Nanny and the Beast

Kabanata 4

Nang makauwi na ang mga kaibigan ni Taiden at si Suzie ay agad kong hinugasan ang mga basong ginamit nila sa pag-inom. Alas diyes na kasi ng gabi at tulog na si nay Helen. At kahit pagod ako dahil sa kakautos sakin kanina ni Taiden ay kaya ko pa naman.

Ewan ko ba bakit andami nyang utos sakin kanina. Hindi na nga kami halos nagka-usap ni Keion. Ang sarap nya palang kausap, akala ko kagaya siya ng iba nyang mga kaibigan na puro pasmado ang bibig. Hindi ko pa narinig si Keion na nagsalita ng bastos tungkol sa akin o sa ibang babae.

Kaya magaan loob ko sa kanya kesa sa Taiden na yun! And speaking of the devil.

"Exchanging phone numbers, huh..." aniya at sumandal patalikod malapit sa may sink. I raised my left brow. At nagpunas ng kamay matapos maghugas ng mga baso.

"Ano naman ngayon?" sabi ko. He chuckled and smirked.

Ano naman bang problema ng isang 'to? Ano naman ngayon kong nag bigayan kami ng cellphone numbers ni Keion? Eh mabait naman sya. Kaya hindi na ako nagdalawang isip na ibigay sa kanya ang number ko.

"Kahit nasa iisang lugar kayo, kailangan pa talagang magka text pa?" May diin nyang pagkasabi. Magka text nga kami ni Keion kanina dahil pinapabalik nya na ako sa labas. Kasalanan naman nya no kung bakit kami magka text kanina, sa dami ba naman ng utos! Kahit flower vase ipinapakuha nya para ilagay doon sa table sa labas kung saan sila nag-inuman!

"Ano nga yun sayo, ha?" Mas pina taas ko pa ang kilay ko at humalukipkip. Ngayon ko lang namalayan nakahubad pala sya! Lantad na lantad ang buong katawan nya at mukhang kagagaling nya lang maligo dahil medyo basa ang buhok nya.

Napunta ang mga mata ko sa shining shimmering abs nya! Napalunok ako at agad nag angat ng tingin ngunit parang nilubayan ng kaluluwa ko ang katawan ko ng makitang nakatitig sakin si Taiden at naka ngisi! Napansin nya yata ang mga paninitig ko sa pandesal nya! Tumalikod ako at aakmang aalis.

"Delete his number..." diin nyang sinabi. Nilingon ko sya at pinataas ang isa kong kilay.

"Ayoko, at bakit ka ba nangingialam? Cellphone ko yun, kaya karapatan ko kung ano ang gagawin ko dun..." at umalis na agad ng hindi hinintay ang sagot nya.

Akala mo kung sino makapag-utos. Well, amo ko nga siya. Pero hindi na sakop ng kapangyarihan nya na utusan akong e delete ang number ni Keion.

'Gusto mong e delete ko ha, Taiden? '

Luh, asa ka'

Maaga akong nagising kinaumagahan para maghanda sa skwela. Buti na lang at hindi gumising ng maaga si Taiden. Baka ihatid na naman ako no'n! Pero ang totoo kabaliktaran ang gusto ko. Hanggang sa nauwi ako galing sa school ay hindi ko sya nakita. Baka may lakad na naman kasama ang mga kaibigan.

"Ang bilis naman yata ng dalaw ng batang yun. Ilang araw pa ba simula ng umuwi sya? Akala ko magtatagal na yun dito..." sabi ni nay Helen.
Bigla syang nagsalita habang punas punas ang counter island sa kusina.

Nagtaka ako sa sinabi nya. Sino bang tinutukoy nya? Hindi kaya.... si Taiden? Imposible naman yata yun. Ilang araw pa lang ng umuwi sya at andito pa yun kagabi!

"Sino Nay?"

"Si Taiden..." parang may kung anong kumirot sa puso ko kaya kinapa ko ang dibdib ko. Ang weird. Bakit naman kaya umalis ulit siya? Akala ko magtatagal siya dito.

"At siya nga pala iha..." may kinuha si nay Helen sa bulsa niya, isang papel na nakatupi. Kumunot ang noo ko. "Pinabibigay ni Taiden sayo." sabay abot ni nanay sa papel. Binuksan ko ito ay nakita ko doon ang labing isang numero. Cellphone number?

"Mag text ka daw sa kanya pagkatanggap mo nito iha at may sasabihin siya sayo." Ani nay Helen.

Unang una bakit niya ibinigay ang number niya sa akin? Akala niya gusto ko 'tong makuha? At ano naman kaya ang sasabihin ng unggoy na yon?