العوض الجميل ❤️!

8

عمي رسل لينا حاجات المدرسة وكانت رهييييبة وفي منتهى الوبعلي✨ دخلنا المدرسة وأول يوم كان مميز شديد وحبيناها... كنا انا وتارا في نفس الفصل أنا ما كان عندي صحبات يعني كنت طول اليوم بكون مع تارا بس...
أما ضياء كان في مدرسة الاولاد وفاصلنا زقاق... انا كنت هاااادئه شديد ويمكن دا بي سبب الضغوطات المريت بيها كنت ما بحب الكلام الكتير ودايماً ساكته بميل لي الهدوء شديد وبحبو وبحس الهدوء دا براه كافي لي تفسير وجعي💔....

مرت السنين بي حلوها ومرها وكان كل يوم وجعي بزيد💔 وكنت بصبر وبتصبر وضياء وتارا ما فارقوني لحظة❤️ ومرت عمي ما بطلت حركاتها ولا ناويه تبطلها بالعكس كمان ماشه في زيادة كنت بستحمل وببلع اي كلمه منها عشان خاطر عمي وحبوبة وأولادها البحبهم شديد! حبوبة ما إتقطعت منها كنت بمشي ليها كل جمعة وبرجع المساء عشان القرآية و المدرسة! ...

وصلت سنة تامن وكنت معروفه بي عبقرتي كنت ذكية شديد بحفظ الدرس من الحصة وكل الناس كانت بتجي عشان أشرح ليها...المديرة كانت بتريدني شديد عشان عرفت قصتي ✨ كانت بتحبني ودايماً بتسأل مني ومن قرايتي ماشة كيف ومن درجاتي كنت دايماً أولة المدرسة ومحبوبة عند كل الاساذة ❤️ وكنت مضرب مثل لي الطالب المجتهد....
كنت بحب الإكتشاف والتفكير والتدقيق والفلسفة بحب أفكر وأحل السؤال بدون ما الأستاذ يحلو كنت بموووت في الرياضيات هي بالذات كنت بحبها أكتر من اي مادة تانية وبحب أتسلى بيها ❤️!

حبيت المدرسة عشان كانت بتطلعني من جو الحزن والجحيم الفي البيت... عمي ما نزل السودان تاني لكن كان بضرب لينا طوالي ويطمن علينا... عيون الضفدع كانت  بتعذبني شديد وما بمر يوم بدون ما تضربني و تكفتني كنت يائسة وما حصل فكرت أرفع يدي أو صوتي عليها كنت خاته إعتبار لي أولادها المهما حصل هي في الأول والآخر أمهم وأكيد ما حيرضو فيها ...
ضياء ما عرض على فكرة الهروب تاني لكن انا بعد الشفتو دا فكرت كم مرة لكن كنت بلعن الشيطان وأقول أصبر شوية إحتمال مرت عمي دي مع الايام تتغير ! ...

ضياء إمتحن تامن وهسه بقرا في تانية ثانوي برضو كان شاطر وكنا بنشرح لي بعض أما تارا كان مستواها عادي ما شاطرة وما بليدة وسط يعني ما زيي.. كنت بشرح ليها وما بقصر معاها لكن أُمها كانت بتغير مني نظام انا كيف أجيب أكبر من بتها وأكون أشطر من بتها مرات كانت بتمنعني أمشي المدرسة عشان ما أقرا وما أنجح لكن رغم دا كنت بقرا في البيت بالدس وأزيد من معلوماتي ما كنت بسمح ليها تخرب مستواي✨ ...

بقيت في نهاية سنة تامن وما فضل للإمتحانات كتير كنت متوترة شديد وخايفة لكن ضياء كان بطمني دايماً❤️! ...
كانت عندي صاحبة واحدة بس وإتعرفت عليها جديد إسمها عفراء❤️ كانت برضو يتيمه لكن الفرق البيني وبينها هي يتيمة الأب بس أما انا يتيمة الوالدين💔!

في يوم :
... جانا ضياء في  المدرسة طلعنا انا وهو وتارا ناكل إسكريم ونرجع البيت سوا إشترينا إسكريمنا وأثناء ما نحن ماشين وناكل جو مارين أولاد كدا يعني قدر ضياء أو أصغر منو بشوية كانوا بشاغلوا فيني وانا مطنشاهم لحدي ما ضياء شافهم...
قال ليهم : هييي مالكم في حاجة؟
واحد منهم قال ليه : هو شنو المافي أحي المعاك دي شاردة من الجنة ولا شنو؟😍
طوالي ضياء مسكوا دقاه دق العيش وأصحابوا جروا... دقاه لحدي ما تعب وجوا فرقوهم ناس الشارع ومشينا
قلت ليه : دا شنو العملتو دا كان تطنش بس
تارا قالت : لي يطنش أحسن الدقاهو عفيت منك
ضياء قال : كيف أطنش ما شفتيه بشاغل فيك😒
قلت ليه : خلاص أقفل الموضوع
رجعنا البيت وانا بين مبسوطة وحزينة في نفس الوقت... دخلت صليت وعملت شغل البيت وجيت قريت لحدي ما نعسته اتذكرت انو بكره الجمعة وحمشي لي حبوبة الحوووب❤️! رقدت عشان أنوم بقيت بتذكر في ضياء والموقف ولقيت نفسي بتبسم يعني بالجد دا كلو عشان الاولاد شاغلوني غايتو لكن هو زاد الجرعة حبتين اه ما علي هسه أحسن انوم 😴...

#ك~سر~ة...
شكراً لمن يعرض حياته للخطر من أجلنا❤️ شكراً لمن يهتم لأمرنا ✨شكراً لمن يحن علينا ✨وسلاماً علي من يرسم البسمة على وجوهِنا ❤️!

# يتبع