مات_الكلام36
مقعمزه و نفكر في بشرى و سميره ليش مشوا حوشنا !! شن غرضهم ؟؟
ليش جمال موقوف ؟؟
لأنه ضرب مغيره بالمسدس !!
حتى لو به .. شن دخل أمي في الموضوع !! ... و لا غرضهم كله كان يحرقوني قدام عيلتي !!
الحمدلله الي تخلصت منهم .. بشرى فرحانه تحساب عندها طقم ذهب 🤭 كيف تجرأت و نكرت إنها خداته مني !!
لانها تعرف إن ما عندي حد .. و أكثر وحده تعرف ظروفي .. معناها كلام حسن صح متع خانبه ذهب أمها !! ..
و كله كوم و كيف مغيره أسمها من إيمان لي بشرى كوم تاني 😳...........
طق الباب .. فتحت لقيتها ناديه .. أعطتني حافظه فيها كيس دم و ثلج ..
قتلها بارك الله فيك ناديه .. قتلي لازم يقعد في الثلج لين ترفعيه ..قتلها تمام به ..
تليفوني يرن ..
هذا رقم حسن ..
رديت .. قتلي ماماااا .. قتلها يا عيون مامااااا .. قتلي أنا غدوة بنجيك العشيه ..
قتلها و أنا في إنتظار أميرتي الحلوة ..
أستعديتي للمدرسه ؟
قتلي ايه ..
قتلها أنا خديتلك شنطه جديدة و ملابس و أدوات عليهم رسومات فلّه 😍
قتلي حتى بابا شرالي ..
قتلها و شن مزال ناقصك ؟
قتلي نبي سبوره زي متع المدرسه ..
قتلها لاااا 😄 هديكا في المدرسه بس .. لكن تو ناخدوا وحده صغيره باهي ؟
قتلي به 😊
سكرنا الخط ..
بكره أول يوم في المدرسه لي طفلتي .. بسرعه السنين تجري ..
اتكيت خداني النوم .. مره مره نسمع في تليفوني يرن .. ما نردش و نكمل نوم ..
نضت الصبح من كثر مكالمات مغيره ..
هيا نوضي مزنه وراك فيلم من أفلام بوليوود 🤦🏻♀️ .. رديت عليه ..
قالي حبيبي هذا كله نووووووم ..
قتله شن في ؟
قالي هكي الي تحمل ترقد 😉
قتله كيف نضت توا ..
قالي أنا ما رقدتش بكل .. آمته موعدك مع المرأه ؟؟
قتله الساعه 12:00 ..
قالي نجي نرفعك .. قتله لا بتمشي معاي جارتي ناديه ..
قالي به تمام ..
ما كانش مستريح مغيره .. كان خايف و متوتر هلبا ...
نضت خشيت الدوش .. اليوم ح يكون شاق و فيه مخاوف كبيره .. بس أن شاء الله ربي يسترني .. طلعت من الدوش ..
قعمزت نفطر ..
أتصل مغيره .. قالي وين مكانها المرأه بالضبط ؟؟ قتله في المدينه القديمه ..
قالي و كيف بنعرف حوشها هادي !!
اييييح ع كثرة الأسئله 🤦🏻♀️
قالي بنجي ناخدك انا بعدين .. مستحيل نحليك تروحي شقتك و ما نشوفكش ..
قتله أصلا هي بي تديرلي دواء عربي و بنروح و بعدها تقريبا بساعه أو ساعتين ينزل الجنين .. قالي خلاص معناها نجي ناخدك تمشي معاي حوشي لين نتطمن عليك كويس ..
قتله تمام ..
قالي ح يجي معاي صاحبي نفسه الي كلمتيه في المصحه ..
قتله مستحيل نركب معاك و في راجل تاني .. قالي مزنه رجلي دعامات ما نقدرش نسوق ..
قتله ما تجيش معناها ..
قالي تو نتصرف به لكن ح نجي و تروحي معاي ..
قتله به ..
ايييح كيف بنتصرف توا 🤦🏻♀️
ضميت الحوش .. و لبست حوايجي و خديت حافظة الدم و طلعت ..
خطمت على ناديه .. أعطيتها نسخه من مفتاح الشقه .. و قتلها لو جت رقيه ردي بالك منها .. قتلي حاضر تمام ..
نزلت من العماره .. و قعدت نمشي على رجليا لين وصلت محل عطارة ..
