العوض الجميل ❤️!

10

صحيت الصُبح مشيت إتوضيت وصليت وطلعت لقيت حبوبة ماف مشيت ليها في غرفتها لقيتها لسة نايمة
قلت : غريبة ما صحت لي الصبح كدي أصحيها
قربت منها وهبشتها
قلت ليها : حبوبة قومي صلي الصبح
ما ردت علي قلت إحتمال نومها تقيل بقيت بصحي فيها وهي ما دايرة تصحى قلقت شديد وجاني شعور غريب بقيت بقول ليها حبوبة حبوبة قومي مالك ما دايرة تصلي؟
.. جات برتقالة داخلة
قالت لي : حبوبة لسه ما صحت غريبة مالا؟
قلت ليها : ما بعرف أبت تصحى لي كدي تعالى حاولي
... جات هبشتها عاينت لي بي عين مكسورة
قالت لي : ح ح ح حبوبة
قلت ليها : مالا؟!
قالت لي : شكلها إتوفت إنا لله وإنا إليه راجعون💔
قلت ليها : مستحيييل مستحيييل أمس وعدتني تفضل معاي وما تخليني مستحيييل لالا🥺💔 بس بتكون نايمة تفي من خشمك وما تفاولي عليها حبوبه ما بتخليني أنا واثقة فيها😭... حبوبة قومي شوفي برتقالة بتقول في شنو😭...
برتقالة حضنتني بكييينا من جوا قلبنا وانا دخلت في حالة هستيرية 💔ما كنت قادرة أصدق دي نفسها حبوبه الوعدتني أمس تفضل معاي؟ دي نفسها حبوبة الحنينة والطيبة؟ دي نفسها حبوبة المن ريحة الغالي؟ 😭لي يا حبوبه مشيتي وخليتيني مش عارفاني ما بقدر اعيش بلاك؟ 😭لي يا حبوبة كسرتي قلبي💔 لي يا حبوبة نحن مش إتفقنا نبقى سند بعض😭 لي كدا يا سندي؟ 💔 لي كدا يا حبي💔؟ لي كدا يا ملجئي💔؟ لي بس لي😭! عارفاني بحبك إنتي اكتر زولة حنينه علي وقريبة مني😭 حبوبة انا ما بقدر أعيش بلاك حبوبة ما تهظري قومي 💔حبوبة خلاص كفاية حبوبة انا مش بتك وإنتي مش أمي التانية؟ لي كدا يا حبوبة خلاص سوقيني معاك محل ما ماشة بمشي معاك😭 حبوبة ما تعمليها فيني💔 حبوبه ما تبقى زي ماما وبابا😭 حبوبة أمس مش كنا بنتونس؟ يلا قومي أرح نتونس... مش أمس كنتي بتوصي فيني؟ يلا أرح قومي هسه وصيني تاني😭 حبوبة الحياة بدونك مستحيلة إنتي نعمتي وفرحتي وضحكتي إنتي غلاي وحياتي يا حبوبة يا ستهم 💔قومي حلفتك يا حبوبة ما بقدر أعيش بلاك انا 💔حبوبة خلاص بطلي حبووووووووووبة حبوووبة 😭سوقيني معاك لي مشيتي لي ماما وبابا بدوني😭💔
برتقالة : خلاص يا شمس إستغفر ربك وأدعي ليها يا شمس حبوبة محتاجة دعانا🥺 وأنا ماشة أكلم عمك والأهل وإنتي قومي صلي ركعتين وأدعي لي حبوبة💔...

