العوض الجميل ❤️!

6

أول مما وصلت البيت دخلت لقيت عيون الضفدع قاعدة منتظراني
قالت لي : تعالي إترذعي هنا دايراك😒
قعدت وقلت ليها : نعم
قالت لي : ما تكوني قلتي لي حبوبتك حاجه كدا ولا كدا😒
قلت ليها : أبداً ما قلت شي وما جبت سيرتك إلا بي كلو خير
قالت لي : اااا خلاص سمح يلا قومي نضفي البيت دا نسيتي إنك كنتي يومين برا البيت يلا البيت محتاج نضافة والمطبخ بالذات نضفي حتى تنومي...
ما عرفت أعمل شنو قمت نضفت وغسلت العدة وبعد خلصت صليت ودخلت مخزني وهي طبلت علي الباب بقيت قاعدة في الأرض إتكلت على الركن وحسيت نفسي مرهقة شديد 😫
قلت في قلبي : اااه يا شمس عشان عِشتي ليك يومين حلوين إتعودتي على الراحة خلاص شكلك كدا💔... بعد كنت جاية مبسوطة نكدت على المره دي ولا أصلاً انا حياتي كلها نكد😔💔 يعني عشان عشت لي يومين مبسوطة ومرتاحة حفتكر كل أيامي كدا...! اااه من الزمن خلاص رجعت لي حياتي الطبيعية واليومين ديل ما كانوا غير فااصل وتاني رجعت عشان أواصل💔... سرحت لحدي ما لقيت نفسي نمت😴...

صحيت الصباح بي عيون الضفدع بتضرب فيني عشان أصحى قمت مخلوعة بقش في عيوني
قالت لي : نايمة ليها شنو قومي يعني عشان إرتحتي ليك يومين قايلة نفسك حترتاحي للأبد قومي شوفي شغلك😤
قمت مشيت سويت الشغل العلي كلو وهي كانت طلعت مشت الشغل الأنا ذاتي نفسي أعرف المره دي شغالة شنو؟ جيت أصلي الصبح الفاتني بي سببها  أثناء ما أنا بصلي جاني ضياء خلصت وعاينت ليه
قال لي : تقبل الله✨
قلت ليه :منا ومنكم😊
قال لي : كيفك؟!
قلت ليه : بخير الحمد لله كيف إنت وتارا بقيت ما بلقى فرصة أقعد معاكم
قال لي : كويسين لكن هسه خليك مننا إنتي لي متحملة العيشة دي لي صابرة للآن؟!
قلت ليه : دا واقعي وكلو مقدر ومكتوب😔
قال لي : بس إنتي ممكن تغيري الواقع دا لو دايره
قلت ليه :كيف؟!
قال لي : أهربي وأنا بساعدك
قلت ليه :  أهرب كيف إنت جنيت؟!
قال لي : لا ما جنيت لكن دا خيارك الوحيد وخليك عارفة في أي لحظة توافقي على الهروب انا حساعدك ما تنسى أنا أخوك مش إنتي بتقولي كدا
قلت ليه : اي
قال لي : خلاص فكري في كلامي دا كويس + هاك الكيس دا فية حلويات وعصاير ✨
شلت الكيس وهو مشى غرفتو.....

... بديت أفكر في الموضوع العرضو علي لكن هزيت راسي وقلت:  لا يا شمس كدا حتزعِلي خالك أوعِك..
شوية كدا وجاتني تارا إتونست معاي شوية لحدي ما سمعنا حركة في باب الشارع وشكلها دي مرت عمي طوالي تارا جرت دخلت غرفتها عشان أمهم ما كانت بترضى يقعدوا معاي 💔 جات داخلة....
قالت لي : عملتي الأكل؟
قلت ليها : اي عملت اي شي
قالت لي : أنا فطرت برا ما عايزه فطور لكن بعد ساعتين كدا القى الغدا جاهز فاهمه
قلت ليها : فاهمه
دخلت مخزني وحبوبة كانت علمتني كيف أخيط بالكُروشي طوالي بديت أخيط بي صوف لونو أزرق كنت دايرة أخيط شال لي ضياء❤️ بديت ومشيت كويس وقضيت زمن وبالجد إتسليت لكن قبل ما أتم الشال جات عيون الضفدع فتحت الباب...
وقالت لي : يلا قومي جهزي لينا الغدا 😒
ختيت الإبرة والخيط وقمت مشيت جهزت ليهم الغدا وإنتطرتهم لحدي ما خلصوا عشان ألِم العدة وأغسلها وآكل باقي الأكل حقهم لانو عيون الضفدع ما كانت بترضى اني أكل معاهم في نفس الصينية كانت بتخليني آكل بواقي أكلهم بعد ما يخلصوا 💔 إنتهوا ولميت العدة وغسلتها وأكلت...

شوية كدا و نادتني مرت عمي....
قالت لي : شمس يا شمس تعالي حبيبه...
انا قلت : (بسم الله المره دي ملبوسه ولا شنو 😳)
قالت لي : تعالى سريع عمك دايرك في التلفون
قلت:( ااااا عشان كدا غايتو مخير الله) مشيت عليها أدتني التلفون رديت على عمي
قلت ليه : عممممو أخبارك مشتاقين ❤️
قال لي : كميات ياخ كيفك انتي؟
قلت ليه : تمام الحمد لله انت جايي متين
قال لي : والله ما بقدر أجي قريب إنتي ناقصك شي؟
قلت ليه : لالا ما ناقصني شي
قال لي : طيب انا كلمت عمتك عشان تدخلك إنتي وتارا  المدرسة وتسجلكم مع ضياء في نفس المدرسة عشان تكونوا جمب بعض✨
قلت ليه : جد حندخل المدرسة!
قال لي : اي يا حبيبتي بس خليك مع عمتك هي حتوريك التفاصيل وحتظبط ليك كل شي وانا حأرسل ليك حاجات المدرسة من هنا تمام
قلت ليه : تمام 😊
وعلى كدا قفل...
عمتي نادت تارا وضياء وكلمتهم بي موضوع المدرسة تارا فرحت عشان حتدخل المدرسة وضياء فرح عشان حنكون معاه...
مرت عمي قالت لي : إنتي بتفاهم معاك بعدين حتدخلي المدرسة لكن ما تنسى شغلك في البيت 😒
قلت ليها : كويس
قالت : يلا أمشوا نوموا عشان بكره نمشي نشوف المدرسة وإنتي يا شمس تصحى قبل الصبح عشان تعملي شغلك ودا طبعاً لو دايرة تمشي معانا
قلت ليها : طيب...

#عبا~ر~ة...

هل ستبدأ حياتي بالشروق ام لم يحن الوقت بعد؟! 💜✨

#يتبع