العوض الجميل ❤️!

5

صحيت الصباح بي حركة حبوبة كانت قاعدة جمبي في طرف السرير وبتمرر يدها في شعري وبتتبسم لمن حست بي صِحيت
قالت لي : صباح الخير❤️
قلت ليها : صباح النور كيف أصبحتي😊
قالت لي : تمام التمام يلا قومي صلي الصبح وتعالى نومي تاني
قلت ليها : حاضر
... حبوبة طلعت وقفلت الباب وانا دخلت الحمام إستحميت وإتوضيت وجيت صليت ودعيت لي ماما وبابا كالعادة ودعيت لي حبوبه بي طول العمر❤️... رقدت في المصلاية وبقيت بعاين للسقف
وأقول لي نفسي : اااه أول مره أصحى بي الحنية دي وأول مره أصلي الصبح حاضر قبل ما أعمل اي شي وأول مره زول يقول لي صباح الخير! وأول مره أكون مرتاحة نفسياً لي الدرجة دي ربنا يحفظك لي يا حبوبة وما يحرمني منك يارب 🤲🏻....

رقدت في السرير حاولت أنوم ما قدرت لانو أصلاً انا ما متعودة على الراحة دي 💔 فقمت طلعت برا لقيت حبوبة بتقرا في قرآن قعدت جمبها قامت قفلت المصحف وبقت بتعاين لي
قالت لي: مالك ما نمتي تاني
قلت ليها : ما جاني نوم
طوالي نادت برتقالة وقالت ليها : جهزي الشاي لي شمس
قلت ليها : خليني بجهزو براي يا حبوبة😊
قالت لي : لا كيف تجهزيهُ براك وإنتي لسه طفلة لنفرض لا قدر الله إتشيتي ولا إتكشح فيك لالا ما برضى إنتظري خلي برتقالة تجهزو ليك
... في قلبي قلت :( اااه يا حبوبة إنتي لو تعرفي انا بستحمل وبعمل شنو ولو شفتي التعب البتعبو ما حتصدقي 💔 اااه لو تعرفي بالجواي 💔ااااه لو تعرفي الدنيا سوت فيني شنو💔... أول مره زول يحن علي كدا🥺 اصلاً انا ووووين شفت الحنان غير عندك وعند عمي وضياء؟! )
جات برتقالة وجابت لي الشاي شربتو ورقدت في رجلين حبوبه بقت بتمسح لي بي يدها في شعري
قالت لي : متأكده أنك سعيدة لي أنا شايفة في عيونك حزن ما بتوصف؟!
قلت ليها : لي الكلام دا هسه انا كويسة ومبسوطة😊
قالت لي : مرت عمك بتعاملك كويس؟
قلت ليها : اي ما تشيلي همي... هسه خلينا من دا أرح أحكي لي عن ماما وبابا شوية لو ممكن
قالت لي :إنتي تأمري يا ستهم ❤️ أكيد بحكي ليك لكن اااه مهما حكيت وحكيت ما حأقدر أعبر عن الجواي ولا حأقدر أوصفهم! ...

أمك الغالية كانت بسيييطة شديد ورااايقة وراااقية كانت زولة الله ودايماً عليها كانت ضاحكة ورغم وضعها أو ممكن نقول وضع الناس الربوها الكان فوق الممتاز بي كتر لكن قبلت بي أبوك اللي كان وضعو على قدرو ووقفت معاه لحدي ما كون نفسه ... أمك مره مثالية وفخر لي المرأه السودانية أمك نعمة يا شمس أمك مهما أحكي ليك عن حنيتها وطيبتها ما حقدر أوصفها❤️....
قشيت دموعي وقلت ليها : ربنا يرحمها🥺... اها طيب وبابا؟!

قالت لي : أبوك اااه انا من أبوك ...أبوك كان آخر العنقود كنت بريدو شديد وكان المدلع عندي كان شهم وبي مية راجل كل الناس كانت بتحلف بيه كان مثل وقدوة لي كل الشباب كان بحب أمك شديد وكان متعلق بيها لحدي ما انا حبيتها من حبو ليها وأمك كانت قدر الحب والريدة❤️... أبوك كان بحب يعتمد على نفسه ومها يحصل ما كان بقبل مساعدة من زول أبوك رغم قروش جدك الكتيرة إلا إنو ما كان بقبل بيها قال هو داير يبني نفسه بي نفسه وما داير شي من قروش أبوه... أبوك كان غااالي وعزيز على كل الناس🥺... وربنا يرحمهم ويغفر ليهم ويدخلهم فسيح جناته🤲🏻
بكيت وبشدة😭💔 مسحت لي دموعي...
قالت لي : انا ما حكيت ليك عشان تبكي انا حبيت أحكي ليك عن أبوك وأمك وأشاركك تفاصيلهم وذكراهم
قشيت دموعي وقلت ليها : الله يرحمهم لو تعرفي قدر شنو إشتقت ليهم يا حبوبه🥺💔
قالت لي : أدعي ليهم يا بتي أدعي ليهم... ويلا قومي غسلي وشك وتعالي نفطر😊

مشيت غسلت وشي وجيت فطرنا وقعدت أتونس مع حبوبة لحدي العصر صلينا وإتغدينا ورجعنا تاني نتونس لحدي ما جاء بليل وجاني السواق عشان يرجعني البيت ودعت حبوبة ووصتني على نفسي وقالت حتضرب لي عشان تتضمن علي ودعتني ووصلتني لحدي الباب سلمت عليها في رأسها❤️! بالجد حبوبة دي  فرحتي في الدنيا بريدها شديد ياخ لمن أكون قريبة منها بحس نفسي قريبة من أبوي وبشم فيها ريحتو ما أصلاً هي من ريحة الغااالي❤️ كانت أكتر إنسانه حنينة علي وأكتر إنسانة شايله همي عشان كدا سجلتها في حياتي بي معنى (الحنان❤️! ).....

مشيت ركبت العربية عشان أرجع تااااني لي البيت... بيت الجحيم... جحيمي الأبدي💔!

#خا~طر~ة....

ويبقى دائماً وسط هذا الكم الهائل من الأشرار الشخص  الزي يقوم بكسر ذلك الشر ويتقلب عليه ليجعلك سعيداً دائماً❤️...!

# يتبع....