صحيت الصباح بدري شديد قبل الصبح إنتظرت عيون الضفدع جات فتحت لي الباب ومشت نامت انا كنت بفكر...
قلت : (دي مالا بتقفل الباب خايفاني أهرب يعني ولا فهمها شنو 🤔) اه غايتو ما على...
مشيت سويت الشغل العلي كلوووو وجيت صليت الصبح وإتجهزت عشان أمشي معاهم أشوف المدرسة إنتظرتهم لحدي ما صحوا وشربوا الشاي ولبسوا حتى مرقنا مشينا مدرسة ضياء عشان نسجل انا وتارا معاه ونكون في نفس المدرسة! دخلنا وكانت حلوة شديد (أنا ما قريت روضة نسبةً لي الظروف المريت بيها قلت ما دايره لكن تارا قرت وضياء برضو لكن أصلاً هو كان فايتنا بي سنتين عشان أكبر ممنا وهسه نحن حننزل أولى وهو حينزل تالت )... رجعنا البيت مرت عمي وصلتنا وطلعت الشغل....جيت داخله البيت وكلي حماس حتى ضياء وتارا كانوا متحمسين لكن ما قدري طبعاً جيت دايره أدخل المخزن ناداني ضياء
قال لي : تعالي أقعدي معانا شوية لحدي ما أمي تجي
قلت ليه : طيب
جيت قعدت وبدينا نحكي عن المدرسة وحنعمل شنو ووو لحدي ما تارا قالت نعسانه ماشه تنوم عشان صحت بدري وما تمت نومتها مشت وفضلنا انا وضياء
قلت ليه : وإنت ما نعسان؟
قال لي : حتى لو نعسان مدام لقيت فرصة أقعد معاك أكيد ما حفوِتها😊 أها فكرتي في الموضوع القلتو ليك؟
قلت ليه : اي لكن انا ما دايرة أزعِل عمي عشان كدا ما بقدر
قال لي : شمس الموضوع دا بالذات ختي قلبك بعيييد ودوسي عليه وفكري بي عقلك
قلت ليه : ربنا يسهل
قال لي : إنتي مرتاحة في المخزن دا يعني بتنومي كويس؟
قلت ليه : هو في الأول والآخر نوم يعني ماشي الحال
قال لي : طيب تعالي داير أوريك حاجة
قلت ليه : شنو؟!
قال لي : تعالي معاي بس
مشيت معاه غرفتو وكانت تووووحفة دخلنا طلع لي دفتر كبييير وأداني ليه
قال لي :إتفضلي الدفتر دا ليك لمن تتعلمي الكتابة أن شاء الله أكتبي فيه أي حاجة عايزاها وإتعلمي تعبري عن الجواك وما تحبسي كلامك و مشاعرك كويس😊
قلت ليه : بالجد انا بريدك شديد ياخ🥺❤️
قال لي: وأنا كمان يلا هاك البطانية شيليها معاك ودخليها قبل ما أمي تجي
قلت ليه : حاضر يلا سلام
قال لي : مع السلامة✨
وعلى كدا مشيت مخزني دخلت البطانية ودسيت الدفتر! ( تعالوا أوصف ليكم الدفتر كان دفتر كبييير لونو اسود بالذهبي🖤 رااااقي وورقه ناعم وحلو وفيه قلم أسود قلت حأحتفظ بيه لحدي ما يجي الوقت المناسب عشان أكتب فيه🖤) ...
بعد دسيت الدفتر والبطانيه طلعت برا لقيت مرت عمي جات سويت الحاجات العلي كلها ورجعت مخزني تاني رقدت وإتغطيت بي البطانية الأدانى ليها ضياء وكنت مبسوطة شديد عشان هو شايل همي وكدا❤️...إتغطيت وإدفيت من البرد... ونمت ولأول مرة وانا مبتسمة✨...
# خا~طر~ة ...
_
إلى ذلك الذي يحمل همي كن مطمئناً فأنا بخير لأجلك💜💫✨!
#يتبع
أنت تقرأ
العوض الجميل ❤️!
Storie d'amore#رواية سودانية❤️✨ بقلمي📝 : آية هيثم ... _ شمس بت يتيمة عانت شديد في حياتها ياما إتظلمت وياما إتوجعت وياما تِعبت💔... فقدت أعز الناس ليها بالتدريج ! ...لكن ما يئست صبرت وربنا عوضها وكلنا عارفين عوض ربنا جميل ! ... جميل شديد❤️✨
