عدت الايام على خير وصابح بكرة أول يوم لي في المدرسة الحمد لله وزعوني في مدرسة حكومية (أ) في المحلية جدو ياسر قال لي لو ما دايرة الحكومي بنقلك المدرسة الدايراها قلت ليه لالا بس بخش مدرستي دي وأصلاً كانت مدرسة نموذجية وممتازة شديد✨...
كنا بنشرب في الشاي....
جدو ياسر : يا غيداء بعدين سوقي شمس المول وأشتري ليها حاجات المدرسة وأي حاجة عايزاها
حبوبة غيداء : أي أصلاً من الصباح بفكر ونحن إتاخرنا شديد كان مفروض من بدري نجيبهم
قلت ليهم : ما مشكلة هسه ما فات شي وأصلاً أنا ما دايرة حاجات كتيرة😊
جدو ياسر : يا بتي تشتري أي حاجة في نفسك وأي حاجة تعجبك أصلاً نحن عندنا كم شمس❤️
بستو في رأسو😘 وقلت ليه : تسلم لي إنت يا أحلى جدو
حبوبة غيداء : طيب يا شمس أجهزي عشان نمشي مع جدك يوصلنا في طريقهُ....
قلت ليها : حاضر
مشيت جهزت وطلعت لقيتها جهزت مشينا مع جدو المول إشترينا أي حاجة وحبوبة غيداء خمت لي المول كلو بالجد حبوبة دي كرييييمة شديد إشترت لي الدايره والما دايراه لحدي ما خلصنا قريب الضهر جانا جدو راجع
رجعنا البيت ومشى شغله تاني... انا دخلت وكنت مبسوطة شديد بي الحاجات الجبناها كل دقيقة أمشي أفتح الأكياس أعاين وأجي راجعة ❤️ إتبسطت وعجبني إهتمامهم دا❣️...
فطرنا وأثناء ما نحن بنفظر..
حبوبة غيداء : يا شمس أها ناقصك شي؟ نسينا شي؟
قلت ليها : لالا يا حبوبة كل شي تمام
حبوبة غيداء : طبها بكره أول يوم ليك ويا بتي الثانوي دا مرحلة صعبة ما تختلطي مع أي بت وما تدي سرك لي زول وما تصاحبي ساي وما تخلي التوافهه تشغلك خليك في قرايتك بس وحافظي على مستواك وركزي كويس عشان تتذاعي لينا تاني وما تصاحبي صديقات السوء انا عارفة سنك دا سن صعب وياداب شخصتك حتبدأ تتكون فحافظي على نفسك عشان ترفعي راسنا بعدين
قلت ليها : حاضر يا حبوبة وإطمني أنا بت واعية😊
قالت لي : عارفاك انا يا حليوة❤️!
......
عدا اليوم عااادي وجاء جدو برضو يطمن علي وسألني إذا محتاجة شي قلت ليه لا... وصاني على نفسي وأنا طمنتو✨...
دخلت غرفتي صليت العشاء وجيت أنوم عشان بكره حصحى بدري لكن ما جاني نوم رقدت وبقيت بفكر في كلام جدو وحبوبة بالجد انا لازم أعمل حسابي ويحليل عفراء وتارا هسه كانوا حيكونوا معاي😔 ( إتلاقيت مع عفراء قبل كدا بالصدفة وقالت لي جابت 270 وقالت تارا جابت 265
فرحت ليهم شديد وباركت ليها ومن يومها تاني ما لاقيتها) فكرت لحدي ما لقيت نفسي نمت😴
....
#ك~سر~ة
مرحلة جديدة وواقع جديد وحياة جديدة يا تُرى ماذا يخبئ ليّ القدر؟! ❤️✨
#يتبع
أنت تقرأ
العوض الجميل ❤️!
Любовные романы#رواية سودانية❤️✨ بقلمي📝 : آية هيثم ... _ شمس بت يتيمة عانت شديد في حياتها ياما إتظلمت وياما إتوجعت وياما تِعبت💔... فقدت أعز الناس ليها بالتدريج ! ...لكن ما يئست صبرت وربنا عوضها وكلنا عارفين عوض ربنا جميل ! ... جميل شديد❤️✨
