ဆန့်ကျင်ဘက်အရာတွေရဲ့တည်ရှိမှုက တကယ်ကိုအလွှာပါးပါးလေး။ မမျှော်လင့်ခြင်းရဲ့တစ်ဖက်ခြမ်းက မျှော်လင့်နေရသူကို လီယမ်ငေးကြည့်နေမိသည်။ မပီမပြင်ခပ်ရွတ်ရွတ်အပြုံးတွေကတောင် လီယမ့်ရင်ကိုနွေးထွေးစေ၏။ အိပ်မက်ဖြစ်နေရင်ဘယ်လိုလုပ်မလဲ။ ကော်ရစ်ဒါလက်ရန်းကနေ ခုန်ပေါက်လာတဲ့မိုးနှင်းတွေက အေးစက်လွန်းသည်။
"Password ပြော"
လီယမ့်ဖြစ်တည်မှုက software သွင်းထားတဲ့စက်ရုံလိုပဲ။ ဂဏန်းအချို့ရေရွတ်လိုက်မိတဲ့ လီယမ့်အသံက အက်ကွဲကွဲ။ လက်ဖျားကိုဖမ်းဆွဲယူခြင်းခံလိုက်ရတော့ လီယမ်ခေါင်းငုံ့လိုက်မိသည်။ ဒါအိပ်မက်မဟုတ်ဘူးပဲ။ လီယမ့်အခန်းလေးထဲ မငြင်မသာဆွဲခေါ်ခံလိုက်ရပြီး ငြိမ်သက်လွန်းနေတဲ့ လီယမ့်ကို ခါးထောက်လှည့်ကြည့်လာတာနဲ့ လီယမ်မျက်လုံးတွေမှိတ်ချပြီး ဇွတ်တိုးပစ်လိုက်သည်။
"မင်း!"
"ကျေးဇူးတင်ပါတယ်။ လီယမ်တကယ်ကျေးဇူးတင်ပါတယ်။ ပြီးတော့ တောင်းပန်တယ်။ တောင်းပန်ပါတယ်"
တကယ်ဆို လီယမ် ပြောချင်နေတဲ့စကားတွေအများကြီး။ ကိုကို ပြန်မလာတော့ဘူးထင်လို့ ဝမ်းနည်းမိတဲ့အကြောင်း၊ လီယမ်မရှိတဲ့တစ်နေရာရာမှာ အရက်တွေသောက်ပြီး အိပ်ချိန်စားချိန်တွေမှန်ပါ့မလား စိတ်ပူနေတဲ့အကြောင်း၊ ပြီးတော့ ဘယ်နေရာကိုပဲရောက်ရောက် ကိုကို့ကိုပဲမြင်နေတဲ့အကြောင်း၊ လူတစ်ယောက်ကို သတိရရင်အဲ့လိုဖြစ်တယ်ဆိုတာ လီယမ်သိပါပြီဆိုတဲ့အကြောင်းတွေ။ တကယ့်တကယ်တမ်းတော့ လီယမ် စကားလုံးတွေကို အစီစဉ်ကျအောင် မပြောနိုင်တော့။ ကိုကို့ ခါးတွေကိုတင်းတင်းဖက်ပြီး နွေးငွေ့ငွေ့ရှိနေတဲ့ရင်ဘက်ကို လီယမ်မျက်နှာအပ်ထားမိသည်။ လီယမ့်အရပ် 178 cm က ကိုကို့ရင်ခွင်ကျယ်ထဲနစ်ဝင်နေခဲ့ရသည်။ ပြန်လည်ထွေးဖက်ခြင်းမခံရပေမယ့် လီယမ့်ကိုတွန်းဖယ်ငြင်းဆန်ခြင်းလည်းမရှိ။ ဒီလောက်ဆို ရပြီ။ ဘယ်လိုပဲ စိမ်းကားခံရခံရ လီယမ့်မျက်စိရှေ့မှာ ကျန်းကျန်းမာမာရှိနေတယ်ဆိုရင်ကို ရပြီ။ ကိုကို့ရင်ခွင်ထဲ မျက်နှာအပ်ထားပြီး လီယမ် မျက်ရည်တွေထဲနစ်ရင်း ငိုလိုက် ပြုံးမိလိုက်။ လီယမ့်မျက်နှာကို လက်နှစ်ဖက်နဲ့အုပ်ကိုင်မော့ယူလာတဲ့ ကိုကို့မျက်နှာက ရှုတည်တည်။
