العوض الجميل ❤️!

12

فتح لي الباب راجل كبير كدا وشو بشووووش متشبب وظاهر عليه العز والراحة
قالت ليه : السلام عليكم😊
قال لي : وعليكم السلام بس معليش دايرة منو يا بتي؟
قلت ليه : إنت جدو ياسر؟
قال لي : أيوه انا ياسر بس إنتي منو؟
قطع كلامنا صوت مره أُنوووثي وناااعم✨
قالت : دا منو دا يا ياسر؟
قال ليها : تعالي يا غيداء
جات وكانت مره برضو كبيرة لكن ما ظاهر عليها الكبر كانت رشيقة ومتشببة وبرضو ظاهر عليها الراحة والعز
....
عاينت لي مسافة زي الشبهتني...
قالت لي : أهلين يا بتي إنتي منو؟
قلت ليها : انا شمس
المره إتخلعت ودمعت وحضنتني عليها قووووي
قالت لي : شمس بت سمر الغالية🥺؟
قلت ليها : أيوه
نادت جدو ياسر....
قالت ليه : دي شمس بت سمر يا ياسر
الراجل إتخلع وجاء سلم علي سلام حلو شديد... من لحظتها عرفت قدر شنو هم كانوا بحبوا أمي❤️✨
دخلوني البيت وكان توووووحفة جات الشغالة ضيفتني عصير...

قالوا لي : وينك يا بتي طولنا منك كيفك وكيف أخبارك وصحتك
قلت ليهم : تمام الحمد لله
حبوبة غيداء : والله قدر ما حاولنا نصل ليك ما قدرنا إنتي ما بتعرفي معزتنا لي سمر دي قدر شنو💔
قلت ليها : عارفة والله✨
جدو ياسر : الله يرحمها بتنا الغالية كانت طيبانة💔 والله لو تعرفي نحن حاولنا قدر شنو عشان نجيبك تعيشي معانا ما كنتي حتصدقي
قلت ليه : وأنا هسه جيتكم براي وحابه أعيش معاكم لو ما عندكم مانع طبعاً
قالوا لي : مانع شنو ياخ انتي بت بتنا حبيبتنا ❤️ونحن لاقنك وين ياخ!
قلت ليهم : تسلموا كتير
جدو ياسر مشى وخلانا انا وحبوبة غيداء برانا عشان ناخد راحتنا...

قالت لي : والله يا شمس لو تعرفي أنا قدر شنو مبسوطة ما حتصدقي
قلت ليها : أن شاء الله دايماً مبسوطة
قالت لي : أها إنتي بقيتي في سنة كم يا بتي
قلت ليها : انا إمتحنت تامن يا حبوبة
قالت لي : الله كلمة حبوبة دي أنا كنت بشتهيها إشتهى+ ماشاء الله كبرتي والله
قلت ليها : اي
قالت لي : طيب يا بتي عشان ما تتحسسي مننا انا زي حبوبتك وياسر دا زي جدك إتعاملي معانا عادي وما تختي حواجز بينا ونحن يشهد الله ما حنقصر معاك إنتي من ريحة الغالية ياخ ومن اللحظة دي انا حبوبة غيداء وداك جدو ياسر حاضر يا بتي؟ ❤️ ✨
قلت ليها : حاضر يا حبوبة وأنا زاتي والله حبيتكم وإنتوا كمان من ريحة أمي الغالية!
قالت لي : الله يرحمها ✨

نادت الشغالة وكان إسمها "جميلة" قالت ليها : يا جميلة تعالي وري شمس غرفتها وين خليها ترتاح...
جات جميلة وانا قلت لي حبوبة غيداء : تصبحي على خير
قالت لي : وإنتي من اهلووو يا بتي ❣️
وعلى كدا مشيت الغرفة لقيتها حلوة شديد وكبيرة وبي حمامها وأصلاً البيت كلو كان فخم كان فيلا حلوة شديد وراقية رقدت في السرير وبدون تفكير طوالي نمت😴....

#ك~سر~ة

هناك أُناسٌ هم لنا منبع راحة وأمان فيا رب أدمهم لنا فهم من رائحة الأحبة ❤️✨!

# يتبع