العوض الجميل ❤️!

14

صحيت الصباح وكان اليوم يوم جمعة صليت الصبح ورقدت في المصلاية كنت بفكر....
قلت : ااااه الليلة الجمعة يا حبوبة نعمة هسه كان كنتي عايشة كان جيتك ونمت معاك وشبعت من حنانك 🥺ااااه يا غالية لو تعرفي قدر شنو إشتقت ليك 💔انتي مُتي في الدنيا لكن عايشة في قلبي وما حنساك أبداً .. حتفضلي طول العمر مصدر الحنان والأمان بالنسبة لي حتى بعد غيابك دا✨... ياربي لاقيتي أمي وأبوي فالجنة أها كيف حالهم؟ استغفر الله استغفر الله دا شنو البتقولي فيه دا يا شمس دي حاجات ما بعلم بيها إلا الله...

قمت وطلعت برا لقيت حبوبة غيداء وجدو ياسر بشربوا في الشاي كالعادة
حبوبة غيداء : صباحوو الجميل✨
جدو ياسر : كيف أصبحتي يا بتي
قلت ليهم : تمام الحمد لله إنتوا كيفكم
قالوا لي : تمامين الحمد لله تعالي أقعدي أشربي الشاي..
جات جميلة جابت لي الشاي شربت وبعد شويه كدا فطرنا وجدو ياسر مشى يجهز للصلاة...
حبوبة غيداء : مالك يا بتي عيونك دي ظاهر عليها الحزن؟!
قلت ليها : من الجواي يا حبوبة
قالت لي : وشنو الجواك يا عيون حبوبة؟!
قلت ليها : الجواي كتيييييير💔
قالت لي : أحكي لي يا بتي أنا زي أمك
قلت ليها : فعلاً إنتي زي امي لكن أنا ما جاهزة هسه يا حبوبة خليني لمن يجي الوقت المناسب أوعدك أحكي وأفضفض ليك عن الجواي
قالت لي : على راحتك حبيبتي وانا مستعدة أسمعك في أي وقت ✨
قلت لها : الليلة الجمعة  يا حبوبة وإتذكرت حبوبة نعمة الأصلاً ما بتروح من بالي😔💔
قالت لي : ولي بتتزكريها كل جمعة بالتحديد؟ انا لاحظت ليك لازم كل جمعة تجيبي سيرتها كتييير وتدعي ليها أكتر✨
قلت ليها : أنا زمان كنت بمشي ليها كل جمعة في بيتها بقعد معاها وبرجع لي بيت عمي تاني يوم وهسه بعد ماتت ما بقدر أمشي ليها😔
قالت لي : لي ما بتقدري؟ بتقدري أمشي زوريها في بيتها الجديد وأكيد هي حتسمعك وبي كدا تكوني بردتي قلبك وانا زاتي بمشي معاك عشان أزورها
قلت ليها : والله يعني ممكن أمشي ليها الليله الله يخليك لي يا حبوبة 🥺🤲🏻
قالت لي : ويخليك يا حلوة.... طيب قومي أجهزي عشان جدك ياسر يوصلنا معاه وهو طالع على الصلاة
قلت ليها : حاضر....

مشيت لبست عبايتي وشلت مصحفي وطلعت
لقيت جدو وحبوبة جاهزين طلعنا ركبنا العربية ومشينا لي بيت حبوبة الجديد "المقابر" ودا الحيبقي في النهاية  بيتنا كلنا✨ وصلنا وجدو ياسر شال ليها الفاتحة ومشى الصلاة وخلانا قال بجي بغشانا بعد الصلاة...
انا قعدت لي حبوبة جمب رأسها وطوالي لقيت نفسي ببكي😭 بكيت قدرتي وحبوبة غيداء كمان بكت قريت ليها الفاتحة وفتحت المصحف قريت ليها كم سورة
وقلت ليها : حبوبة نعمة أنا شمس بتك حبيبتك جيت أسلم عليك🥺 اااه يا حبوبة لو تعرفي قدر شنو إشتقت ليك💔 كل يوم بناديك لكن إنتي ما بتردي لي... مشيتي وخليتني🥺💔 حبوبة أدعي لي في الجنة زي ما كنتي بتدعي لي زمان ✨حبوبة سلمي على ماما وبابا لو لاقوك🥺أدعي لي يا حبوبة نتيجتي قربت وان شاء الله أقدر افرحكم كلكم وأقدر أحقق ليكم حلمكم بحبكم شدييييد🥺❤️!
حبوبة غيداء : خلاص يا شمس كفاية يلا أرح بعد دا
قلت ليها : طيب أرح نزور ماما وبابا مشينا زرناهم بكيت شديد اليوم داك وزعلت حسيت بي فقدان أعز الحبايب حسيت الدنيا بتدت تضيق وتضيق وتضيق💔...

طلعنا من المقابر وبقينا منتظرين جدو ياسر يجي قبلت وراي وكانت الصدمة تتخيلوا شفت منو😳؟
دي برتقالة جات تزور حبوبة اااه من شفتها جريت عليها حضنتها
قالت لي : شمس كيفك؟
قلت ليها : تمام جيتي تزوري حبوبة ولا شنو؟!
قالت لي : اي والله حبوبة الغالية بجي بزورها كل فترة والليله جيتها مخصوص من البلد عشان أزورها حلمت بيها جات تطمن علي🥺
قلت ليها : والله إنتي بت أصول معقولة ما نسيتيها؟
قالت لي : يا شمس الزي حبوبة ديل ما ممكن يتنسوا🥺
حضنتها وبكيت معاها زي كانوا حبوبة دي ماتت الليلة💔
قعدنا شوية جدو جاء ودعتها...
قلت ليها : أمشي انا بعد دا ونتلاقى مره تاني لو ربنا أراد
قالت لي : طيب سلام
وعلي كدا مشيت وخليتها رجعت البيت وأنا بفكر معقولة حبوبة دي كانت طيبة كدا يعني حتى الشغالة متعلقة بيها وما نستها ااااه انا من القلب الحنين عمرو الزول الحنين ما بتنسي
عدا اليوم بي خيره وشره ونمت وانا ماسكة صورة حبوبة وماما وبابا وتارا وضياء الغالين ❤️!

#ك~سر~ة
هناك مِن البشر مَن تظن أنهم ملائكة على هيئة إنسان وهذا من شدة طيبتهم وحبهم وبراءتهم يفضلون هكذا إلى يوم الدين وتفضل زكراهم في قلوب المحبين هكذا هم وسيفضلون هكذا ❣️...!
# كتابتي

# يتبع