العوض الجميل ❤️!

15

مروا شهرين وفي الشهرين ديل كل يوم حبوبة غيداء وجدوا ياسر بثبتوا لي إنهم قدر الثقة الأدتهم ليها حبوبة وأكتر❤️! حبيتهم شديد وكانوا بهتموا بي وما قصروا معاي وما حصل سمعت منهم كلمة شينة✨...!

الليلة يوم نتيجتي...
صحيت من الصباح صليت ودعيييت ربنا يوفقني ويديني ألفي بالي و أجيب درجة عالية شديد وأدخل مدرسة نموذجية وما أكلف جدو ياسر معاي... مديرة المدرسة كانت خاته أملها وثقتها فيني وأنا ان شاء الله ما حخيب ظنها...
طلعت برا شربت الشاي وسلمت علي جدو وحبوبة...
قالوا لي : اها حاسة بشنو؟
قلت ليها : متوترة وخايفة شديد والله
قالوا لي : ما تخافي أن شاء الله تجيبي أحلى درجة
... أدوني كم دعوة كدا حلواااااات✨
فطرنا وانا مشيت صليت ركعتين ودعيت ربنا من جووووه قلبي انو أجيب درجة حلوة ترفع رأس كل الناس...
طلعت برا فتحنا التلفزيون وأنا قعدت في الكرسي والمؤتمر بدأ وطبعا المقدمة التافهة ديك ماف داعي أتكلم عنها بالجد زادتني توتر... بقيت قاعدة وبهز في رجليني لحد ما بدوا يزيعوا زاعوا كم زول وفجأة...
قالوا : شمس سمير محمد علي...
اسم الوالدة : سمر محمد أحمد الزبير... الدرجة: 278‪
اللحظة ديك انا بقيت بين مصدومة وفرحانة كان شعور حلو وغريب في نفس الوقت❤️! ...

جات حبوبة غيداء حضنتني وبدت تزغرت وجدو ياسر بأس راسي وبارك لي وجميلة برضو باركت لي ... ولأول مره أحس بي طعم الأسرة كنت فرحانة شديد وأكتر شي فرحني و حتى ممكن نقول أكتر من نتيحتي زاتها اسم أمي وأبوي لمن إتقال✨ الله بالجد في اللحظة ديك حسيت إني قربت أصل لحلمي وحلمهم 💫يا ربي لو كانوا في كان حيعملوا شنو؟! بكيييت شديد إتزكرتهم وإتزكرت حبوبة وضياء وتارا... ضياء التعب معاي ياربي حصل معاه شنو؟ وهو كيف؟ لو يعرف قدر شنو إشتقت ليه🥺... وتارا يا ربي جابت كم؟ وعفراء يا ترى جابت كم؟!
كانت في أسئلة كتيرة في بالي بكيت قدرتي لكن ما عارفة هل يا ترى دي دموع الفرح ولا ما هل؟
جدو ياسر : إتجهزوا الليلة حلففكم البلد دي كلها على شرف نجاح أميرتنا
حبوبة غيداء : وأحلى نجاح... والله يا بتنا رفعتي راسنا وفرحتينا الله يفرِحك كمان وكمان 🤲🏻...

مشينا لبسنا وانا لسة ما ناوية أوقف بكى طلعنا وجدو لففنا البلد كلها وآخر شي إتغدينا في مطعم وإشترينا إسكريم... جدو مشى محل كدا وقف العربية ونزل كان محل صايغ جاء طالع أداني كيس هداية كانت جواه علبة فتحتها لقيت فيها سلسل دهب! انا إتصدمت
قلت ليه : جدو دا شنو لي تكلف نفسك ياخ
قال لي : أسكتي ساي والبسيه وتتهني بيه أن شاء الله إنتي الجبتيه ما هيّن
حبوبة غيداء : زي ما قال ليك البسي ساي حبيبتي😊!
... فرحت من فرحتهم دي وياداب حسيت بالإنجاز✨...

وصلنا البيت وانا صليت وقضيت اليوم مع جدو وحبوبة الحُنان وكان يوم مميز شديييد❤️ مشيت غرفتي رقدت عشان أنوم الباب دق وكانت دي حبوبة غيداء
قالت لي : شمس نمتي؟
قلت ليها : لا يا حبوبة دايرة حاجة؟!
قالت لي : هاك الكيس دا يا بتي دي هديتي ليك 😊
قلت ليها : شكراً يا حبوبة لكن ما كان تتعبي نفسك
قالت لي: ماف تعب حبيبتي!
فتحت الكيس وكان جواه علبة فتحتها وكان فيها إسوره بتاعت فضة
قالت لي : دي حقت أمك الله يرحمها دي من ضمن الحاجات الخلتهم عندنا
بكيت وشكرتها ولأول مره القى حاجة من ريحة أمي طوالي لبست الإسوره وقررت إني دايماً أكون لابساها عشان أحس إنو أمي جمبي وقريبة مني❤️!

#ك~سر~ة

نتمسك بأقل الأشياء التي من ريحتهم لتفضل زكراهم وتفاصيلهم حولنا✨ لكي نشعر أنهم بالقرب منا دائماً وأبداً ❤️!

# يتبع