اتصل بيا مغيره قالي طلعتي ؟
تلفتت خلفي و يميني و يساري .. غريبه هذا كيف عرف إني طلعت ؟ 😳
قتله ايه ..
قالي معاك جارتك ؟
وقتها حسيت إنه يشوف فيا و خفت نكذب .. قتله لا بتسقد صغارها للمدرسه و بتلحقني ..
قالي تعرف المكان ؟
قتله ايه ..
قالي أعطيني رقمها صار أي شي نكلمها ..
قتله شن تكلمها أمرأه متزوجة هادي ؟ 🤨
قالي اي شن بنهدرز عليها انا ؟؟
بنتطمن عليك بس ..
قتله لا ما نعطيكش رقم أمرأه متزوجة ..
قالي به خليك في التغطيه اهم شي ..
سكر الخط ..
خشيت لي محل عطريات خديت منه ( مريميه ) و طلعت .. خديت تاكسي و مشيت لي المدينه القديمه ..
اتصل مغيره .. اييييح علينا 🤦🏻♀️ شن يحزها ..
رديت نعم !!
قالي شن أسمها المرأه ؟
قتله ءءءأسمها حدهم ..
قالي شنو ؟
قتله حدهم هكي أسمها ..
قالي من وين بتخشي لي حوشها ؟ من جهة سوق الذهب او من جهة كورنتيا ؟
قتله ليش ؟ 😳
قالي أنا توا قدام سوق الذهب .. قتله من يسوق بيك ؟
قالي سواق سواق سوداني ..
قتله أهااا به ..
قالي من وين نخش ؟
قتله مغيره خليني في حالي ارجوك انا بروحي اول مره نخش المدينه القديمه 🤨
قالي نبي نقرب للحوش بس 🥺♥️ نبي نكون قريب منك ..
قتله نطلع منها نكلمك .. قالي اتصلي بي جارتك توا لازم يكون حد معاك ..
🤦🏻♀️🤦🏻♀️🤷🏻♀️🤷🏻♀️
مسكين مغيره .. مهتم بي أدق التفاصيل ..
قعدت ندور في باب الحريه 🤪 أكثر من ساعه و نص و مغيره يتصل ..
رديت بصوت متعب .. قالي وووووووووووووووووينك ال.......
قتله كيف كملت مني المرأه و بنطلع .. قالي وين نجيك انا من بكري ندور جهة كورنتيا .. قتله خش من جهة القوس الي مقابل كورنتيا تو تلقاني تحت ...
قالي ما تمشيش على رجليك بكل راه 👌🏻
قتله به ..
طلعت من زنقة سيدي عمران متع الكوشه .. خديت يميني لقيت سيارة مغيره و عيونه في الناس يدور فيا ..
وقف بالسياره و ركبت من الخلف .. كان مقعمز جنب السواق ..
طول أعطاني إيده الخلف و شد إيدي .. نتأمل في إيده 🥺♥️ محلاها .. ليش ما تكونش ليا الإيد هادي 🥺💔
طلعنا جهة طريق الشط و قال للسواق انزل انت و تو نسوق أنا ..
نزل السواق و ركب مغيره يسوق ..
قتله كيف بتسوق و رجلك هكي ؟ 🥺💔
قالي شبه وصلنا احنا بنخش من النوفليين .. قتله بس رجلك غلط ..
قالي خلي نتوجعوا أحنا الزوز ..
رقدت في الكرسي من الخلف و انا نقول شن اديري مزنه !!
شن أديري !!
وصلنا للحوش ..
فتحت الباب نزلت .. خشيت داخل .. رقدت ع فراشه .. ع مخدته ..
ليش ما يكونش الحوش هذا ليا ؟ ليش !! 🥺💔
جى جنبي و قالي شن دارتلك ؟؟
نزلت دمعه من عيني .. قتله شي ..
مسح دمعتي و قالي حتى أنا نتوجع زيك مزنه 🥺🥺💔💔
غمضت عيوني و تغطيت ..
مش عارفه ليش وقتها كنت متأثره بجد 👌🏻 و الله العضيم كنت حاسه روحي بجد بنجهض جنيني .. كان فيا أحساس الأجهاض و الزعل و الدموع ..
