The Seventh Generation (BoyxBoy)

Chapter 5

[Aki's POV]

Inabot kami ng sampung minuto sa paglalakad. Hindi ko naman akalain na medyo malayo pala rito ang House of Frourá. Sabi ni Jace nasa western part daw kasi ang House of Frourá. Sa South ang Therapévo. Sa East ang Polemistís. Sa northern part naman mismo ang school. Malawak pala talaga ang Elemental Academy. So bale ang Therapévo ang pinakalamalayo mula sa mismong school.

"Nandito na tayo," sabi ni Xander.

Napa-'oh' naman ako. Ang ganda! Kulay pula. Hindi ko akalain na ganito pala kalaki ang Frourá. Ang ganda ng disensyo. May dalawa itong palapag. Sa taas nito ay may sign na 'Welcome to HoF'

Mula sa malaking pintuan ay bumukas ito. Bumungad sa amin ang isang matangkad na lalaki at sinalubong kami. Nang makalapit ito sa amin ay yumuko ng bahagya.

"Kinagagalak kong makita kayong muli mga prinsipe," sabi pa niya.

"Kami rin Mentor Alexus. Kayo na po ang bahala sa kaibigan namin," sabi ni Jace.

"Makakaasa ka Prinsipe," sabi naman nito. Teka! Si Mentor Alexus ito? Bakit parang ilang taon lang ang tanda niya sa amin?

Kinuha ko na kay Xander ang mga gamit ko.

Nagpaalam na ang tatlo. Sabi pa nila na bukas na lang kami magkita after class.

"Siguradong ikaw ang usap-usapan na fire user galing sa Mortal Realm, tama?," baling sa akin ni Mentor Alexus.

"Opo. Ako po si Aki Hernandez," pagpapakilala ko.

"At ako naman si Alexus Bright. Tawagin mo na lang akong Mentro Alexus o Alex para magmukhang bata," biro pa nito.

"Bakit matanda na po ba kayo?," gusto kong sampalin sarili ko dahil sa kadaldalan ko. Minsan talaga hindi ko mapigilan ang bunganga ko. Narinig ko ang pagtawa ni Mentir Aki.

"Actually, I'm 31 years old," literal na nanlaki ang mga mata ko.

"Po?"

Tumawa siya sa naging reaksyon ko.

"Hindi pa ba nila nasasabi sayo na mas mabagal ang oras natin kesa sa isang normal na tao? Sa Mortal realm, isang taon ang katumbas ng anim na buwan sa atin. So kung isa lang akong normal na tao, 61 years old na ako," paliwanag niya.

Teka, 17 years ako sa Mortal Realm! Ibig sabihin, 8 years old palang ako? Wtf? Ay shet, ang gulo naman!

"Tara na sa loob para makapagpahinga ka na. Lalo't sinabi ng Headmistress na hinabol pa pala kayo ng diavol bago kayo nakapunta rito," hindi na ako nakapagprotesta pa nang kunin ni Mentor Alexus sa akin ang dala kong karton.

Napatanga ako. Ang ganda ng loob. Para akong nasa isang mansyon. Lahat ata ng makikit gawa sa salamin.

Napatingin sa amin ang mga nasa loob.

"Everyone, makinig kayo. Madagdagan ulit tayo ng isang miyembro. Si Aki, isang fire user," nalangiting pagpapakilala sa akin ni Mentor Alexus.

Nagulat ako nang bigla silang nagsilapitan.

"Talaga? Isa kang fire user? Hala paano nangyari yun? Diba lahat ng fire user namatay noong digmaan?," nagtatakang tanong ng isang babaeng kulot.

"U-uh sa Mortal Realm ako lumaki," sagot ko.

"Totoo?! Pwedeng makita ang elemento mo?," suggestion naman ng isa pang babae. Napakamot ako ng ulo at napatingin kay Mentor Alexus na tumango. Huminga ako na malalim bago ibinuka ang kamay ko. Sinubukan kong maliit na apoy lang ang mailabas ko.