العوض الجميل ❤️!

23

مرت الأيام والليلة كان صابح يوم النتيجة صحيت الصبح صليت ودعيت ربنا من جوه قلبي يفرحني ويديني ألفي بالي لأنو دا اليوم الحِتحقق فيه مصيري وحلمي✨...
________

طلعت برا حبوبة وجدو دعوا لي شربنا الشاي وفطرنا ضربت لي دنيا الكانت متوترة أكتر مني طمنتها ودعينا مع بعض شوية كدا وجاء وقت المؤتمر....
كنت قاعدة على أعصابي وبرجف أديت رقم جلوسي لي جدو عشان يطلع لي النتيجة لأني ما كنت قادرة كان كل ما يدخِل الرقم النتيجة ما بتطلع فضلنا علي الحال دا لحدي ما بدأ المؤتمر وأنا بعاين كنت مركزة شديد وبدعى أسمع إسمي وإسم أمي وأبوي تاني في التلفزيون زي ما سمعتو في سنه تامن... بس قبل ما أتم دعوتي أسمع ليك
شمس سمير محمد علي
إسم الوالده : سمر محمد أحمد الزبير
النسبة : 93.1
اللحظة ديك عما الصمت حصلت حاله صمت كدا غريبة
شوية كدا وبقيت بكورك...
نجحت نجحت نجحت يا ماما نجحت يا بابا نجحت يا حبوبة خلاص حأحقق حلمكم بابا سمعت إسمك؟! ماما سمعتي إسمك؟! شايفين بتكم رفعت ليكم راسكم كيف شايفين ياريتكم لو كنتوا قاعدين ااااه ياريتكم بس الفرحة بدونكم ناقصة😭😭😭...
حبوبه غيداء جدو ياسر سمعتوا دا إسمي دا إسمي يا ناس شمس سمير وإنهرت ما عارفة ديك كانت دموع فرح ولا حزن! 💔✨
حبوبة بدت تزغرت وجدو ببوس في وراسي
جدو : ألف ألف مبروك يا المبروكة✨
حبوبة : بتي يا ناس بتي ( وبتبكي)❤️
انا حضنتهم وقعدت جات جميلة تزغرت...

ياااااه لو تعرفوا شعوري ما عارفة نفسي فرحانة ولا زعلانة إتمنيت ماما وبابا وحبوبة لو كانوا معاي في اللحظة دي ااااه يا دنيا يا فراقة💔 مسحت بي يدي إسورة أمي الأدتها لي حبوبة قبل تلاته سنين الما فارقت يدي أبداً حسيت إني هديت شوية🥺...
قمت غسلت وشي وإتوضيت وجيت صليت ركعتين شكر لي ربنا ودعيت لي ماما وبابا وحبوبة.... ضربت لي دنيا وطلعت جابت 91 باركنا لي بعض وبكينا سوا الله... الله يضوقكم الشعور دا 🤲🏻✨

جدو طلعنا كلنا فسحنا ولففنا البلد كلها وجاب لي هدية حلوة شديد جاب لي ساعة دهب كانت فخمة ورااااقية ✨
حبوبة جابت لي سلسل فضة رفيع وراقي شديد✨ جميلة جابت لي لبسة حلوة شديد كانت عبارة عن إسكيرت أسود وبلوزه مشكله بالاسود واللحمي وطرحة وجزمه باللحمي وشنطة كيوووت بالاسود فرحت شديد وحسيت بي حلاوة العائلة حسيت بالاحتواء❤️✨
________

مرت الايام قدمت طب في كم جامعة وقبلوني في جامعة(....)
ودنيا كانت رغبتها صيدلة قدمت في جامعة(....) وقبلها
ما قبلونا في نفس الجامعة للأسف لكن برضو ما حننقطع من بعض وما حنسمح للظروف تفرقنا ✨....

مشيت مع دنيا وجميلة السوق عشان نشتري حاجات الجامعة وحبوبة ما قدرت تمشي معانا عشان كانت تعبانة شوية... خمينا السوق إشترينا أنا ودنيا حاجات الجامعة وإشترينا لي جميلة معانا عشان مشت معانا وأنا ما بحب تكون عندي حاجة وهي ما تكون عندها ✨وعلى كدا رجعنا البيت وصلنا ورينا حبوبة حاجاتنا وعجبوها شديد دنيا إتغدت معانا ورجعت بيتهم أنا قعدت مع حبوبه وجدو شوية ومشيت على غرفتي رقدت وسرحت.....

قلت : اااه يا دنيا ياما زمان تعبت معاك لكن شكلك حتحلوي ✨صبرت يا رب ويا رب صبري يطلع بي فايدة✨ قربت يا حلمي قربت ما فضل كتير جاياك وأصلي وراك وما حنساك بس أصبر علي ✨ حفرِحكم يا ماما وبابا وحبوبة وحأرفع راسكم قدام الخلق❤️...
يا ربي تارا جابت كم؟ وحصل معاها شنو؟.... وضياء أخباره شنو؟ يا ربي مشتاقين لي زي ما أنا مشتاقه ليهم؟ 🥺... طيب عمي يا الله حصل عليه شنو بكون زِعل؟ يا ربي بفتش علي للآن ولا نساني؟ عيون الضعدع يا الله حاسه بالندم ولا بتكون بتقول هم وإنزاح وبركة الجات منها.... ااااه عندي أسئلة كتيره في بالي لكن مع الزمن أكيد حألقى ليها جواب ✨ ........
_____________

#عبا~ر~ة
_

تُقتلع الأحلام من المتاعِبِ والعقبات ❤️✨!

#يتبع