مشت وانا غطيت حبوبة ومشيت صليت ودعيت لي حبوبة وانا ببكي كنت مكسورة شديد 💔خلاص حسيت الدنيا إنتهت... لي كدا؟ كل ما أحب زول أفقدو لي دايماً بفقد الطيبين؟ لي الدنيا كل يوم مصرة تثبت لي انها قاسية؟ 💔 لي دايماً أنا أنا بس لي كدا يا رب إستغفرت ودعيت ليها كتيييييير في المسافة دي كانت مرت عمي وضياء وتارا جو والبيت إتملا خلال ثواني بس... ضياء وتارا جو بكوا معاي وحاول يواسوني في حين أنهم كانوا محتاجين اليواسيهم كانوا عارفيني حتكسر عشان كنت بريد حبوبة شديد💔... مرت عمي جات من بعيد...
قالت لي : إستغفري يا شمس والبركة فيكم وربنا يدخلها فسيح جناته
ولا عاينت ليها ولا حتى فكرت أقول ليها إنتي بتقولي في شنو؟... كنت في وضع ما بستحمل فيه أي كلمه من أي زول💔 كنت قاعدة في الأرض وببكي وجمبي ضياء وتارا الما فارقوني ولا دقيقة! ...

غسلوا حبوبة ونادونا عشان نشوفها للمرة الاخيرة💔 تارا أبت تخش قالت ما بتقدر لكن انا قلت لازم أخش مشى معاي ضياء دخلنا لقيتها خلاص جد حتفارقنا وياداب بديت أستوعب بكيت و كنت بعضي في يدي عشان ما أطلِع صوت 💔مشيت قربت منها بستها في رأسها وقريت ليها قرآن وقعدت اتأمل في ملامحها التاني ما حشوفها😭 وسبحان الله حبوبة كان وشها منووور وزي المبتسمة كانت مرة صالحة وعمرها ما غلطت في زول ولا زعلّت زول😭💔....

شالوا الجنازه وهنا أنا إنهرت زيادة😭 ضياء مشى المقابر مع الرجال وفضلت معاي تارا أنا بكيت جنس بكى لمن جوا يشيلوها حسيت شايلين روحي معاها إنهرت وما قدرت أقاوم 😭💔جاتني برتقالة الحالتها كانت صعبة شديد يحليلها كانت متعلقة بي حبوبة وما بتفارقها ولا ثانية 💔قعدت جمبي وحضنتني وبكت معاي بالجد انا خلاص فقدت الدنيا بالفيها💔 خلاص ماتت الحنينة الطيبة 💔خلاص ماتت ضحكتي وخلاص مشت وفارقتني💔 انا تاني منو البحن علي؟ منو البنصحني؟ منو البصبرني؟ وتاني أنا أرقد في رجلين منو؟ حياتي إتقلبت أكتر مما هي مقلوبة ضرب لي عمي بكينا سوا وقال حيجي في أقرب طيارة انا عديت اليوم داك كلو بكى وأبيت آكل ولا أشرب كنت بتزكر في حبوبة وكلامها في تفاصيلها وملامحها في طيبتها وحنيتها... ااااه انا يا دنيا حتعملي فيني شنو تاني؟ 💔

....
عمي وصل تاني يوم وكنا حزينييين شديد عدو أيام البكي و كل يوم أصعب من القبلو لحدي ما رفعوا الفُراش واي زول مشى على بيتو...
أنا كنت خارج نطاق التقطية لا بسمع ولا بتكلم فقدت كل شي... عمي رجع السعودية وانا قبل ما أرجع البيت شلت دفتر صور أمي وأبوي... وشلت صورة لي حبوبة... وشلت الورقة الأدتني ليها بتاعت عنوان حبوبة غيداء وجدو وياسر طلعت برا البيت وبقيت بتأمل فيه للمرة الأخيرة 💔 رجعت البيت تااااني لكن المره دي راجعه مكسورة ومخزولة ومهزوزة .... وحياتي إسودت أكتر مما هي مسوده ورجعت لي جحيمي الأبدي💔....

# خا~طر~ة...

نتعلق بهم فنفقدهم💔 نحبهم فنفقدهم💔 وحينها تصبح الحياة سودااااء بالنسبة لنا فكيف لها أن تنير ومن كان ينيرها قد رحل؟! 💔
# كتابتي

# يتبع