Unicode Version
Midnight Rembler bar၏မီးရောင်ခပ်မှိန်မှိန်အောက်တွင် အလယ်ကျကျစားပွဲရှည်တစ်ခု၌နေရောင်လွှမ်း၊ နေဘုန်းခန့်၊နေရှိုင်းသွင်၊ကျော်သူရနှင့်ဘုန်းသျှန်ထက်တို့မှာ အသီးသီးကိုယ့်နေရာကိုထိုင်လိုက်ကြသည်။
"ဒါက ဦးသျှန်ရဲ့သူငယ်ချင်း ကျော်သူရတဲ့ ငယ်လေးကတော့ ခဏခဏမြင်ဖူးလို့သိမှာပါ ရှိုင်းသွင်နဲ့ဘုန်းခန့်ကတော့ မြင်ဖူးမယ်မထင်ဘူး"
"ဟုတ်ကဲ့ တွေ့ရတာဝမ်းသာပါတယ်ဗျ"
နေဘုန်းခန့်နှင့်နေရှိုင်းသွင်တို့ကကျော်သူရကိုကြည့်ရင်း ပြိုင်တူပြောလိုက်သည်။ ကျော်သူရကလည်းသူတို့နှစ်ယောက်ကို ခေါင်းညိတ်ပြလိုက်ခြင်းဖြင့်ပြန်တုံ့ပြန်သည်။
"ဒါကကျွန်တော့်သူငယ်ချင်းတွေပါ သူကနေဘုန်းခန့် သူကတော့နေရှိုင်းသွင်"
နေရောင်လွှမ်းကလည်းသူ၏သူငယ်ချင်းနှစ်ယောက်ကို ကျော်သူရနှင့်ပြန်၍မိတ်ဆက်ပေးလိုက်ရသည်။
"အိုကေ ဒါဆိုအကုန်လုံးကကျောင်းတက်ကြတုန်းပေါ့"
"ဟုတ်တယ် အခုကကျောင်းပိတ်ရက်မို့လို့"
"မင်း ဘုန်းခန့်ကိုတော့မစိမ်းလောက်ဘူး သူ့အဖေက YK Groupကဥက္ကဌလေ"
"သြော် ဒါ အဲ့ကလေးလား တကယ်ကိုအချိန်ကုန်တာ တအားမြန်တာပဲ ကလေးတွေအရွယ်ရောက်လာတာမြင်မှ ကိုယ့်ကိုကိုယ် အသက်တော်တော်ကြီးလာမှန်းသတိထားမိတော့တာပဲ"
ကျော်သူရ၏ရွှတ်နောက်နောက်အပြောကိုအားလုံးကရယ်လိုက်ကြသည်။
လက်ရှိအနေအထားမှာနေရောင်လွှမ်း၏ဘေးနားတွင်ဘုန်းသျှန်ထက်ကထိုင်နေပြီးနေဘုန်းခန့်နှင့်နေရှိုင်းသွင်ကတစ်ဖက်ကျော်သူရကတစ်ဖက် ထိုင်နေခြင်းပင်။သူတို့၏ အရှေ့တွင်ဘီယာခွက်ကိုယ်စီရှိနေပြီးဘုန်းသျှန်ထက်ကတော့Bartenderစပ်ပေးသည့် Cocktailတစ်ခွက်ကိုသောက်နေပြီးဘေးနားတွင်တော့ဝိုင်သာထိုင်သောက်နေရှာသောနေရောင်လွှမ်းပါပင်။
"ဘာလို့ဝိုင်လဲကွာ သွေးကြောင်နေတာလား ဦးသျှန်ကိုကြောက်လို့လား"
YOU ARE READING
ALL I EVER NEED (Completed)
Romanceကိုယ်ဟာကိုယ့်ရဲ့နေ့ရက်တွေမှာသူ့ကိုချည်နှောင်ထားချင်နေဆဲ ဒီလိုနဲ့ပဲ နာကျင်လိုက်ရ၊လဲကျလိုက်ရ......။ ဒီလိုပဲ သူ့ဘက်ကကိုယ့်ကိုချည်နှောင်လာခဲ့ရင်လည်း စိတ်လိုလက်ရငြိတွယ်လိုက်ချင်သေးတာ...။ နေရော...
