الليلة الخميس والأحد صابح أول إمتحان (إمتحان الشهادة) كنا متوترين شديد أنا ودنيا كنا دايماً مع بعض ومستوانا كان كويس شديد كنا دايماً بنقرأ بدون ملل كانت عندنا طولت بال كدا تدهش لكن رغم قرايتنا دي كنا متوترين شديد😬...
دنيا : شمس أنا خايفة😐
قلت ليها : انا زاتي لكن ما لازم نخاف عشان ما ننسى كل شي
دنيا : ما عارفة أنا ما قادرة أتجاوز الخوف دا
قلت ليها : طيب أرح أعزِمِك شيبس وشكلاتات نغير المود شوية خلاص قرينا كتير نعمل فاصل🙂
دنيا : بالجد أرح نشتري ونرجع نواصل قراية تاني
قلت ليها : أرح....
مشينا إشترينا وإتمشينا شوية في حوش المدرسة وجينا راجعين تاني لي شجرتنا البنحبها شديد❤️
دينا : اه والله إرتحت شوية
قلت ليها : أنا زاتي
دينا : يعني هسه يا شمس بعد الإمتحانات حنفترق😔
قلت ليها : ما حنفترق أبداً ياخ إنتي بقيتي أختي وحبيبتي ما بقدر على فراقك انا❤️
دينا : وأنا كمان حبيتك وإتعلقت بيك شديد🥺
قلت ليها : خلاص وعد ما ننقطع من بعض أبداً طول ما فينا نفس✨
دنيا : وعد.... صديقات حبيبات أخوات وللأبد✋🏻❤️
قلت ليها : وللأبد✨
دينا: عندي فكرة حلوة شديد لي صداقتنا دي
قلت ليها : شنو يا أم أفكار إنتي
حامت حوالين الشجرة وجابت ليها مسمار وجات
دينا : حنحفر أسامينا في الشجرة وكدا حتكون ذكرى وكل فترة نزور المدرسه والشجره دي بالتحديد عشان نعيد زكريات الماضي🥺
قلت ليها : الله بحبك شديد❤️
قالت لي : وانا كمان يلا أبدى إنتي...
شلت المسمار وحفرت إسمها وعملت قصاده قلب وهي شالت المسمار وعملت قصاد القلب إسمي وبقى....
{دينا ❤️ شمس} حضنتها وجات قطعت لينا اللحظة الحلوة دي بت...
قالت لينا : المديره دايراكم في المكتب....
دينا : سجمي مالنا
قلت ليها : بري أرح نشوف
مشينا سلمنا على المديرة قالت لينا أقعدو
قعدنا وبدت تتكلم....
المديرة : يا بناتي انا خاته فيكم العشم وخاته ليكم درجة كبيرة شديد في راسي ما تخزلونا أرفعوا راسنا ورأس أهلكم أنا عارفاكم قدر الثقة دي بس كنت دايرة أفهمكم إنو إنتوا حتكونوا سبب سعادة ناس كتار... ركزوا في قرايتكم شديد وما تخافوا وما تتوتروا عشان ما تنسوا المعلومات وأوعكم تراجعوا بعد الجلسة والفاتكم فوتوه ما تعاينوا وراكم تاني وخليكم في الجاي بس سمح يا بناتي😊
قلنا ليها : حاضر يا أستاذة وحنكون عند حسن ظنك أن شاء الله🙂....
المديره : ما تتقطعوا مننا بعد المدرسة والله والله ويشهد الله إنتوا أكتر بتين بحبهم وقراب مني في المدرسة دي😊❤️
قلنا ليها : أكيد ما حننقطع منكم وحنجيكم زيارات ونحن أكبر دكتورات بإذن الله😊
المديره : ان شاء الله ويلا ممكن تتفضلوا بعد دا...
طلعنا منها ونحن كلنا عزيمة وقوة بالجد شجعتنا ورفعت معنوياتنا وقللت لينا من الخوف✨....
_______________
بدت الإمتحانات و مرت الأيام على خير وأنا ودنيا إشتغلنا كويس شديد الحمد لله✨... كان في الساهل وفي الصعب لكن نحن كنا قدروا... حبوبة غيداء وجدو ياسر ما قصروا معاي كانوا بساهروا معاي عشان ما أنعس يحليلهم❤️ تعبنا تعب شديد أنا ودينا لحدي ما خلصنا بالسلامة وجاء يوم الوداع💔....
#ك~سر~ة
هي صديقتي التي أحببتها من أعماق أعماق قلبي فهي حلت مكان أختي❤️ كانت ليّ السند والقوة أحببتها ولكن سوف يقوم الزمن بتفريقنا ولكن لن نسمح ليه سنظل أصدقاء دائماً وأبداً ✨!
#يتبع
أنت تقرأ
العوض الجميل ❤️!
Romance#رواية سودانية❤️✨ بقلمي📝 : آية هيثم ... _ شمس بت يتيمة عانت شديد في حياتها ياما إتظلمت وياما إتوجعت وياما تِعبت💔... فقدت أعز الناس ليها بالتدريج ! ...لكن ما يئست صبرت وربنا عوضها وكلنا عارفين عوض ربنا جميل ! ... جميل شديد❤️✨
