صاحب العماره يخلي الشقه فاضيه وترجعيلها في أي وقت ..
أقتنعت بي كلامها و حسيتها هي الوحيده الي حاسه بيا و تبي تساعدني ..
قتلها تمام به .. غير ان شاءالله سميره ما تعطلش بس ..
روحت معاه حوش بوه .. منهزمه 😢💔 مكسوره .. مجروحه .. و كأني جاريه عندهم ..
خشيت لقيت الحوش معبي .. قعدت شاده مكاني لليل .. ما نعرفش الناس شن تهدرز .. شن يقدمولهم .. منو الي جى اصلا ..
بنتي تلعب مع صغار عمها و صغار عماتها .. شكلي أنا بس الي برانيه هنا و المكان مش مكاني ..
يا شوق تلقيح لقحوه و شوق ضحك ضحكوه عليا .. بس خيرها أمي لا سألت عليا و لا دورتني !
أخواتي خيرهم اللطف !
ليله طويله .. فكرت في هلبا أفكار .. نبي نهرب من هنا .. لا لا بيرجعوني ليه تاني ..
نطلب الطلاق و المره هادي ح نكمل فيه للآخر و أيجار شقتي نخلصه بروحي و نعيش حره ..
و من تاني يوم و انا نستنى آمته يحبسوه ..
و كان عطل 5 دقايق نقول حي شكله شدوه ..
و اول ما يروح نقول أعوذ بالله 🤦🏻♀️
بعد يومين بالضبط ما روحش حسن ..
بديت نتظاهر أني مشغوله عليه و خايفه ..
نشد في تليفوني و نتصل بي رقمه و ما يردش .. ندور في الصاله و كلهم عيونهم عليا ..
ضربت لي موده تليفون و جيت جنبهم نبي نسمعهم كلامي ..
قتلها نبي راجلك يسأل على حسن نتصل بيه و مايردش نشغلت عليه ..
ردت عليا موده بكل برود قتلي شنو يعني رايح هو ؟ يطلع يدور عليه ؟ 😒
رديت عليها .. ايه ايه سلم وخيتي 🤗 و سكرت في وجهها الخط و انا نقول نستنى في تليفونك اتطمنيني ..
بدوا أخوات حسن يتصلوا بيه .. القلق انتقلهم خلاص و هذا الي نبيه ..
اتصل بيا حسن .. رديت 😳😳
صوته مبحوح ...... خايف ...... صوته يرعش ...... يتكلم بصوت واطي هلبا ..
الووووووو مزنه ..
قتله نعم ؟ 😰
قالي أنا ......... راهو ................. يلحقوا ................. فيا ................ البحث ............... الجنائي ..............
و السياره كلها رصاص ..
قتله به !! 😳
قالي هربت منهم .. يا مزنه .. انا هربت منهم و نزلت و خليت السياره ع الطريق ..
قتله انت وين توا ؟
و بصوت واطي و خايف قالي ما نعرفش انا وين ..
قتله ركز وين خليت السياره ؟
فصل الخط ....
اتصلت بيا سميره و قتلي راهو هرب منهم ..
قتلها لحضات و نقولك مكانه وين ..
سكرت منها اتصل حسن طول .. يقولي ياااااا مزنه راهو بيشدوني ..
قتله وين انت توا ؟
قالي بين الزنق في جهة ( .........)
قتله تو نكلم راجل موده يجيك ..
سكرت منه و اعطيت مكانه لي سميره ..
عاود حسن يتصل و هو خايف يطيح بين ايديهم ..
شكله يجري .. صوته داهش .. يقولي انا عطشاااااااان 🥵
نقوله لازم تطلع ع الرئيسي ..
يقولي فيا نخصه في قلبي من الجري بنطيح خلاص ... مزنه .... مزنه .... عاوديلي بسرعه رصيدي بيفصل ..
مزنه ..... مزنه ..... اتصلي بيا ما تخلينيش بروحي او ابعتيلي رصيد ...
—————- فصل الخط 😧
و لا بعتت رصيد و لا عاودت كلمته ...
بعد ثلث ساعه كلمت راجل موده عليه .. بعد ما تأكدت أنهم عرفوا مكانه و أكيد شدوه ..
كان في شي في داخلي ينزف .. بس عادي ما نبيش نحن على حد و لا نبي نسخف على حد ..
وصلتني رساله من حسن ( ربي يحفظكم يا أغلى ما عندي )
ايييييييح 🤦🏻♀️ هذا يبعت في رسايل و جوه جميل ..
جى خو حسن .. جى راجل مفيده و راجل حميده .. جو أولاد عمه ..
حي عليك يا مزنه كان ما يعرفوا أنك وراء هالعمله 😰😰😰
ليلتها ما رقدوش و هما يدوروا عليه .. نسوني و معاش دوروني بكل ..
بعتتلي سميره رساله .. ( ساعتك نسيتيها عندي )
عرفت وقتها أن لما حسن بعتلي رساله وقتها شدوه ...
ضميري يناشب .. ايه ايه يناشب ..
الصبح خديت حوايجي و بنتي و قتلهم بنمشي حوش بوي .. ما عدلوش عليا لاهيين يدوروا في خوهم ... و مشيت شقتي طول ..
رجعت للصفر .. الشقه فاضيه تماماً ..