قالي وينهم الأعشاب الي أعطتهملك ؟
شاورتله ع الشنطه 👈🏻 بعدين انتبهت لي كيس الدم 😳 قتله أعطيني أعطيني الشنطه 😰
اعطاني الشنطه و طلعت كيس المريميه اعطيتهوله و حطيتها في جنبي ..
قالي نغلي الأعشاب و نجيك 🥺💋
قتله به ..
مشي للمطبخ .. و حلت عليا الكآبه فجأه 😢💔 دموعي ينزلوا ما عرفتهم ع الغلط الي ندير فيه ! .. أو ع حنية المغيره الي كانت تدق طبولها على أوثار ضميري ..
جى قعمز جنبي ع الفراش و في إيده طاسه كبيره فيها مريميه .. قالي نديرلها سكر ؟
قتله لا ..
نضت قعمزت و حطني بين رجليه و في حضنه .. و قالي نشربك أنا ؟
قتله مش ح تتحمل طعمتها 🥺
قالي نتحملوها أحنا الزوز ..
يشرب من الطاسه و يعطيهالي من فمه ..
اووووف 🤦🏻♀️💔
الشربه الأولى كانت بريئه مشتاقه ..
التانيه تمادت شوي للأشتياق ..
الثالثه طولت شوي و هو يشرب فيا ..
الرابعه هلبا طولت ..
دوخه 🤦🏻♀️♥️ أستااااحشته .. نغرق في حضنه هاربه منه ..
يقولي هيا نكملوا الطاسه ..
نرجع نشرب من فمه ..
فاتت ساعه .. و باش نبعده على تفكيري .. قتله بنخش الحمام .. خديت شنطتي ..
قالي أنا نرفعك ..
قامني من السرير و أنا نقوله رجله مغيره رجلك نزلني ..
يقولي خلي تتقطع ..
حطني في الدوش .. قتله اطلع نتحشم انا ..
قالي لا مش ح نخليك ..
قتله اطلع مغيره ..
قالي به ما تسكريش الباب ..
طلع ...
نضت سكرت الباب بالمفتاح .. فتحت الشنطه طلعت كيس الدم ..
فتحت الميه السخونه في الدوش ..
مغيره يطق عليا .. مزنه انتي كويسه ؟؟
ايه كويسه 😰
كيس الدم ما بتش تنفتح 😰 هيااااا انفتحي ..
شنو في في الحمام نقدر نفتح بيه كيس الدم ؟ 😰😰
في مفتاح 10 جهة السيفون فوق المرحاض أكرمكم الله ..
خديته رشقته في كيس الدم و بزعتها على سروالي من تحت كلها ..
قمت الكيس في شنطتي ..
مغيره .. مزنه انتي كويسه ؟
ما رديتش 😰
طق الباب ..
ما رديتش 😰
مزنه ردي علياااااا ..
ما رديتش ...
روشن الحمام يطق .. شكله كان يحاول ينقز من الروشن ..
رجع يطق الباب تاني ...
مزززززززززززنه ردي عليا ..
ما .....
رديتش 😰😰 ...
ضرب الباب بقوه .. مره .. مرتين .. ثلاثه ..
تكسر القفل و خش لقاني دايخه ع الأرض غارقه في دمي 🤷🏻♀️🤥🥺💔
قعد يفيق فيا و يقول لااااااااا تي لاااااااااااااااا لا لا لا لا نوووووووووووووضي ...
تليفونه يرن ..
رد ع التليفون و هو يعيط و يقول جيبلي دكتور تواااااااااا البنت بتموت عندي تنزززززززف نبي دكتورررررررررررر ...
قامني و فتح الشيشمه و هو يغسلي في الدم و يرعش كله مع بعضه و يقولي لا نوضي مزنه نوضي .. أنا الي كلب .. انا الي مش راجل .. انا الي نستاهل نموت ..
حط فوطه بين رجليا و رفعني للسرير ..
فيقي مزنه فيقي ..
تليفونه يرن .. تي ووووووووينك يا راجل نبي دكتور انا توا ..
حي عليك يا مزنه لو يجيبلك دكتور و ينكشف فيلمك البوليوودي 🤦🏻♀️
فتحت عيوني لقيت سرواله ملبز دم .. قتله رجلك تنزف 👈🏻😰
قالي خلي تنزف مش أنتي بس تنزفي 🥺
أنا 🤚🏻👈🏻🔫🥺🤯
🤷🏻♀️💔
No name ♥️🌺
