ရာဇဝင်ထဲက အချစ် ..
" ဒီထဲမှာ ... မျှော့တွေ မြွေတွေ ရှိနေမှာပေါ့ ... အရှင့်သား မကြောက်ဘူးလား "
ဗညား လှေကိုခပ်ဖြည်းဖြည်းလှော်ရင်း မင်းသားကို မေးလိုက်သည် ။ ဗညား၏ မေးခွန်းအဆုံးတွင် မင်းသားက ခပ်ဖွဖွရယ်ကာ
" ငါ့အနားမှာ မင်းတစ်ယောက်လုံးရှိနေတာပဲ .... ဘာကိုကြောက်ရမှာလဲ "
ဟု ဖြေသည် ။ ထို့နောက် ထိုင်နေရာမှ ဗညားပေါင်ကို ခေါင်းအုံး၍ လှဲလိုက်သည် ။ ဗညား မိမိပေါင်ကို ခေါင်းအုံးထားသော မင်းသား၏လက်ကို ခပ်ဖွဖွဆုပ်ကိုင်ရင်း ရေထဲသို့ ငေးကြည့်နေမိသည် ။ ထိုသို့ငေးနေရင်း ရုတ်တရက် ကြာခွက်နှင့်ကြာဥအကြောင်း တွေးမိသွားသဖြင့် မင်းသားကို
" အရှင့်သား .... ကြာဥတို့ ကြာခွက်တို့ စားဖူးလား "
ဟု မေးလိုက်သည် ။ ဗညား၏မေးခွန်းကို မင်းသားက ခေါင်းခါပြသဖြင့် ဗညား အနားတွင်ရှိသော ကြာခွက်တစ်ခုကို လှမ်းချိုးလိုက်သည် ။ ထို့နောက် ကြာစိတစ်ခုကိုထုတ်ကာ အခွံခွါပြီး မင်းသားအား ခွံ့ကျွေးလိုက်သည် ။
" အရသာရှိလား "
ဟု မေးလိုက်သော ဗညား၏မေးခွန်းအဆုံးတွင် မင်းသားက
" ကောင်းတယ် "
ဟူ၍ ပြန်ဖြေသည် ။
" အင်း ... ကြာဥလဲစားလို့ကောင်းတယ် အရှင့်သားရ ... နန်းတော်ပြန်ရောက်ရင် ကျွန်တော်မျိုးပြုတ်ကျွေးမယ် "
🌻 🌻 🌻 🌻 🌻 🌻 🌻 🌻 🌻 🌻 🌻 🌻 🌻 🌻🌻
" အကယ်၍ ငါတို့နှစ်ယောက်ထဲနေရမဲ့အချိန်ဆိုတာရှိခဲ့ရင် ငါတို့ဒီလိုနေရာလေးမှာနေကြမယ် "
မင်းသားက ပြာလဲ့နေသော ကောင်းကင်ကြီးကို ငေးကြည့်ရင်း ဗညားအားပြောသည် ။ ထို့ကြောင့် ဗညား ခေါင်းညိတ်လိုက်ပြီး
" အင်း ... နေကြမယ် "
ဟု ပြောလိုက်သည် ။ ဆက်၍
" အရှင့်သားအတွက် ကျွန်တော်မျိုး ရေကန်လေးတူးပြီး ကြာပန်းတွေစိုက်ပေးမယ် "
ဟု ပြောလိုက်သည် ။ ဗညား၏စကားအဆုံးတွင် မင်းသားက ပြုံး၍ခေါင်းညိတ်သည် ။ မင်းသား၏ပုံစံက ချစ်စရာကောင်းနေသောကြောင့် ဗညား ထိုင်နေရက်ကပင် မင်းသား၏နဖူးကို ငုံ့နမ်းလိုက်သည် ။ ထိုအခါ မင်းသားက ဗညား၏လည်ပင်း ကို လက်ဖြင့်ခပ်ဖွဖွဆွဲထားပြီး နှုတ်ခမ်းကိုနမ်းသည် ။ အတန်ကြာအောင်နမ်းပြီးသောအခါမှ ပြန်လွှတ်ပေးသည် ။ ဗညား လှဲနေသောမင်းသားကို ထလာအောင်ထူလိုက်ပြီး
YOU ARE READING
ရာဇဝင္ထဲက အခ်စ္ ... / ရာဇဝင်ထဲက အချစ် ... (14)
General Fictionႀကိဳေတာင္းပန္ခ်င္ပါတယ္ေနာ္ ... ျမန္မာနန္းတြင္းဇာတ္လမ္းကို အခုမွေရးဖူးတာမို႔လို႔ အမွားအယြင္းရိွရင္ နားလည္ေပးၾကပါလို႔ ကြိုတောင်းပန်ချင်ပါတယ်နော် ... မြန်မာနန်းတွင်းဇာတ်လမ်းကို အခုမှရေးဖူးတာမို့လို့ အမှားအယွင်းရှိရင် နားလည်ပေးကြပါလို့