بديت نجهز في شنطة سفري .. كلمت مغيره و قتله ح نسافر معاك 😍 ..
حجز مغيره .. و خليت رقيه عند بشرى .. و سافرت تركيا ♥️🥺
سافرت و خليت كل شي وراي ..
أول ما وصلنا حسيت بقشعريره .. شن الحداثه هادي 🥺 .. شن الجنه الي عايشين فيها 🥺♥️
انبهرت بكل شي .. فرحتي كانت بالدنيا كلها .. مشينا للفندق ..
حجز مغيره حجرتين في نفس الفندق ..
خشيت حجرتي 🥺🥺 السرير محلاه 🥺🥺 المنظر من البلاكون محلاه 🥺🥺 الدوش محلاه 🥺🥺
أول مره نحس بي النعيم ♥️♥️ بي الترف 🥺♥️ ...
خشيت دوشت و اتكيت ع السرير و أنا حاسه بي الفخامه .. و كأني أميره 👸🏻
بس قلبي مقبوض .. شن صار في حسن ! ..
رقيه كيف حالها ؟؟
لا هكي مرتاحين و لا هكي مرتاحين 🤦🏻♀️💔
كلمني مغيره و قالي ننزلوا نتعشوا ؟
قتله نجهز روحي و نجيك 😉 ..
حطيت ميك اب و لبست و طلعت لقيته برا الحجره .. ع طول قالي من غير حجاب احلى 😉
نحالي الوشاح 😧 و فتحلي شعري 😰 حسيت بضيقه من تصرفه ..
بس تصدقوا 🤔 ... تصدقوا لو قلتلكم أني كنت زي الروبوت ! ..
مغيبه ع الصح و الغلط ..
مغيبه ع الدين ...
مغيبه ع الأصول ..
مغيبه ع واقعي ..
و كأني مبرمجه 🤔 ..
ممكن لأني ما كبرتش ع كلمة لا 🤷🏻♀️ ...
نزلنا نتعشوا .. يوكل فيا كل شويه .. أول مره نذوق أكل هكي .. مش متعوده بالمطاعم ..😕
طلعنا سهرنا برا .. بنات يرقصوا .. اولاد يرقصوا .. كل شي يخطر في بالك موجود ..
و كل شويه مغيره ياخدني في حضنه ..
روحنا الفندق و قتله أنا متضايقه 😢 قالي شنو في ؟
قتله رقيه خليتها عند بشرى و حسن في حوش أهله متعاركين 😢
قالي بسيطه 😉 أحنا جايين هنا باش نغيروا جو 😉😉 و لأنك متضايقه .. نبيك الليله ترتاحي و بكره ح نكونوا مع بعض 😘 ..
خشيت حجرتي و أنا نقول الله 🥺♥️ على الرقي و الذوق .. و كان حسن راهو شدني في السياره 🤨 أغتصبني ... بس مغيره راقي 🥰
ما كنتش نعرف 👌🏻 أن الناس هادي عندها نفس طويل و تخدم لي قدام ..
عديت ليلتي في خوف .. حي عليك يا مزنه لما تروحي شن بيصير فيك 😰
اتصلت بي بشرى و خديت كلمت رقيه .. لقيت جوها حلو و فرحانه و تلعب مع صغار بشرى .. الشي الي خلاني نرتاح ..
رقدت و نضت الصبح ع تليفون مغيره ..
قالي نطلعوا ؟..
قتله يا سلام 😍 ..
لبست و طلعنا مع بعض .. فطرنا و بعدها خدا موطوا و ركبت وراه .. كنت شاده فيه زي الطفله .. بحب 🥺♥️ .. بشغف 🥺♥️ بفرحه 🥺♥️ بنوع جديد 🥺♥️ ....
نزلنا تمشينا خدالي ورد .. خدالي غزل البنات .. خدالي حديده عليها أسمي ..
و ركبنا الموطو و رجعنا الفندق ..
مشيت لي مركز تجميل ..جاكوزي .. مساج .. تنظيف بشره .. عناية باليدين و القدمين .. صبغولي شعري ..
كل شي درته غادي ..
طلعت منه ما نعرفش روحي 😳🤪
روحت للفندق و كلمت مغيره و قالي البسي باش نطلعوا برا ..
لبست و كنت واقفه نشوف للمرايا ..
مستغربه في روحي 🤭🤭
جى مغيره حجرتي و طلعتله و كانت صدمته فيا واضحه 🥺♥️
قالي محلاك 🥺♥️
تحشمت 🤭 و نزلنا ..
مشينا لي مطعم نتعشوا و تلاقى هو و واحد يعرفه .. جى سلم عليا و قعمز معانا ..
أنا خفت 😰 توترت .. قعمز شويه الراجل و ناض ..
قتله هذا ليبي ؟
قالي ايه ..
قتله كيف تقعمزه معاي في نفس الطاوله ؟؟
قالي نبي الناس كلهم يشوفوك معاي مش خايف من حد أنا ..
عجبتني الجمله وقتها ♥️🥺 بس ما كنتش فاهمة أبعادها 🤷🏻♀️
مقعمزه و نفكر في حسن قداش كان يغار عليا .. ديما يقولي غطي وجهك 🥺💔
شن هالتمزق الروحي الي في داخلي بس 🤦🏻♀️💔
No name ♥️🌺
