دنيا قالت ليها : هيييييي إنتي قلنا معليش خلاص أمشي شوفي ليك شغلة😒
البت : ما معليش وإعتذر مرفوض الليلة إلا اوديكم للمديرة😠
قلت ليهم : ماف داعي يا جماعة خلاص
دينا : لالا في داعي أرح ودينا بالله يا بت😒
البت : اي بوديكم أصلاً مدام أمكم وأبوكم ما عرفوا يربوكم المديرة بتربيكم😠
(إتخيلوا بس أنا مما جابت سيرة أمي وأبوي قمت عليها ردحت فيها ما عارفة أنا إتعلمت الردح دا وين لكن بس كلو إلا أمي وأبوي خطين حمر🤬)
قلت ليها : لِمي نفسك وما شغلتك نحن عشان سكتنا ليك دايره تتمادي؟ وبعدين أمك انتي الما عرفت تربتك لو كانت ربتك ما كنتي إتواقحتي كدا وتاني حسك عينك أسمعك جبتي سيرة أمي وأبوي على لسانك عشان ما أقطعوا ليك وأديه ليك في يدك فاهمه؟ 😠
دينا :إتلمي يا بت ما ناقصين قلة أدب نحن وهسه حنخليك لكن تاني تكرريها قسماً عظماً نشرِحك... إنتي بتهظري ولا شنو؟😠
البت : لالا خوفتوني😏
دينا : لازم تخافي😒
قلت ليها : خلاص أرح يا دنيا وإنتي يا بت ما أشوف خلقتك دي تاني قدامي
دينا : غايتو مخير الله قال دي جاية تعلمنا الأدب تفووو عليك وعلى أمثالك😒...
وعلى كدا وجعنا شجرتنا وأنا ببكي وفي لحظتها أنا ودينا طبقنا مقولة " اتقي شر الحليم إذا غضب"
دينا : مالك هسه نحن أخدنا حقنا وبي زيادة كمان ما تبكي
قلت ليها : أمي وأبوي كيف تنبزهم لي؟
قالت لي : هم متوفين ولا حيين؟
قلت ليها : متوفيين💔
دنقرت رأسها وقالت : ربنا يرحمهم🤲🏻
قلت ليها : آمين🥺
قالت لي : خلاص قومي غسلي وشك الفسحة إنتهت وما تبكي خليك قوية وأوعى تبكي قدام زول حتى لو كنت أنا دايماً خليك ضاحكة وأظهري قوتك لي كل الخلق فاهمة؟
قلت ليها : فاهمة😔
حضنتني ومشت معاي غسلت وشي ورجعنا الفصل....
.....
مرت الايام وخلصت سنة أولى و تانية وكنت دايماً أولة المدرسة ما كان عندي إختلاط مع اي زول غير دنيا ... حرفياً كدا بقت أختي وأكتر بنقضي اليوم كلو مع بعض وبنذاكر مع بعض وبنفضفض لي بعض حبيتها شديد كنا محصورين في بعض بس.... جات الإجازه والسنه الجاية نازله تالتة قضيت الإجازه كلها طلعات مع حبوبة وجدو و وإتبسطت شديد وحسيت الحياة بدت تضحك لي...
بدت سنة تالت ومن الأول كنت جادة شديد بقرا الدرس قبل ما يدونا ليه زاتو... المديرة كانت خاتاني في بالها ومهتميه بي شديد كنت منافسة قوية لي كل المدرسة✨ حبوبة غيداء وجدو ياسر ما قصروا معاي وكل يوم بحبهم أكتر وبزيد إهتمامهم بي وانا ما زلت شمس الهادئة ديك... شمس الانطوائية عديمة الضحكة💔... شمس الآخر فرحتها إبتسامة بس✨ شمس الظلمتها الدنيا وقست عليها وخلتها تقول الروووووب💔... لكن هانت يا شمس وقربتي لي حلمك لازم أجتهد شديد عشان أحقق البحلم بيه يوماتي!
#ك~سر~ة
أيا حُلمُنا القريب نحن آتون إليك🚶🏼♂️فقط تحلى بالصبر✨ قربت المسافة✨ وكثرة العزيمة✨ فقط كن في إنتظارنا💜
.... قريباً......
# كتابتي
______________
# يتبع
أنت تقرأ
العوض الجميل ❤️!
عاطفية#رواية سودانية❤️✨ بقلمي📝 : آية هيثم ... _ شمس بت يتيمة عانت شديد في حياتها ياما إتظلمت وياما إتوجعت وياما تِعبت💔... فقدت أعز الناس ليها بالتدريج ! ...لكن ما يئست صبرت وربنا عوضها وكلنا عارفين عوض ربنا جميل ! ... جميل شديد❤️✨
